ກອງປະຊຸມເຊື່ອມຕໍ່ການທ່ອງທ່ຽວລະຫວ່າງແຂວງກວ໋າງຈິ ຂອງຫວຽດນາມ - ລາວ - ໄທ
ກປ.ອອນໄລ - ຕອນບ່າຍວັນທີ 19 ກັນຍາ, ຢູ່ແຂວງກວ໋າງຈິ ໄດ້ດຳເນີນກອງປະຊຸມສຳມະນາເຊື່ອມຕໍ່ການທ່ອງທ່ຽວລະຫວ່າງແຂວງກວ໋າງຈິ (ຫວຽດນາມ) - ລາວ - ໄທ ໃນຂອບເຂດລາຍການ Caravan ທ່ອງທ່ຽວ 2023 “ສີສັນກວ໋າງຈິ” ເພື່ອແນໃສ່ແນະນຳຜະລິດຕະພັນການທ່ອງທ່ຽວ ແລະເພີ່ມທະວີການຮ່ວມມືດ້ານການທ່ອງທ່ຽວໃນແລວທາງເສດຖະກິດຕາເວັນອອກ-ຕາເວັນຕົກ (EWEC).
    |
 |
|
ບັນຍາກາດທີ່ກອງປະຊຸມເຊື່ອມຕໍ່ການທ່ອງທ່ຽວລະຫວ່າງແຂວງກວ໋າງຈິ (ຫວຽດນາມ) - ລາວ - ໄທ. ພາບ: baoquangtri.vn |
ລາຍການຄັ້ງນີ້ໄດ້ດຶງດູດຄວາມສົນໃຈຈາກວິສາຫະກິດຂອງລາວ ແລະໄທຫຼາຍແຫ່ງທີ່ຢາກຊອກຮູ້ວັດທະນະທຳປະຫວັດສາດ ແລະການທ່ອງທ່ຽວຊີວະພາບໃນບໍລິເວນແຂວງ, ພິເສດແມ່ນການທ່ອງທ່ຽວທາງທະເລ. ທີ່ກອງປະຊຸມສໍາມະນາ, ຜູ້ຕາງໜ້າສະມາຄົມທ່ອງທ່ຽວແຂວງກວ໋າງຈິ ໄດ້ແບ່ງປັນ ແລະແນະນຳຄວາມສາມາດບົ່ມຊ້ອນ, ທ່າແຮງຂອງສະຖານທີ່ທ່ອງທ່ຽວຢູ່ໃນແຂວງ, ພິເສດແມ່ນແນະນຳບາງລາຍການທ່ອງທ່ຽວທີ່ເຊື່ອມຕໍ່ກັບບັນດາວິສາຫະກິດຂອງລາວ, ໄທ ເພື່ອດຶງດູດນັກທ່ອງທ່ຽວສາກົນ.
ໄປຄຽງຄູ່ກັນນ້ັນ, ຄະນະຈັດຕັ້ງ ຍັງໄດ້ເຊີນເອົາຜູ້ຕາງໜ້າຂອງວິສາຫະກິດຈາກລາວ, ໄທ ທີ່ພາຍຫຼັງສຳຫຼວດຈະແບ່ງປັນຄວາມຕ້ອງການ, ຂໍ້ສະເໜີ, ຄໍາເຫັນປະກອບຈາກນັ້ນປະກອບສ່ວນຍົກສູງຄຸນນະພາບ ແລະຫັນຜະລິດຕະພັນການທ່ອງທ່ຽວຢູ່ແຂວງກວ໋າງຈິ ຫາກໍ່ຜັນຂະຫຍາຍເປັນຫຼາຍຮູບຫຼາຍແບບ.
|
|
 |
|
ສະມາຄົມທ່ອງທ່ຽວແຂວງກວ໋າງຈິ ຂອງຫວຽດນາມ ລົງນາມໃນບົດບັນທຶກຊ່ວຍຈໍາກ່ຽວກັບການສົ່ງເສີມ ແລະຮ່ວມສໍາພັນດ້ານການທ່ອງທ່ຽວກັບສະມາຄົມທ່ອງທ່ຽວແຂວງສະຫວັນນະເຂດ ຂອງລາວ. ພາບ: baoquangtri.vn |
ໃນຂອບເຂດກອງປະຊຸມສໍາມະນາ, ສະມາຄົມທ່ອງທ່ຽວແຂວງກວ໋າງຈິ ໄດ້ລົງນາມໃນບົດບັນທຶກຊ່ວຍຈຳກ່ຽວກັບການສົ່ງເສີມ ແລະຮ່ວມສໍາພັນດ້ານການທ່ອງທ່ຽວກັບສະມາຄົມທ່ອງທ່ຽວ, ການຄ້າ ແລະອຸດສາຫະກຳເຂດຕາເວັນອອກສ່ຽງເໜືອໄທ ແລະສະມາຄົມທ່ອງທ່ຽວແຂວງສະຫວັນນະເຂດ. ກ່ອນໜ້ານັ້ນ, ລາຍການ Caravan ທ່ອງທ່ຽວປີ 2023 ດ້ວຍຫົວຂໍ້ “ສີສັນກວ໋າງຈິ” ໄດ້ດຳເນີນຫຼາຍກິດຈະກໍາເຄື່ອນໄຫວຢ້ຽມຊົມ, ເຂົ້າຮ່ວມລາຍການທ່ອງທ່ຽວຢູ່ບາງສະຖານທີ່ທ່ອງທ່ຽວດີເດັ່ນຂອງແຂວງກວ໋າງຈິ.
ໂດຍ: ທູຈາງ