ຄະນະປະຕິບັດງານແຂວງສະຫວັນນະເຂດ ອວຍພອນປີໃໝ່ອົງຄະນະພັກ ແລະປະຊາຊົນແຂວງຮ່າຕິ້ງ
ກປ.ອອນໄລ - ຕອນເຊົ້າວັນທີ 14 ມັງກອນ, ຄະນະຜູ້ແທນແຂວງສະຫວັນນະເຂດ ນຳໂດຍທ່ານ ທ່ອນແກ້ວ ພຸດທະໄກຍະລາດ, ຮອງເຈົ້າແຂວງສະຫວັນນະເຂດ ໄດ້ມາຢ້ຽມຢາມ, ອວຍພອນປີໃໝ່ອົງຄະນະພັກ, ປະຊາຊົນແຂວງຮ່າຕິ້ງ ເນື່ອງໃນໂອກາດກະກຽມຕ້ອນຮັບປີໃໝ່ປະຈຳຊາດປີຊວດ 2020. ທ່ານ ຫວໍຮົ່ງຫາຍ ຫົວໜ້າຄະນະໂຄສະນາສຶກສາແຂວງຮ່າຕິ້ງ ພ້ອມກັບຜູ້ຕາງໜ້າບັນດາພະແນກ, ຂະແໜງການຕ້ອນຮັບຄະນະ.
ໃນບັນຍາກາດເຕັມໄປດ້ວຍໄມຕີຈິດມິດຕະພາບ, ທ່ານ ທ່ອນແກ້ວ ພຸດທະໄກຍະລາດ ອວຍພອນອົງຄະນະພັກ, ອຳນາດການປົກຄອງ ແລະປະຊາຊົນແຂວງຮ່າຕິ້ງ ຕ້ອນຮັບປີໃໝ່ດ້ວຍຄວາມປອດໄພ, ເບີກບານມ່ວນຊື່ນ, ອວຍພອນແຂວງຮ່າຕິ້ງ ນັບມື້ນັບພັດທະນາ, ກາຍເປັນແຂວງເຕີບໃຫຍ່ເຂັ້ມແຂງຂອງຫວຽດນາມ ໂດຍໄວ.
|
|
ທ່ານ ຫວໍຮົ່ງຫາຍ ຫົວໜ້າຄະນະໂຄສະນາສຶກສາແຂວງຮ່າຕິ້ງ ຕ້ອນຮັບຄະນະ. ພາບ: ດິ່ງເຍີດ. |
ເຖິງວ່າແຂວງສະຫວັນນະເຂດ ແລະແຂວງຮ່າຕິ້ງ ບໍ່ມີເສັ້ນຊາຍແດນຮ່ວມກໍ່ຕາມ, ແຕ່ວ່າສາຍພົວພັນທີ່ເປັນມູນເຊື້ອລະຫວ່າງສອງແຂວງຍາມໃດກໍ່ສະໜິດສະໜົມ, ມີການສົມທົບກັນ, ຊ່ວຍເຫຼືອເຊິ່ງກັນ ແລະກັນເປັນປະຈຳ. ທ່ານ ທ່ອນແກ້ວ ພຸດທະໄກຍະລາດ ປາດຖະໜາວ່າ ໃນໄລຍະຈະມາເຖິງ, ສອງຝ່າຍສືບຕໍ່ເພີ່ມພູນຄູນສ້າງສາຍພົວພັນມິດຕະພາບ, ການຮ່ວມມືຮອບດ້ານ, ປະກອບສ່ວນຊຸກຍູ້ການພັດທະນາເສດຖະກິດ-ສັງຄົມ, ເພີ່ມທະວີການພົວພັນທີ່ເປັນມູນເຊື້ອລະຫວ່າງສອງປະເທດເວົ້າລວມ ແລະສອງແຂວງເວົ້າສະເພາະ.
|
|
ຄະນະປະຕິບັດງານແຂວງສະຫວັນນະເຂດ ອວຍພອນປີໃໝ່ປະຈຳຊາດອົງຄະນະພັກ ແລະປະຊາຊົນແຂວງຮ່າຕິ້ງ. ພາບ: ດິ່ງເຍີດ. |
ທ່ານ ຫວໍຮົ່ງຫາຍ ກໍ່ສົ່ງຄຳອວຍພອນອັນດີງາມເຖິງຄະນະປະຕິບັດງານແຂວງສະຫວັນນະເຂດ; ພ້ອມທັງປາດຖະໜາວ່າ, ອົງຄະນະພັກ, ອຳນາດການປົກຄອງ ແລະປະຊາຊົນສອງແຂວງ ນັບມື້ນັບຍາດມາໄດ້ຜົນງານຫຼາຍຢ່າງ, ກໍ່ສ້າງສາຍພົວພັນມິດຕະພາບ ຮ່າຕິ້ງ-ສະຫວັນນະເຂດ ໃຫ້ຂຽວສົດງົດງາມ, ໝັ້ນຄົງຂະໜົງແກ່ນໄປຊົ່ວກາລະນານ ຄືສາຍພົວພັນມິດຕະພາບແບບພິເສດຫວຽດນາມ-ລາວ, ລາວ-ຫວຽດນາມ.
ໂດຍ: ສົມເພັດ