ອົງການໄອຍະການປະຊາຊົນແຂວງເທື່ອທຽນເຫວ້ ແລະອົງການໄອຍະການປະຊົນແຂວງສາລະວັນ: ສົມທົບກັນຕໍ່ສູ້, ສະກັດກັ້ນ ແລະຕ້ານອາດຊະຍາກຳ
ກປ.ອອນໄລ - ໂດຍໄດ້ຮັບຄໍາເຊີນຂອງອົງການໄອຍະການປະຊາຊົນແຂວງສາລະວັນ, ສປປ ລາວ ແລະໄດ້ຮັບການເຫັນດີຈາກອົງການໄອຍະການປະຊາຊົນສູງສຸດ ແລະຄະນະພັກແຂວງເທື່ອທຽນເຫວ້, ແຕ່ວັນທີ 31 ກໍລະກົດ ຫາວັນທີ 3 ສິງຫາ, ຄະນະປະຕິບັດງານຂອງອົງການໄອຍະການປະຊາຊົນແຂວງເທື່ອທຽນເຫວ້ ນຳໂດຍທ່ານ ຫງວຽນແທັງຫາຍ, ຫົວໜ້າອົງການໄອຍະການປະຊາຊົນແຂວງເທື່ອທຽນເຫວ້ ໄດ້ໄປຢ້ຽມຢາມ ແລະເຮັດວຽກກັບອົງການໄອຍະການປະຊາຊົນແຂວງສາລະວັນ.
ທີ່ຫໍປະຊຸມຄະນະພັກແຂວງໆສາລະວັນ, ຄະນະປະຕິບັດງານຂອງອົງການໄອຍະການປະຊາຊົນແຂວງເທື່ອທຽນເຫວ້ ໄດ້ມີການພົບປະເຈລະຈາກັບການນຳອົງການໄອຍະການປະຊາຊົນແຂວງສາລະວັນ.
|
|
ຄະນະປະຕິບັດງານຖ່າຍຮູບເປັນທີ່ລະນຶກກັບອົງການໄອຍະການປະຊາຊົນແຂວງສາລະວັນ. ພາບ: ຈ້ອງບິ່ງ. |
ທີ່ການພົບປະເຈລະຈາ, ສອງຝ່າຍເຊື່ອໝັ້ນວ່າໃນໄລຍະຈະມາເຖິງວຽກງານສົມທົບກັນໃນການຕໍ່ສູ້, ສະກັດກັ້ນ ແລະຕ້ານອາດຊະຍາກຳລະຫວ່າງອົງການໄອຍະການປະຊາຊົນແຂວງເທື່ອທຽນເຫວ້ ແລະອົງການໄອຍະການປະຊາຊົນແຂວງສາລະວັນ ຈະບັນລຸໄດ້ຜົນສຳເລັດຢ່າງຕັ້ງໜ້າ, ປະກອບສ່ວນເຂົ້າໃນວຽກງານສະກັດກັ້ນ ແລະຕ້ານອາດຊະຍາກຳຂ້າມຊາດຢ່າງມີປະສິດທິຜົນ, ຮັກສາຄວາມໝັ້ນຄົງດ້ານການເມືອງ, ຄວາມເປັນລະບຽບຮຽບຮ້ອຍທາງສັງຄົມ, ສ້າງພື້ນຖານໝັ້ນຄົງເຂັ້ມແຂງໃຫ້ແກ່ການພັດທະນາດ້ານເສດຖະກິດ, ວັດທະນະທຳ, ສັງຄົມຂອງສອງທ້ອງຖິ່ນເວົ້າສະເພາະ ແລະຂອງສອງຊາດຫວຽດນາມ-ລາວ ເວົ້າລວມ.
|
|
ພິທີລົງນາມໃນບົດບັນທຶກຊ່ວຍຈຳ ຄັ້ງທີ 2 ລະຫວ່າງອົງການໄອຍະການປະຊາຊົນແຂວງເທ່ືອທຽນເຫວ້ ແລະອົງການໄອຍະການປະຊາຊົນແຂວງສາລະວັນ. ພາບ: ຈ້ອງບິ່ງ. |
ສິ້ນສຸດການເຈລະຈາ, ຕາງໜ້າການນຳສອງຝ່າຍໄດ້ດຳເນີນການລົງນາມໃນບົດບັນທຶກຊ່ວຍຈຳວ່າດ້ວຍການຮ່ວມມືຄັ້ງທີ 2 ລະຫວ່າງອົງການໄອຍະການປະຊາຊົນແຂວງສາລະວັນ ແລະອົງການໄອຍະການປະຊາຊົນແຂວງເທື່ອທຽນເຫວ້ - ແນໃສ່ຍົກສູງຄວາມໄວ້ເນື້ອເຊື່ອໃຈ ແລະຄວາມເຂົ້າອົກເຂົ້າໃຈ, ຮັດແໜ້ນ ແລະເພີ່ມທະວີສາຍພົວພັນຮ່ວມມືນັບມື້ນັບມີປະສິດທິຜົນລະຫວ່າງສອງຝ່າຍໃນໄລຍະຈະມາເຖິງ.
ໂດຍ: ແສງເດືອນ