ວິສາຫະກິດໂທລະຄົມມະນາຄົມຫວຽດນາມ ຊ່ວຍເຫຼືອລາວ ຕ້ານພະຍາດໂຄວິດ -19
ກປ.ອອນໄລ - ສືບຕໍ່ຮ່ວມເດີນທາງ, ຮ່ວມແຮງຮ່ວມໃຈພ້ອມກັບກະຊວງສາທາລະນະສຸກ ແລະບັນດາອົງການທີ່ກ່ຽວຂ້ອງຂອງລາວ ໃນວຽກງານປ້ອງກັນ, ຕ້ານພະຍາດໂຄວິດ-19, ຫວ່າງມໍ່ໆມານີ້, ບໍລິສັດ ສະຕາ ໂທລະຄົມ, ແມ່ນບໍລິສັດຂອງ Viettel ຮ່ວມທຸລະກິດກັບບໍລິສັດຂອງລາວ ໄດ້ມອບໂທລະສັບ ແລະບັນດາຜະລິດຕະພັນໂທລະຄົມທີ່ມີມູນຄ່າ 2,4 ຕື້ກີບ, ທຽບເທົ່າ 6 ຕື້ດົ່ງເພື່ອຊ່ວຍເຫຼຶືອລາວ.
ກ່າວຄຳເຫັນທີ່ພິທີ, ທ່ານ ລືວແມັ້ງຮ່່າ, ຜູ້ອຳນວຍການໃຫຍ່ບໍລິສັດ ສະຕາ ໂທລະຄົມ ເນັ້ນໜັກວ່າ, ການສືບຕໍ່ປ້ອງກັນ, ສະກັດກັ້ນ, ຈໍາກັດການແຜ່ລະບາດຂອງພະຍາດໂຄວິດ-19 ແມ່ນວຽກງານສໍາຄັນ ແລະນີ້ກໍ່ແມ່ນຄວາມຮັບຜິດຊອບລວມຂອງທຸກຂະແໜງການ, ທຸກຂັ້ນ ແລະປະຊາຊົນລາວບັນດາເຜົ່າ. ການຊ່ວຍເຫຼືອຄັ້ງນີ້ຈະປະກອບສ່ວນຊ່ວຍໃຫ້ກະຊວງສາທາລະນະສຸກລາວ ໃນການສື່ສານຊີ້ນຳບັນດາຂະແໜງການທີ່ກ່ຽວຂ້ອງໄດ້ຢ່າງສະດວກກວ່າເພື່ອປະຕິບັດບັນດາມາດຕະການປ້ອງກັນ, ຄວບຄຸມ ແລະແກ້ໄຂພະຍາດໂຄວິດ-19 ໄດ້ຈັດຕັ້ງປະຕິບັດຢ່າງຖືກຕ້ອງ ແລະທັນການ.
    |
 |
|
ທ່ານ ບຸນກອງ ສີຫາວົງ, ລັດຖະມົນຕີກະຊວງສາທາລະນະສຸກລາວ ຮັບສັນຍາລັກ 2,4 ຕື້ກີບໂດຍທ່ານ ລືວແມັ້ງຮ່່າ, ຜູ້ອຳນວຍການໃຫຍ່ບໍລິສັດ ສະຕາ ໂທລະຄົມ ມອບໃຫ້. ພາບ: nhandan.com.vn. |
ສະແດງຄວາມຂອບອົກຂອບໃຈຕໍ່ການຊ່ວຍເຫຼືອຂອງບໍລິສັດ ສະຕາ ໂທລະຄົມ, ທ່ານ ບຸນກອງ ສີຫາວົງ, ລັດຖະມົນຕີກະຊວງສາທາລະນະສຸກລາວ, ຕາງໜ້າໃຫ້ລັດຖະບານລາວ ຢັ້ງຢືນວ່າ ຈະນຳໃຊ້ບັນດາວັດຖຸອຸປະກອນຊ່ວຍເຫຼືອນີ້ເຂົ້າໃນວຽກງານປ້ອງກັນ, ຄວບຄຸມ ແລະແກ້ໄຂພະຍາດໂຄວິດ-19 ໃຫ້ມີປະສິດທິຜົນສູງສຸດ.
ໂດຍ: ສົມເພັດ