ຄະນະກອງທັບປະຊາຊົນລາວ ໄປຍັງ ຫວຽດນາມ ເຂົ້າຮ່ວມພິທີສວນສະໜາມ, ເດີນຂະບວນເນື່ອງໃນໂອກາດວັນຊາດທີ 2 ກັນຍາ
ກປ.ອອນໄລ - ຕອນບ່າຍວັນທີ 16 ສິງຫາ, ຢູ່ດ່ານສາກົນ ເກົ່າແຈວ (ແຂວງ ຮ່າຕິ້ງ), ພະນັກງານ, ນັກຮົບ 120 ຄົນຂອງກອງທັບປະຊາຊົນລາວ ເຂົ້າຮ່ວມສວນສະໜາມ, ເດີນຂະບວນສະເຫຼີມສະຫຼອງ 80 ປີແຫ່ງວັນປະຕິວັດເດືອນສິງຫາ ແລະວັນຊາດ 2 ກັນຍາ ໄດ້ຮັບການຕ້ອນຮັບຈາກການນໍາກອງບັນຊາການທະຫານແຂວງ ຮ່າຕິ້ງ ແລະໄປຝຶກຊ້ອມຢູ່ນະຄອນຫຼວງຮ່າໂນ້ຍ.
ກອງບັນຊາການທະຫານແຂວງ ຮ່າຕິ້ງ ໄດ້ເປັນກຽດຕ້ອນຮັບຄະນະຜູ້ແທນພະນັກງານ, ນາຍທະຫານກອງທັບປະຊາຊົນລາວ ສໍາເລັດລະບຽບການຜ່ານດ່ານສາກົນ ເກົ່າແຈວ ແລະພາໄປມອບໃຫ້ກອງພົນນ້ອຍ 971, ພະແນກລົດ ແລະຂົນສົ່ງ (ກົມໃຫຍ່ພະລາທິການ - ເຕັກນິກ) ເພື່ອສືບຕໍ່ຝຶກຊ້ອມ, ກະກຽມເຂົ້າຮ່ວມສວນສະໜາມ, ເດີນຂະບວນເນື່ອງໃນໂອກາດສະເຫຼີມສະຫຼອງ 80 ປີແຫ່ງວັນປະຕິວັດເດືອນ ສິງຫາ ແລະວັນຊາດທີ 2 ກັນຍາ.
    |
 |
|
ຕາງໜ້າກອງບັນຊາການທະຫານແຂວງຮ່າຕິ້ງ ມອບດອກໄມ້ຕ້ອນຮັບຄະນະກອງທັບປະຊາຊົນລາວ. ພາບ: qdnd.vn |
|
|
 |
|
ຕາງໜ້າກອງບັນຊາການທະຫານແຂວງຮ່າຕິ້ງ ຕ້ອນຮັບພະນັກງານ, ນັກຮົບກອງທັບປະຊາຊົນລາວ. ພາບ: qdnd.vn |
|
|
 |
|
ຄະນະພະນັກງານ, ນັກຮົບກອງທັບປະຊາຊົນລາວ ກຽມພ້ອມເຂົ້າຮ່ວມສວນສະໜາມ, ເດີນຂະບວນ ເນື່ອງໃນໂອກາດວັນຊາດທີ 2 ກັນຍາ. ພາບ: qdnd.vn |
ພາຍຫຼັງສຳເລັດລະບຽບການ, ພະນັກງານ, ນັກຮົບ 120 ຄົນຂອງກອງທັບປະຊາຊົນລາວ ໄດ້ການນຳກອງບັນຊາການທະຫານແຂວງ ຮ່າຕິ້ງ ແລະບັນດາຂະແໜງການທີ່ກ່ຽວຂ້ອງແນະນໍາຂຶ້ນລົດ, ເດີນທາງໄປນະຄອນຫຼວງຮ່າໂນ້ຍ ພ້ອມກັບບັນດາກົມກອງເຂົ້າຮ່ວມສວນສະໜາມ, ເດີນຂະບວນເນື່ອງໃນໂອກາດວັນຊາດທີ 2 ກັນຍາ.
ໂດຍ: ໄຊນີດາ