ຕາມຄະນະຈັດຕັ້ງ, ການຊ້ອມຮົບ AMNEX 3 ໄດ້ດຳເນີນໃນລະຫວ່າງວັນທີວັນທີ 15 – 22 ສິງຫາ, ໂດຍມີກຳປັ່ນທະຫານເຮືອ 10 ລຳ, ຍົນເຮລິກົບແຕ 3 ລຳ ແລະເຮືອໄວ 1 ລຳ, ມີກຳລັງທະຫານ 1.200 ກວ່າຄົນ.

ການສວນສະໜາມກໍາປັ່ນທະຫານເຮືອອາຊຽນ ຍັງເປັນຈຸດພົ້ນເດັ່ນໃນຂອບເຂດ AMNEX 3. ທະຫານເຮືອປະຊາຊົນຫວຽດນາມ ໄດ້ສົ່ງກຳປັ່ນ 016 - ກວາງຈູງ (ກໍາປັ່ນປົກປ້ອງລູກສອນໄຟຂຶ້ນກັບກອງພົນນ້ອຍ 162, ທະຫານເຮືອເຂດ 4) ແລະຄະນະປະຕິບັດງານນໍາໂດຍທ່ານພັນເອກພິເສດ ຫງວຽນວິງນາມ, ຮອງຜູ້ບັນຊາການທະຫານເຮືອເຂດ 4 ເຂົ້າຮ່ວມ AMNEX 3.

leftcenterrightdel
ຫົວໜ້າຄະນະຜູ້ແທນທະຫານເຮືອອາຊຽນ ແລະຜູ້ຕາງໜ້າທະຫານເຮືອຂອງປະເທດເຈົ້າພາບ ມາເລເຊຍ ໃນພິທີໄຂ AMNEX 3. ພາບ: qdnd.vn

ໃນເວລາສຳພາດຕໍ່ໜັງສືພິມກອງທັບປະຊາຊົນ, ທ່ານພົນຕີ Dato' Baharudin Wan Md Nor ໃຫ້ຮູ້ວ່າ ຫົວຂໍ້ຂອງ AMNEX 3 ແມ່ນ “ມິດຕະພາບ ແລະສົມທົບກັນກະທໍາ”. ໃນຄວາມໝາຍກວ້າງຂວາງແມ່ນກໍາລັງທະຫານເຮືອອາຊຽນ ຕ້ອງມຸ່ງໄປເຖິງຈຸດໝາຍຮ່ວມ ເພື່ອຮັບປະກັນສັນຕິພາບ, ສະຖຽນລະພາບ ແລະສະພາບແວດລ້ອມໃຫ້ບັນດາປະເທດທີ່ນຳໃຊ້ທະເລທີ່ມີການກະທຳຢ່າງສົມເຫດສົມຜົນ.

ທ່ານ Dato’ Baharudin Wan Md Nor ເນັ້ນໜັກວ່າ. “ກໍາປັ່ນ 016 - ກວາງຈູງ ແມ່ນກໍາປັ່ນປົກປ້ອງລູກສອນໄຟມີພະລັງແຮງ. ເລື່ອງທະຫານເຮືອປະຊາຊົນຫວຽດນາມ ເປັນກຽດເຊີດຊູບັນດາຝ່າຍເຂົ້າຮ່ວມກັບພາຫະນະແຮງທີ່ສຸດຂອງຕົນໃນການຝຶກຊ້ອມນີ້ໄດ້ສະແດງຄວາມສາມາດ ແລະລັກສະນະວິຊາຊີບຂອງພວກເພື່ອນ. ສະນັ້ນ, ການປະກອບສ່ວນ ແລະບົດບາດຂອງທະຫານເຮືອປະຊາຊົນຫວຽດນາມ ໃນການຮັບປະກັນສໍາເລັດຜົນຂອງການຝຶກຊ້ອມນີ້ແມ່ນສໍາຄັນຍິ່ງ”.

ໂດຍ: ໄຊນີດາ