ຢູ່ທາງໜ້າແມ່ນປະຊາຊົນ
3 ເດືອນກ່ອນນີ້, ພະຍຸລູກທີ 3 (ຢາກີ) ໄດ້ພັດເຂົ້າບັນດາແຂວງພາກເໜືອ. ນີ້ແມ່ນພະຍຸລູກແຮງທີ່ສຸດໃນຮອບ 30 ປີຜ່ານມາ, ໄດ້ສ້າງຄວາມເສຍຫາຍຢ່າງໃຫຍ່ຫຼວງຕໍ່ຊີວິດ ແລະຊັບສິນຂອງປະຊາຊົນ. ຕາມທ່ານພົນຈັດຕະວາ ຟ້າມວັນຕິ, ຮອງຫົວໜ້າກົມກູ້ໄພ-ກູ້ຊີບ, ກົມໃຫຍ່ເສນາທິການກອງທັບປະຊາຊົນຫວຽດນາມ ແລ້ວ, ເມື່ອພະຍຸລູກທີ 3 ໄດ້ເຄື່ອນຕົວເຂົ້າສູ່ທະເລຕາເວັນອອກ, ກົມກູ້ໄພ-ກູ້ຊີບ ໄດ້ເປັນເສນາທິການຕໍ່ການນໍາກະຊວງປ້ອງກັນປະເທດ, ກົມໃຫຍ່ເສນາທິການ ຊີ້ນໍາບັນດາກົມກອງເປັນເຈົ້າການ, ຜັນຂະຫຍາຍມາດຕະການ, ກະກຽມກໍາລັງ, ພາຫະນະເພື່ອຊ່ວຍເຫຼືອປະຊາຊົນຮັບມືກັບພະຍຸຢ່າງຮີບດ່ວນ.
    |
 |
|
ທະຫານກອງພົນ 316 (ທະຫານເຂດ 2) ຄົ້ນຫາຜູ້ຖືກເຄາະຮ້າຍຢູ່ບ້ານລ່າງນູ (ຕາແສງຟຸກແຄ໊ງ, ເມືອງບ໋າວອຽນ, ແຂວງລາວກາຍ). ພາບ: ຫວຽດຈູງ |
ພາຍໃຕ້ການຊີ້ນຳຂອງກະຊວງປ້ອງກັນປະເທດ, ກົມໃຫຍ່ເສນາທິການ, ບັນດາກົມກອງໄດ້ເປັນເສນາທິການຕໍ່ຄະນະພັກ, ອຳນາດການປົກຄອງທ້ອງຖິ່ນເສີມຂະຫຍາຍ “4 ກັບທີ່” ຢ່າງວ່ອງໄວ; ຍົກຍ້າຍກໍາລັງເຄື່ອນທີ່ຊ່ວຍປະຊາຊົນປ້ອງກັນ, ຕ້ານພະຍຸລູກທີ 3 ຢ່າງຮີບດ່ວນ. ກອງບັນຊາການທະຫານເຂດ 1, 2, 3, ກອງພົນໃຫຍ່ 12, ເຫຼົ່າທັບທະຫານເຮືອ, ເຫຼົ່າທັບປ້ອງກັນອາກາດ-ທະຫານອາກາດ, ທະຫານຊາຍແດນ, ຕໍາຫຼວດທະເລ, ກອງບັນຊາການນະຄອນຫຼວງຮ່າໂນ້ຍ... ໄດ້ເຄື່ອນທັບພະນັກງານ, ນັກຮົບນັບສິບພັນຄົນ, ພາຫະນະນັບພັນຄັນເພື່ອໄປຊ່ວຍປະຊາຊົນປ້ອງກັນ, ຕ້ານພາຍຸ.
ເມື່ອພະຍຸລູກທີ 3 ພັດເຂົ້າ, ປະຊາຊົນບັນດາທ້ອງຖິ່ນ, ເປັນຕົ້ນແມ່ນບັນດາທ້ອງຖິ່ນທີ່ໄດ້ຮັບຜົນສະທ້ອນຢ່າງໜັກໜ່ວງ, ຄື: ລາວກາຍ, ກາວບັງ, ອຽນບ໊າຍ... ຕັ້ງຄວາມເຊື່ອໝັ້ນຕໍ່ທະຫານລຸງໂຮ່. ບໍ່ຢ້ານກົວຕໍ່ຄວາມລຳບາກ, ອັນຕະລາຍ, ກຳລັງກູ້ໄພກູ້ຊີບກອງທັບໄດ້ແຂ່ງກັບເວລາເພື່ອຊອກຫາຜູ້ປະສົບເຄາະຮ້າຍ; ຄວາມພະຍາຍາມແກ້ໄຂວຽກງານເຮັດອະນາໄມສິ່ງແວດລ້ອມ; ຮັບປະກັນການຄົມມະນາຄົມ, ແກ້ໄຂຮາກຖານການສຶກສາເພື່ອໃຫ້ນັກຮຽນໄດ້ໄປໂຮງຮຽນ ແລະຈັດຕັ້ງການຫາເງິນລ້ຽງຊີບໃຫ້ປະຊາຊົນ. ເພື່ອໃຫ້ປະຊາຊົນມີຊີວິດການເປັນຢູ່ທີ່ປົກກະຕິຢ່າງວ່ອງໄວ, ແຜນງານກໍ່ສ້າງເຮືອນຄືນໃໝ່ໃຫ້ປະຊາຊົນໄດ້ຮັບການຈັດຕັ້ງຜັນຂະຫຍາຍ, ພະນັກງານ, ນັກຮົບໄດ້ຈັດຕັ້ງເປັນ 3 ຍາມ, 4 ຜຽນ, ດ້ວຍຈິດໃຈຜ່ານແດດ, ຜ່ານຝົນ, ເຮັດວຽກທັງກາງເວັນ ແລະກາງຄືນເພື່ອມອບເຮືອນໃຫ້ ປະຊາຊົນໄວ ແລະດີທີ່ສຸດເທົ່າທີ່ຈະເຮັດໄດ້.
|
|
 |
|
ໜ່ວຍເວນຍາມສູນບໍລິຫານແຫ່ງຊາດ ຊອກຫາກູ້ໄພກູ້ຊີບ ຂຶ້ນກັບຄະນະກໍາມະການແຫ່ງຊາດ ຮັບມືກັບອຸບັດຕິເຫດ, ໄພທໍາມະຊາດ ແລະຊອກຫາກູ້ໄພກູ້ຊີບ ແລກປ່ຽນຂໍ້ມູນຂ່າວສານກ່ຽວກັບພະຍຸລູກທີ 3 (ຢາກີ) ໃນຕອນເຊົ້າຂອງວັນທີ 7 ກັນຍາ 2024. ພາບ: ດຶ໊ກຮ໊ຽວ |
ຄວາມສະເທືອນໃຈເມື່ອຄວາມເຈັບປວດໄດ້ຜ່ອນຄາຍລົງ, ນໍ້າຕາແຫ່ງຄວາມສຸກຂອງປະຊາຊົນເມື່ອການດຳລົງຊີວິດປົກກະຕິໄດ້ກັບຄືນມາ, ແມ່ນກຳລັງໜູນເພື່ອໃຫ້ພະນັກງານ, ນັກຮົບທົ່ວກອງທັບມານະພະຍາຍາມອຸທິດຕົນ, ບືນຕົວຂຶ້ນ. ນັ້ນແມ່ນຄຳຊີ້ນຳຂອງທ່ານພົນເອກ ຟານວັນຢາງ, ກໍາມະການກົມການເມືອງ, ຮອງເລຂາຄະນະພັກການທະຫານສູນກາງ, ລັດຖະມົນຕີກະຊວງປ້ອງກັນປະເທດຫວຽດນາມ ໃນຈົດໝາຍຝາກເຖິງພະນັກງານ, ນັກຮົບກອງທັບປະຊາຊົນ ແລະກໍາລັງທະຫານລາດປະຕິບັດໜ້າທີ່ປ້ອງກັນ, ຕ້ານ, ແກ້ໄຂຜົນຮ້າຍຢ້ອນຫຼັງຈາກພະຍຸລູກທີ 3: "ຊີວິດຂອງມະນຸດຕ້ອງມາກ່ອນ ແລະຢູ່ເໜືອກວ່າສິ່ງໃດໝົດ", "ຢູ່ບ່ອນໃດມີຄວາມຫຍຸ້ງຍາກ ແລະອັນຕະລາຍ, ຢູ່ບ່ອນນັ້ນມີທະຫານ". ເຖິງວ່າກຳລັງທຳລາຍຂອງພະຍຸລູກທີ 3 ຈະຮ້າຍແຮງກໍ່ຕາມ, ແຕ່ກອງທັບ ໄດ້ຢືນຢັນເຖິງຄຸນນະທາດ, ລະດັບຄວາມຮູ້, ອາລົມຈິດ ແລະຄວາມຮັບຜິດຊອບຕໍ່ພັກ ແລະປະຊາຊົນ, ປະຕິບັດສຳເລັດໜ້າທີ່ "ຕໍ່ສູ້ໃນສະໄໝສັນຕິພາບ" ຢ່າງມີໄຊ.
ຕາມຫ້ອງການຄະນະກໍາມະການແຫ່ງຊາດ ຮັບມືກັບອຸບັດຕິເຫດ, ໄພທໍາມະຊາດ ແລະຊອກຫາກູ້ໄພກູ້ຊີບ, ປີ 2024, ກອງທັບໄດ້ເຄື່ອນທັບທະຫານ, ກໍາລັງທະຫານລາດ 230.000 ກວ່າຄົນ, ກໍາປັ່ນ, ເຮືອ, ຍົນເອລີກົບແຕ ແລະພາຫະນະຂົນສົ່ງອື່ນໆເກືອບ 7.200 ເທື່ອຄັ້ງເຂົ້າຮ່ວມການປ້ອງກັນ, ຕ້ານໄພທໍາມະຊາດ, ໄຟໄໝ້ປ່າ, ສະໜອງນໍ້າສະອາດ, ກູ້ໄພກູ້ຊີບ, ປະຖົມພະຍາບານຊາວປະມົງທີ່ໄດ້ຮັບຜົນສະທ້ອນຈາກໄພທໍາມະຊາດ, ໄພອັນຕະລາຍ.
ສືບຕໍ່ຢືນຢັນບົດບາດກຳລັງກູ້ໄພກູ້ຊີບຂອງກອງທັບ
ເຫັນໄດ້ຢ່າງຈະແຈ້ງວ່າ 80 ປີຜ່ານມາ, ກອງທັບປະຊາຊົນຫວຽດນາມ ຍາມໃດກໍ່ “ຈົ່ງຮັກພັກດີຕໍ່ພັກ, ຕໍ່ປະເທດຊາດ”, “ໜ້າທີ່ໃດກໍ່ສຳເລັດ, ຄວາມຫຍຸ້ງຍາກໃດກໍ່ຜ່ານຜ່າ, ສັດຕູໂຕໃດກໍ່ຕີເອົາຊະນະ”; ພ້ອມດຽວກັນນັ້ນ, ຮູບພາບທະຫານລຸງໂຮ່ ຍາມໃດກໍ່ປະກົດຕົວຢູ່ບ່ອນຫຍຸ້ງຍາກ, ລຳບາກ, ຄຽງບ່າຄຽງໄຫຼ່ຊ່ວຍເຫຼືອປະຊາຊົນ, ແກ້ໄຂຜົນຮ້າຍຢ້ອນຫຼັງຈາກໄພທຳມະຊາດ, ອຸບັດຕິເຫດ, ສ້າງຄວາມປະທັບໃຈອັນດີງາມໃນດວງໃຈຂອງປະຊາຊົນ, ປະກອບສ່ວນເພີ່ມພູນຄູນສ້າງມູນເຊື້ອອັນສະຫງ່າງາມຂອງກອງທັບປະຊາຊົນຫວຽດນາມ ວິລະຊົນໃນໄລຍະໃໝ່.
ປີ 2024, ກໍາລັງກູ້ໄພກູ້ຊີບ, ຫຼັກແຫຼ່ງແມ່ນກົມກູ້ໄພກູ້ຊີບ ຍາມໃດກໍ່ຕັ້ງໜ້າ, ເປັນເຈົ້າການປະຕິບັດພາລະບົດບາດເປັນເສນາທິການຢ່າງຕັ້ງໜ້າເພື່ອໃຫ້ຄະນະພັກການທະຫານສູນກາງ, ກະຊວງປ້ອງກັນປະເທດ, ກົມໃຫຍ່ເສນາທິການ, ຄະນະກໍາມະການແຫ່ງຊາດ ຮັບມືກັບອຸບັດຕິເຫດ, ໄພພິບັດທາງທໍາມະຊາດ ແລະຊອກຫາກູ້ໄພກູ້ຊີບ, ຄະນະຊີ້ນໍາປ້ອງກັນພົນລະເຮືອນແຫ່ງຊາດ ຍົກອອກແຜນນະໂຍບາຍ, ລັດຖະນະໂຍບາຍຢ່າງຊັດເຈນ, ທັນການແນໃສ່ເສີມຂະຫຍາຍກຳລັງແຮງສັງລວມຂອງທຸກຂັ້ນ, ທຸກຂະແໜງການ, ບັນດາກໍາລັງ ແລະທົ່ວປວງຊົນປະຕິບັດໜ້າທີ່ກູ້ໄພກູ້ຊີບໃນທຸກກໍລະນີຢ່າງມີປະສິດທິຜົນ.
|
|
 |
|
ທ່ານ ຟ້າມມິງຈິ໊ງ ນາຍົກລັດຖະມົນຕີຫວຽດນາມ, ທ່ານລັດຖະມົນຕີ ຟານວັນຢາງ ແລະບັນດາຜູ້ແທນຕັດແຖບຜ້າເປີດເຂດກໍ່ສ້າງທີ່ຢູ່ອາໄສໃໝ່ໃຫ້ປະຊາຊົນບ້ານລ່າງນູ (ຕາແສງຟຸກແຄ໊ງ, ເມືອງບ໋າວອຽນ, ແຂວງລາວກາຍ). ພາບ: ຟູເຊີນ |
ນອກຈາກນັ້ນ, ກົມກູ້ໄພກູ້ຊີບ ຍັງໄດ້ຊີ້ນໍາ, ແນະນໍາບັນດາອົງການ, ກົມກອງ, ທ້ອງຖິ່ນສ້າງແຜນການ, ແຜນງານຮັບປະກັນຢ່າງຄົບຊຸດ, ເປັນເອກະພາບ; ປະຕິບັດທິດນຳ “4 ກັບທີ່” ໃຫ້ສອດຄ່ອງກັບຈຸດພິເສດບໍລິເວນ ແລະເງື່ອນໄຂຂອງແຕ່ລະທ້ອງຖິ່ນ, ກົມກອງຢ່າງມີປະສິດທິຜົນ, ເອົາໃຈໃສ່ເປັນພິເສດຕໍ່ວຽກງານຄົ້ນຄວ້າ ແລະນໍາໃຊ້ວິທະຍາສາດ-ເຕັກໂນໂລຢີ, ເປັນຕົ້ນແມ່ນເຕັກໂນໂລຢີໃໝ່ເຂົ້າໃນການປ້ອງກັນພົນລະເຮືອນ, ການປ້ອງກັນ, ຮັບມື, ແກ້ໄຂອຸບັດຕິເຫດ, ໄພທໍາມະຊາດ, ໂລກລະບາດ ແລະການກູ້ໄພກູ້ຊີບ.
ຖືເປັນສໍາຄັນການສ້າງກໍາລັງສະເພາະກິດກູ້ໄພກູ້ຊີບໃຫ້ມີຄຸນທາດການເມືອງໜັກແໜ້ນ, ທາດແທ້ຄຸນສົມບັດດີ, ກໍາລັງຄວາມສາມາດ, ລະດັບຄວາມຮູ້ດ້ານວິຊາສະເພາະເກັ່ງ, ວິທີເຮັດວຽກເປັນມືອາຊີບ; ສົມທົບກັນຢ່າງແໜ້ນແຟ້ນໃນການຈັດສົ່ງພະນັກງານໄປບໍາລຸງສ້າງ, ຝຶກອົບຮົມຢູ່ພາຍໃນ ແລະຕ່າງປະເທດດ້ວຍການເພີ່ມທະວີການບໍາລຸງສ້າງ ຜ່ານການເຄື່ອນໄຫວຕົວຈິງ, ຍົກສູງຄວາມສາມາດເປັນເສນາທິການ, ແນະນໍາ ແລະຈັດຕັ້ງການປະຕິບັດໜ້າທີ່ທີ່ໄດ້ຮັບມອບໝາຍໃຫ້ດີ, ປະກອບສ່ວນຫຼຸດຜ່ອນຄວາມເສຍຫາຍຈາກອຸບັດຕິເຫດ, ໄພທໍາມະຊາດ, ໂລກລະບາດກໍ່ຂຶ້ນ, ຕອບສະໜອງຄວາມຮຽກຮ້ອງຕ້ອງການຂອງໜ້າທີ່ກໍ່ສ້າງ ແລະພັດທະນາປະເທດ ແລະເປັນເຈົ້າການເຊື່ອມໂຍງເຂົ້າກັບສາກົນ.
ຕໍ່ໜ້າຄວາມຮຽກຮ້ອງຕ້ອງການຂອງໜ້າທີ່ໃນສະພາບການໃໝ່, ຄະນະພັກການທະຫານສູນກາງ, ກະຊວງປ້ອງກັນປະເທດ ກໍານົດສຸມໃສ່ຊີ້ນຳນຳພາກໍ່ສ້າງກອງທັບໃຫ້ມີຄວາມເຂັ້ມແຂງດ້ານການເມືອງ, ຮັກສາ ແລະເພີ່ມທະວີການນຳພາຢ່າງເດັດຂາດ, ໂດຍກົງໃນທຸກດ້ານຂອງພັກ ສໍາລັບກອງທັບ, ເປັນພື້ນຖານກໍ່ສ້າງກອງທັບປະຊາຊົນຫວຽດນາມ ຕາມມະຕິກອງປະຊຸມໃຫຍ່ ຄັ້ງທີ XIII ຂອງພັກ, ຮັບປະກັນໃຫ້ກອງທັບປະຕິບັດສໍາເລັດທຸກໜ້າທີ່ທີ່ໄດ້ຮັບມອບໝາຍເປັນຢ່າງດີ, ສົມກັບຄວາມເຊື່ອໝັ້ນຂອງພັກ, ລັດ ແລະປະຊາຊົນທີ່ມີຕໍ່ກອງທັບປະຕິວັດ.
ໂດຍ: ເຈິ່ນຮວ່ຽນ