ການນຳກົມໃຫຍ່ການເມືອງ ຢ້ຽມຢາມ, ຕອບບຸນແທນຄຸນພົນເອກ ເລວັນຢຸ້ງ
ກປ.ອອນໄລ - ເນື່ອງໃນໂອກາດສະເຫຼີມສະຫຼອງວັນການປະຕິວັດເດືອນສິງຫາ ແລະວັນຊາດທີ 2 ກັນຍາ ຄົບຮອບ 80 ປີ, ວັນທີ 23 ສິງຫາ, ຢູ່ທີ່ນະຄອນໂຮ່ຈີມິນ, ຄະນະພະນັກງານກົມໃຫຍ່ການເມືອງກອງທັບປະຊາຊົນຫວຽດນາມ ນໍາໂດຍທ່ານພົນຕີ ໂດ໋ຊວນຕຸ້ງ ຮອງຫົວໜ້າກົມໃຫຍ່ການເມືອງກອງທັບປະຊາຊົນຫວຽດນາມ ໄດ້ໄປຢ້ຽມຢາມ, ມອບຂອງຂວັນຕອບບຸນແທນຄຸນທ່ານພົນເອກ ເລວັນຢຸ້ງ ອະດີດເລຂາທິການສູນກາງພັກ, ອະດີດຫົວໜ້າກົມໃຫຍ່ການເມືອງກອງທັບປະຊາຊົນຫວຽດນາມ.
    |
 |
|
ທ່ານພົນຕີ ໂດ໋ຊວນຕຸ້ງ ຢ້ຽມຢາມຖາມຂ່າວສຸຂະພາບ ແລະຊີວິດການເປັນຢູ່ຂອງທ່ານພົນເອກ ເລວັນຢຸ້ງ ແລະຄອບຄົວ. ພາບ: qdnd.vn |
ພາຍຫຼັງການຢ້ຽມຢາມຖາມຂ່າວສຸຂະພາບ ແລະຊີວິດການເປັນຢູ່ຂອງທ່ານພົນເອກ ເລວັນຢຸ້ງ ແລະຄອບຄົວ, ທ່ານພົນຕີ ໂດ໋ຊວນຕຸ້ງ ໄດ້ລາຍງານບາງຈຸດເດັ່ນກ່ຽວກັບສະພາບການຂອງປະເທດ, ໜ້າທີ່ການທະຫານ, ການປ້ອງກັນຊາດ, ວຽກງານພັກ, ວຽກງານການເມືອງໃນທົ່ວກອງທັບ; ພ້ອມທັງ ໄດ້ສະແດງຄວາມຮູ້ບຸນຄຸນອັນເລິກເຊິ່ງຕໍ່ການອຸທິດສ່ວນຂອງທ່ານພົນເອກ ເລວັນຢຸ້ງ ເຂົ້າໃນພາລະກິດປະຕິວັດຂອງຊາດ ແລະກໍ່ສ້າງກອງທັບ. ສະຫາຍຮອງຫົວໜ້າກົມໃຫຍ່ການເມືອງ ອວຍພອນໃຫ້ທ່ານພົນເອກ ເລວັນຢຸ້ງ ພ້ອມດ້ວຍຄອບຄົວຈົ່ງມີສຸຂະພາບເຂັ້ມແຂງ, ມີຄວາມຜາສຸກ, ສືບຕໍ່ປະກອບສ່ວນ, ປະກອບຄໍາເຫັນ, ແບ່ງປັນບົດຮຽນກັບການນໍາກົມໃຫຍ່ການເມືອງ ແລະພະນັກງານທຸກຂັ້ນ, ປະກອບສ່ວນຊ່ວຍໃຫ້ກົມໃຫຍ່ການເມືອງ ກໍ່ຄືບັນດາອົງການ, ກົມກອງໃນທົ່ວກອງທັບປະຕິບັດສໍາເລັດໜ້າທີ່ວຽກງານທີ່ພັກ, ລັດ ແລະປະຊາຊົນມອບໝາຍໃຫ້.
|
|
 |
|
ຄະນະພະນັກງານກົມໃຫຍ່ການເມືອງ ແລະຄອບຄົວພົນເອກ ເລວັນຢຸ້ງ. ພາບ: qdnd.vn |
ທ່ານພົນເອກ ເລວັນຢຸ້ງ ສະແດງຄວາມສະເທືອນໃຈຕໍ່ອາລົມຈິດຄວາມຮັກແພງຂອງພະນັກງານ, ນັກຮົບກົມໃຫຍ່ການເມືອງ; ຫວັງວ່າ ພະນັກງານ, ນັກຮົບຮຸ່ນຕ່າງໆໃນປັດຈຸບັນ ຈະສືບຕໍ່ເສີມຂະຫຍາຍມູນເຊື້ອ, ຈົ່ງມີຄວາມສາມັກຄີ, ເປັນເອກະພາບ, ຮັກສາແນວຮົບທາງດ້ານແນວຄິດຂອງພັກໃນກອງທັບ; ຍົກສູງຄຸນນະພາບການອົບຮົມຫັດແອບຢ່າງບໍ່ຢຸດຢັ້ງ, ກຽມພ້ອມສູ້ຮົບ ແລະປະຕິບັດສຳເລັດໜ້າທີ່ທີ່ໄດ້ຮັບມອບໝາຍ.
ໂດຍ: ໄຊຊະນະ