ກຳປັ່ນທະຫານເຮືອອິນເດຍ ຢ້ຽມຢາມນະຄອນໂຮ່ຈີມິນ

30 ພຶດສະພາ 2025 16:43

ກປ.ອອນໄລ - ຕອນເຊົ້າວັນທີ 29 ພຶດສະພາ, ກຳປັ່ນທະຫານເຮືອ Ins Darshak ໂດຍ ທ່ານພັນເອກ Praveen Thomas ເປັນກັບຕັນ ໄດ້ເຂົ້າທຽບທ່າກຳປັ່ນນະຄອນ ໂຮ່ຈີມິນ, ເລີ່ມຕົ້ນການຢ້ຽມຢາມນະຄອນ ໂຮ່ຈີມິນ ເປັນເວລາ 3 ວັນ (ແຕ່ວັນທີ 29 - 31 ພຶດສະພາ).

ຕ້ອນຮັບກຳປັ່ນ ແລະລູກເຮືອ ມີຜູ້ຕາງໜ້າການນຳກອງບັນຊາການທະຫານເຮືອເຂດ 2, ຄະນະກໍາມະການປະຊາຊົນນະຄອນໂຮ່ຈີມິນ, ກົມພົວພັນຕ່າງປະເທດ (ກະຊວງປ້ອງກັນປະເທດ), ທະຫານເຂດ 7, ພ້ອມກັບຜູ້ຕາງໜ້າບັນດາກົມກອງ, ອົງການທີ່ກ່ຽວຂ້ອງຢູ່ນະຄອນໂຮ່ຈີມິນ.

ກ່າວຄຳເຫັນທີ່ກອງປະຊຸມຂ່າວຢູ່ກຳປັ່ນ, ທ່ານພັນເອກ Praveen Thomas ໃຫ້ຮູ້ວ່າ: ການຢ້ຽມຢາມຂອງກຳປັ່ນ Ins Darshak ແມ່ນຂີດໝາຍສຳຄັນໃນການພົວພັນຮ່ວມມືສອງຝ່າຍລະຫວ່າງອິນເດຍ ແລະ ຫວຽດນາມ, ປະກອບສ່ວນປັບປຸງການພົວພັນ ຫວຽດນາມ - ອິນເດຍ ໃນພາກພື້ນມະຫາສະໝຸດອິນເດຍ-ປາຊີຟິກ ກວ່າອີກ ແລະມຸ່ງໄປເຖິງການຮັບປະກັນຄວາມປອດໄພໃນການເດີນທະເລ, ຄຸ້ມຄອງແຫຼ່ງຊັບພະຍາກອນທາງທະເລແບບຍືນຍົງ, ກໍ່ຄື ການເຊື່ອມໂຍງຍຸດທະສາດໃນພາກພື້ນ.

ໃນຂອບເຂດການຢ້ຽມຢາມ, ນາຍທະຫານ, ລູກເຮືອ ຈະໄປວາງພວງມາລາຢູ່ອະນຸສອນສະຖານ ປະທານ ໂຮ່ຈີມິນ, ເຂົ້າຢ້ຽມຂ່ຳນັບຄະນະກຳມະການປະຊາຊົນນະຄອນໂຮ່ຈິີມິນ, ກອງບັນຊາການທະຫານເຂດ 7, ທະຫານເຮືອເຂດ 2, ແລະ ຕ້ອນຮັບຄະນະຜູ້ແທນມາຢ້ຽມຢາມກຳປັ່ນ. ບັນດານາຍທະຫານ ແລະລູກເຮືອ ກໍ່ຈະໄປຢ້ຽມຢາມບາງທັດສະນີຍະພາບທີ່ສວຍງາມຢູ່ນະຄອນ ໂຮ່ຈີມິນ ແລະແຂ່ງຂັນກິລາມິດຕະພາບກັບທະຫານເຮືອຫວຽດນາມ.

ລຸ່ມນີ້ແມ່ນບາງຮູບພາບທີ່ພິທີຕ້ອນຮັບກໍາປັ່ນ: