ຄະນະປະຕິບັດງານກະຊວງປ້ອງກັນປະເທດລາວ ຢ້ຽມຢາມ ແລະເຮັດວຽກຢູ່ແມ່ທັບນ້ອຍ 15
ກປ.ອອນໄລ - ວັນທີ 22 ກັນຍາ, ຄະນະປະຕິບັດງານຂອງຄະນະຊີ້ນໍາກໍ່ສ້າງຮາກຖານການເມືອງ ແລະພັດທະນາຊົນນະບົດຮອບດ້ານກະຊວງປ້ອງກັນປະເທດລາວ ນໍາໂດຍສະຫາຍພົນຈັດຕະວາ ບົວໄລ ພົມມະວົງ, ຫົວໜ້າກົມກໍ່ສ້າງຮາກຖານການເມືອງ, ກົມໃຫຍ່ການເມືອງກອງທັບປະຊາຊົນລາວ ໄດ້ລົງນາມໃນບົດບັນທຶກຊ່ວຍຈຳວ່າດ້ວຍການແຮກສ່ຽວກັບແມ່ທັບນ້ອຍ 15, ກອງທັບປະຊາຊົນຫວຽດນາມ ແລະຕ້ອນຮັບນັກສໍາມະນາກອນທີ່ຮຽນຈົບວິຊາຊີບກ່ຽວກັບກະສິກຳໂດຍແມ່ທັບນ້ອຍ 15 ອຸປະຖຳທຶນການສຶກສາຢູ່ຫວຽດນາມ.
ສະຫາຍພົນຈັດຕະວາ ຮວ່າງວັນຊີ໊, ຜູ້ບັນຊາການແມ່ທັບນ້ອຍ 15 ໄດ້ແຈ້ງໃຫ້ຄະນະປະຕິບັດງານຊາບກ່ຽວກັບສະພາບການຂອງກົມກອງໃນໄລຍະຜ່ານມາ, ໃນນັ້ນມີບັນດາການເຄື່ອນໄຫວຢູ່ປະເທດເພື່ອນລາວ. ເພື່ອປະກອບສ່ວນເສີມຂະຫຍາຍ, ຮັກສາ ແລະພັດທະນາສາຍພົວພັນແບບພິເສດລະຫວ່າງປະຊາຊົນ ແລະກອງທັບສອງປະເທດຫວຽດນາມ - ລາວ, ແມ່ທັບນ້ອຍ 15 ຍາມໃດກໍ່ກໍານົດປະຕິບັດບັນດາເນື້ອໃນແຮກສ່ຽວກັບຄະນະຊີ້ນຳກໍ່ສ້າງຮາກຖານການເມືອງ ແລະພັດທະນາຊົນນະບົດຮອບດ້ານຂອງກະຊວງປ້ອງກັນປະເທດລາວ ເປັນຢ່າງດີ.
    |
 |
|
ບັນຍາກາດທີ່ພິທີລົງນາມໃນບົດບັນທຶກຊ່ວຍຈໍາວ່າດ້ວຍການແຮກສ່ຽວລະຫວ່າງສອງກົມກອງ. ພາບ: qdnd.vn |
ສະຫາຍພົນຈັດຕະວາ ບົວໄລ ພົມມະວົງ ໄດ້ຕີລາຄາສູງບັນດາໝາກຜົນທີ່ແມ່ທັບນ້ອຍ 15 ບັນລຸໄດ້ໃນໄລຍະຜ່ານມາ ກໍ່ຄືໝາກຜົນການຮ່ວມມືລະຫວ່າງສອງຝ່າຍ; ຂອບໃຈຢ່າງຈິງໃຈແມ່ທັບນ້ອຍ15 ທີ່ໄດ້ໃຫ້ການຊ່ວຍເຫຼືອບໍາລຸງກໍ່ສ້າງນັກສຶກສາລາວ ທີ່ຖືກສົ່ງໄປຮຽນຢູ່ຫວຽດນາມ; ພ້ອມທັງ, ປາດຖະໜາຢາກເພີ່ມທະວີການຮ່ວມມືໃນທຸກຂັ້ນ ເພື່ອປະຕິບັດສຳເລັດບັນດາເປົ້າໝາຍທີ່ສອງຝ່າຍໄດ້ລົງນາມແລ້ວ.
ໂດຍ: ທະນາພອນ