ພາຍຫຼັງຮັບຟັງກົມອົບຮົມ-ໂຮງຮຽນ (ກົມໃຫຍ່ເສນາທິການ ກອງທັບປະຊາຊົນຫວຽດນາມ) ແລະການນໍາ, ຜູ້ບັນຊາການບັນດາອົງການ, ກົມກອງລາຍງານສະພາບການວຽກງານກະກຽມປະຕິບັດໜ້າທີ່ສວນສະໜາມ, ເດີນຂະບວນໃນພິທີສະເຫຼີມສະຫຼອງ 80 ແຫ່ງວັນປະຕິວັດເດືອນສິງຫາ ແລະວັນຊາດແຫ່ງ ສສ ຫວຽດນາມ, ທ່ານພົນໂທ ຫງວຽນວັນເຫງ້ຍ ຮຽກຮ້ອງໃຫ້ບັນດາອົງການຊ່ວຍວຽກໃຫ້ອະນຸກໍາມະການສວນສະໜາມ, ເດີນຂະບວນປະຕິບັດສໍາເລັດຄໍາສັ່ງຈັດຕ້ັງກໍາລັງກອງທັບ, ທະຫານລາດປ້ອງກັນຕົວ ເຂົ້າຮ່ວມສວນສະໜາມ, ເດີນຂະບວນ, ຍື່ນສະເໜີການນໍາກະຊວງປ້ອງກັນປະເທດ ເຊັນຂໍ້ຕົກລົງ ແລະປະກາດໃຊ້ເພື່ອໃຫ້ບັນດາອົງການ, ກົມກອງມີພື້ນຖານກໍ່ສ້າງແຜນການຕາມແຕ່ລະວິຊາການ, ຜັນຂະຫຍາຍຈັດຕັ້ງປະຕິບັດ.

leftcenterrightdel
ທ່ານພົນໂທ ຫງວຽນວັນເຫງ້ຍ ເປັນປະທານກອງປະຊຸມ. ພາບ: qdnd.vn

ເພື່ອປະຕິບັດໜ້າທີ່ເຄື່ອນຍ້າຍກໍາລັງມາຮ່າໂນ້ຍ ຝຶກແອບຕາມບັນດາກຸ່ມເປັນຢ່່າງດີ, ທ່ານພົນໂທ ຫງວຽນວັນເຫງ້ຍ ໃສ່ໃຈວ່າ ພ້ອມກັບການສໍາຫຼວດ, ສ້າງແຜນການຮັບປະກັນຂໍ້ມູນຕິດຕໍ່ສື່ສານ, ສາຍສົ່ງໃນເຂດທະຫານເຮືອທີ່ຄາດວ່າຈະມີການສວນສະໜາມກໍາລັງປະກອບອາວຸດບົນທະເລ, ບັນດາກົມກອງຕ້ອງເອົາໃຈໃສ່ເປັນສໍາຄັນຜັນຂະຫຍາຍກໍາລັງໄປກ່ອນ, ກໍານົດບ່ອນກິນ, ບ່ອນຢູ່ໃຫ້ບັນດາກໍາລັງ; ເຮັດວຽກງານຮັບປະກັນດ້ານພະລາທິການ, ເຕັກນິກທີ່ບັນດາບ່ອນກິນ, ບ່ອນຢູ່ເປັນຢ່າງດີ;  ຈັດຕັ້ງບັນຊາເຄື່ອນຍ້າຍກໍາລັງມາຝຶກແອບຢູ່ຮ່າໂນ້ຍ ກ່ອນວັນທີ 1 ມິຖຸນາ 2025, ຮັບປະກັນຢ່າງແໜ້ນແຟ້ນ, ປອດໄຟຢ່າງເດັດຂາດ.

leftcenterrightdel
ບັນຍາກາດທີ່ກອງປະຊຸມ. ພາບ: qdnd.vn

ບັນດາອົງການທີ່ກ່ຽວຂ້ອງສົມທົບກັນຄິດໄລ່ໃຫ້ເໝາະສົມທີ່ຕັ້ງຂອງບັນດາຈຸລົດ, ປືນໃຫຍ່, ເພື່ອຕັດສັ້ນໄລຍະທາງໄປຝຶກແອບຢູ່ສູນຝຶກແອບການທະຫານແຫ່ງຊາດເລກ 4; ຮັບປະກັນການປະຕິບັດການແຈກເຄື່ອງນູ່ງທະຫານ, ປະກອບເຕັກນິກໃຫ້ບັນດາກ້ອນກໍາລັງກ່ອນທີ່ໄປຝຶກແອບ,...

ໂດຍ: ໄຊນີດາ