ກະກຽມໃຫ້ການຝຶກຊ້ອມກູ້ໄພກູ້ຊີບຮ່ວມ ລະຫວ່າງກອງທັບຫວຽດນາມ - ລາວ - ກໍາປູເຈຍ ໃຫ້ເປັນຢ່າງດີ

ທ່ານພັນເອກພິເສດ ຟ້າມວັນຢຸງ, ຮອງຫົວໜ້າເສນາທິການທະຫານເຂດ 4, ຮອງຫົວໜ້າຄະນະຊີ້ນໍາການຝຶກຊ້ອມທະຫານເຂດ 4 ເປັນປະທານການເຮັດວຽກ.

ບັນຍາກາດທີ່ການມອບໝາຍໜ້າທີ່. ພາບ:  qdnd.vn

ການຝຶກຊ້ອມກູ້ໄພກູ້ຊີບຮ່ວມລະຫວ່າງກອງທັບສາມປະເທດ ຫວຽດນາມ-ລາວ-ກໍາປູເຈຍ ຄາດວ່າ ຈະຈັດຂຶ້ນຢູ່ລາວ ໃນໄລຍະຈະມາເຖິງ. ເພື່ອກະກຽມການຝຶກຊ້ອມໃຫ້ເປັນຢ່າງດີ, ໃນໄລຍະຜ່ານມາ, ທະຫານເຂດ 4 ໄດ້ສຸມໃສ່ຊາບຊຶມ, ຄັດເລືອກ, ສ້າງກຳລັງເຂົ້າຮ່ວມການຝຶກຊ້ອມທີ່ມີກຳລັງຄວາມສາມາດ ແລະສຸຂະພາບເຂັ້ມແຂງ ເຕົ້າໂຮມທີ່ກອງພົນນ້ອຍຊ່າງແສງ 414 ເພື່ອດຳເນີນການຝຶກຊ້ອມ, ຝຶກແອບເນື້ອໃນກ່ຽວກັບການຊອກຫາ, ກູ້ໄພກູ້ຊີບ, ປະຖົມພະຍາບານຜູ້ປະສົບເຄາະຮ້າຍ... ຕາມແຜນການທີ່ໄດ້ວາງອອກ. ທະຫານເຂດ 4 ຍັງເພີ່ມເຕີມ,  ກະກຽມອຸປະກອນ, ພາຫະນະຢ່າງພຽງພໍ, ຮັບປະກັນດ້ານວັດຖຸ, ພະລາທິການ ເພື່ອຮັບໃຊ້ການຟຶກຊ້ອມໃຫ້ເປັນຢ່າງດີ.

ກວດກາພາຫະນະ, ວັດຖຸ ທີ່ຈະເຂົ້າຮ່ວມການຝຶກຊ້ອມ. ພາບ:  qdnd.vn

ກໍາລັງຝຶກແອບການຊອກຫາກູ້ໄພກູ້ຊີບ. ພາບ:  qdnd.vn

ເພື່ອເຂົ້າຮ່ວມການຝຶກຊ້ອມບັນລຸໝາກຜົນສູງ ແລະມີຄວາມປອດໄພຢ່າງເດັດຂາດ, ທ່ານພັນເອກພິເສດ ຟ້າມວັນຢຸງ ຮຽກຮ້ອງໃຫ້ກຳລັງທີ່ເຂົ້າຮ່ວມການຝຶກຊ້ອມຍົກສູງຄວາມຮັບຜິດຊອບ, ກຳນົດໜ້າທີ່ຢ່າງຈະແຈ້ງ, ປະຕິບັດທິດນໍາ “ມີລະບຽບວິໄນ,  ບຸກຄະລິກ, ຄວາມຮັບຜິດຊອບ, ລະບຽບງົດງາມ” ໃຫ້ເປັນຢ່າງດີ.

ໂດຍ: ທູຈາງ