ກອງເສດຖະກິດ-ປ້ອງກັນຊາດ 385 (ພົນລະພາກຫຼວງ 15): ຢ້ຽມຢາມ ແລະມອບຂອງຂວັນໃຫ້ແກ່ປະຊາຊົນລາວ
ກປ.ອອນໄລ - ວັນທີ 16 ກໍລະກົດ, ຄະນະປະຕິບັດງານຂອງກອງເສດຖະກິດ-ປ້ອງກັນຊາດ 385 (ພົນລະພາກຫຼວງ 15) ໄດ້ລົງຢ້ຽມຢາມ ແລະມອບຂອງຂວັນໃຫ້ພໍ່ແມ່ປະຊາຊົນ 5 ບ້ານ: ບ້ານສອກ, ບ້ານ ໄຊສີ, ບ້ານແປງພູຄໍາ, ບ້ານກະໂສມ, ບ້ານຮະລາງຂອງເມືອງສາມັກຄີໄຊ, ແຂວງອັດຕະປື ລວມມູນຄ່າທັງໝົດເກືອບ 150 ລ້ານດົ່ງ.
|
|
ຜູ້ຕາງໜ້າກອງເສດຖະກິດ-ປ້ອງກັນຊາດ 385 ມອບຂອງຂວັນໃຫ້ພໍ່ແມ່ປະຊາຊົນບ້ານຮະລາງ. ພາບ: ວັນທ່ຽນ. |
ເງິນຈໍານວນດັ່ງກ່າວແມ່ນພະນັກງານ, ສະມາຊິກຊາວໜຸ່ມ, ກໍາມະບານ, ແມ່ຍິງຂອງກົມກອງບໍລິຈາກ. ຄຽງຂ້າງນັ້ນ, ຄະນະປະຕິບັດງານຍັງຈັດຕັ້ງການໂຄສະນາໃຫ້ແກ່ພໍ່ແມ່ປະຊາຊົນກ່ຽວກັບການປ້ອງກັນ, ຕ້ານພະຍາດໂຄວິດ-19, ປ້ອງກັນຕ້ານໄພພິບັດທາງທໍາມະຊາດ ຄື: ຝົນຕົກ, ນໍ້າຖ້ວມ, ພາຍຸໃນລະດູຝົນ ແລະບາງພະຍາດທົ່ວໄປ.
ບັນດາວຽກງານທີ່ແທດຈິງຂອງພະນັກງານ, ກໍາມະກອນ, ຜູ້ອອກແຮງງານຂອງກອງເສດຖະກິດ-ປ້ອງກັນຊາດ 385 ໄດ້ສ້າງອາລົມຈິດ, ຄວາມຮັກແພງຢ່າງເລິກເຊິ່ງໃນດວງໃຈທະຫານ ແລະປະຊາຊົນປະເທດລາວ, ປະກອບສ່ວນເສີມສ້າງນໍ້າໃຈໄມຕີຈິດມິດຕະພາບແບບພິເສດ ຫວຽດນາມ - ລາວ ຕື່ມອີກ.
ໂດຍ: ໄຊຊະນະ