ຄະນະພະນັກງານກອງທັບປະຊາຊົນລາວ ຢ້ຽມຢາມ ແລະແລກປ່ຽນບົດຮຽນທີ່ໂຮງໝໍກອງທັບ 354
ກປ.ອອນໄລ - ຕອນບ່າຍວັນທີ 2 ທັນວາ, ທີ່ຮ່າໂນ້ຍ, ຄະນະພະນັກງານ ກອງທັບປະຊາຊົນລາວ ນໍາໂດຍສະຫາຍພັນໂທ ຫົງທອງ ສີຊານົນ, ຮອງຫົວໜ້າຫ້ອງການຊາວໜຸ່ມກອງທັບປະຊາຊົນລາວ ໄດ້ມາຢ້ຽມຢາມ ແລະແລກປ່ຽນບົດຮຽນກ່ຽວກັບການເຄື່ອນໄຫວວຽກງານຊາວໜຸ່ມ ແລະຂະບວນການຊາວໜຸ່ມ ທີ່ໂຮງໝໍກອງທັບ 354, ກົມໃຫຍ່ພະລາທິການ.
|
|
ຄະນະພະນັກງານກອງທັບປະຊາຊົນລາວ ເຂົ້າຮ່ວມການເຮັດວຽກ. ພາບ: qdnd.vn |
ທີ່ການຕ້ອນຮັບຄະນະພະນັກງານກອງທັບປະຊາຊົນລາວ, ສະຫາຍພົນຈັດຕະວາ ເລເຕິດເກື່ອງ, ຫົວໜ້າຫ້ອງການເມືອງກົມໃຫຍ່ພະລາທິການ ສະແດງຄວາມຊົມເຊີຍ ແລະສົ່ງຄໍາອວຍພອນມາຍັງຄະນະ ເນື່ອງໃນໂອກາດສະເຫຼີມສະຫຼອງວັນສະຖາປະນາແຫ່ງ ສປປ ລາວ ຄົບຮອບ 47 ປີ (2-12-1975 / 2-12-2022). ສະຫາຍພົນຈັດຕະວາ ເລເຕິດເກື່ອງ ຢັ້ງຢືນວ່າ ຄະນະຊາວໜຸ່ມໂຮງໝໍກອງທັບ 354 ແມ່ນໜຶ່ງໃນບັນດາຄະນະຊາວໜຸ່ມດີເດັ່ນທີ່ສຸດຂອງກົມໃຫຍ່ພະລາທິການ; ພ້ອມທັງອວຍພອນໃຫ້ການມາປະຕິບັດງານຂອງຄະນະພະນັກງານກອງທັບປະຊາຊົນລາວ ຢູ່ຫວຽດນາມ ໃຫ້ບັນລຸໝາກຜົນສໍາຄັນ ແລະປະສົບຜົນສໍາເລັດຢ່າງຈົບດີງາມ...
|
|
ຄະນະພະນັກງານກອງທັບປະຊາຊົນລາວ ມອບຂອງຂວັນ ໃຫ້ການນໍາຫ້ອງການເມືອງ, ກົມໃຫຍ່ພະລາທິການ. ພາບ: qdnd.vn |
ທີ່ການເຮັດວຽກ, ສະຫາຍພັນເອກພິເສດ ຫງວຽນຫງອກຢູ, ເລຂາພັກ, ຫົວໜ້າການເມືອງ ໂຮງໝໍກອງທັບ 354 ໃຫ້ຮູ້ວ່າ: ຄະນະບໍລິຫານງານຊາວໜຸ່ມຂັ້ນຮາກຖານ ຂອງໂຮງໝໍກອງທັບ 354 ມີ ສອງຂັ້ນ, ລວມມີ 3 ໜ່ວຍຊາວໜຸ່ມ; ພະນັກງານ, ສະມາຊິກຊາວໜຸ່ມກວມເອົາ 40% ໃນຈໍານວນພົນ. ໃນການປ້ອງກັນ, ຕ້ານພະຍາດໂຄວິດ-19, ມີພະນັກງານ, ສະມາຊິກຊາວໜຸ່ມຂອງໂຮງໝໍ ນັບຮ້ອຍຄົນບໍ່ໄດ້ຫວາດຫວັ່ນຕໍ່ຄວາມຫຍຸ້ງຍາກ, ໄພອັນຕະລາຍ, ສະໝັກໃຈໄປແນວໜ້າ ເພື່ອຕ້ານພະຍາດຊ່ວຍເຫຼືອປະຊາຊົນ.
ໂດຍ: ທູຈາງ