ເຂົ້າຮ່ວມກອງປະຊຸມ ມີທ່ານພົນໂທ ຈິ້ງວັນກວຽດ, ເລຂາທິການສູນກາງພັກ, ຄະນະປະຈໍາຄະນະພັກການທະຫານສູນກາງ, ຫົວໜ້າກົມໃຫຍ່ການເມືອງກອງທັບປະຊາຊົນຫວຽດນາມ; ປະທານຄະນະກວດກາຄະນະພັກການທະຫານສູນກາງ; ທ່ານ ຮວ່າງຈ້ອງຮຶງ ຮອງປະທານຄະນະກວດກາສູນກາງພັກ; ຜູ້ແທນພະນັກງານຄະນະກວດກາສູນກາງພັກ; ການນໍາບັນດາອົງການ, ກົມກອງຂຶ້ນກັບກະຊວງປ້ອງກັນປະເທດ...
    |
 |
|
ທ່ານພົນໂທ ຈິ້ງວັນກວຽດ ແລະບັນດາຜູ້ແທນເຂົ້າຮ່ວມກອງປະຊຸມ. ພາບ: ວັນຈ້ຽນ. |
ປີ 2024, ຄະນະພັກການທະຫານສູນກາງ, ຄະນະປະຈໍາຄະນະພັກການທະຫານສູນກາງ, ຄະນະພັກທຸກຂັ້ນ ໄດ້ເອົາໃຈໃສ່ນໍາພາ, ຊີ້ນໍາ ແລະປະຕິບັດວຽກງານກວດກາ, ຕິດຕາມກວດກາຢ່າງຮອບດ້ານ ດ້ວຍການຕັດສິນໃຈດ້ານການເມືອງສູງ, ສ້າງເງື່ອນໄຂສະດວກ ເພື່ອໃຫ້ຄະນະກວດກາທຸກຂັ້ນຜັນຂະຫຍາຍປະຕິບັດບັນດາໜ້າທີ່ທີ່ໄດ້ຮັບມອບໝາຍ ຢ່າງມີປະສິດທິຜົນ...
ກ່າວຄໍາເຫັນຊີ້ນໍາ, ທ່ານພົນໂທ ຈິ້ງວັນກວຽດ ແລະທ່ານ ຮວ່າງຈ້ອງຮຶງ ໄດ້ຮັບຮູ້, ຍ້ອງຍໍຊົມເຊີຍບັນດາໝາກຜົນທີ່ບັນລຸໄດ້ໃນວຽກງານກວດກາ, ຕິດຕາມກວດກາ, ປະຕິບັດລະບຽບວິໄນພັກ ໃນອົງຄະນະພັກກອງທັບ ປີ 2024; ເຫັນດີກັບທິດທາງ, ໜ້າທີ່ຈຸດສຸມ ທີ່ກອງປະຊຸມ ໄດ້ວາງອອກໃນປີ 2025; ພ້ອມທັງຊີ້ໃຫ້ເຫັນຂໍ້ຄົງຄ້າງ, ຂໍ້ຈໍາກັດ ແລະຮຽກຮ້ອງໃຫ້ຄະນະພັກ, ອົງການຈັດຕັ້ງພັກ, ຄະນະກວດກາທຸກຂັ້ນ ສຸມໃສ່ແກ້ໄຂ, ປັບປຸງໃນໄລຍະຈະມາເຖິງ.
|
|
 |
|
ທ່ານພົນໂທ ຈິ້ງວັນກວຽດ ກ່າວຄໍາເຫັນຊີ້ນໍາກອງປະຊຸມ. ພາບ: ວັນຈ້ຽນ. |
ເນັ້ນໜັກວ່າ ປີ 2025 ມີຄວາມໝາຍສໍາຄັນພິເສດ, ເພື່ອປະຕິບັດສໍາເລັດໜ້າ ທີ່ທີ່ໄດ້ຮັບມອບໝາຍ, ທ່ານພົນໂທ ຈິ້ງວັນກວຽດ ແລະທ່ານ ຮວ່າງຈ້ອງຮຶງ ຮຽກຮ້ອງໃຫ້ຄະນະພັກ, ອົງການຈັດຕັ້ງພັກ, ຄະນະກວດກາທຸກຂັ້ນ, ໂດຍສະເພາະແມ່ນພະນັກງານນໍາພາ ຕ້ອງຍົກສູງຄວາມຮັບຮູ້, ຄວາມຮັບຜິດຊອບຕໍ່ວຽກງານກວດກາ, ຕິດຕາມກວດກາໃຫ້ຫຼາຍກວ່າອີກ; ເພີ່ມທະວີການນໍາພາ, ຊີ້ນໍາ, ແນະນໍາຄະນະພັກ, ອົງການຈັດຕັ້ງພັກ, ຄະນະກວດກາຂັ້ນລຸ່ມ ປະຕິບັດວຽກງານກວດກາ, ຕິດຕາມກວດກາ, ປະຕິບັດລະບຽບວິໄນພັກ ໃຫ້ຖືກກັບທິດທາງ, ທິດນໍາ, ຫຼັກການ, ຂັ້ນຕອນ, ຂໍ້ກໍານົດ.
|
|
 |
|
ບັນດາຜູ້ແທນເຂົ້າຮ່ວມກອງປະຊຸມ. ພາບ: ວັນຈ້ຽນ. |
ພ້ອມກັນນັ້ນ, ສືບຕໍ່ປ່ຽນແປງໃໝ່, ຍົກສູງຄຸນນະພາບ, ປະສິດທິຜົນວຽກງານກວດກາ, ຕິດຕາມກວດກາ ແລະລະບຽບວິໄນພັກ; ຈັດຕັ້ງປະຕິບັດເຂັ້ມງວດຕໍ່ບັນດາມະຕິ, ຂໍ້ສະຫຼຸບ, ກົດລະບຽບ, ຂໍ້ກໍານົດ ແລະຄໍາແນະນໍາຂອງຂັ້ນເທິງກ່ຽວກັບວຽກງານກວດກາ, ຕິດຕາມກວດກາ, ປະຕິບັດລະບຽບວິໄນພັກ ແລະລະບຽບວິໄນກອງທັບ. ເປັນເຈົ້າການສ້າງ, ປະຕິບັດແຜນການວຽກງານກວດກາ, ຕິດຕາມກວດກາປີ 2025 ຮັບປະກັນຮອບດ້ານ, ມີປະສິດທິຜົນ, ຖືກຕາມຂໍ້ກໍານົດຂອງກົດລະບຽບພັກ ແລະບັນດາໜ້າທີ່ທີ່ຄະນະພັກ ມອບໝາຍໃຫ້; ເພີ່ມທະວີການຕິດຕາມກວດກາສໍາລັບອົງການຈັດຕັ້ງພັກ ແລະສະມາຊິກພັກ; ຄົ້ນພົບຢ່າງທັນການ, ສະກັດກັ້ນ, ຕັກເຕືອນການລະເມີດ, ຈຸດບົກຜ່ອງ ແລະຊຸກຍູ້ການແກ້ໄຂຕາມແຈ້ງການສະຫຼຸບກວດກາ, ຕິດຕາມກວດກາຂອງຄະນະພັກ, ຄະນະກວດກາຂັ້ນເທິງ. ປະຕິບັດການກວດກາຢ່າງທັນການ ເມື່ອມີສັນຍານຂອງການລະເມີດສໍາລັບອົງການຈັດຕັ້ງພັກ, ສະມາຊິກພັກ; ເດັດດ່ຽວລົງໂທດພະນັກງານ, ສະມາຊິກພັກ ທີ່ເຊື່ອມທາດຂາດຄຸນດ້ານແນວຄິດການເມືອງ, ຄຸນສົມບັດ, ວິຖີຊີວິດ, ລະເມີດກົດລະບຽບຂອງພັກ, ກົດໝາຍຂອງລັດ, ລະບຽບວິໄນກອງທັບ.
ໂດຍ: ໄຊຊະນະ