ລັດຖະມົນຕີ ຟານວັນຢາງ ຢ້ຽມຢາມ ແລະເຮັດວຽກຢູ່ກອງພົນໃຫຍ່ 3

ການນຳກອງພົນໃຫຍ່ 3 ຕ້ອນຮັບທ່ານລັດຖະມົນຕີ ຟານວັນຢາງ ມາຢ້ຽມຢາມ ແລະເຮັດວຽກຢູ່ ກົມກອງ. ພາບ: qdnd.vn

ກ່າວຄຳເຫັນຊີ້ນໍາທີ່ການເຮັດວຽກ, ຕາງໜ້າຄະນະພັກການທະຫານສູນກາງ, ກະຊວງປ້ອງກັນປະເທດ, ທ່ານພົນເອກ ຟານວັນຢາງ ໄດ້ຍ້ອງຍໍຊົມເຊີຍຄວາມມານະພະຍາຍາມ ແລະໝາກຜົນທີ່ກອງພົນໃຫຍ່ 3 ບັນລຸໄດ້ໃນໄລຍະຜ່ານມາ. ທ່ານພົນເອກ ຟານວັນຢາງ ຮຽກຮ້ອງໃນໄລຍະຈະມາເຖິງ, ຄະນະພັກ, ກອງບັນຊາການກອງພົນໃຫຍ່ 3 ສຸມໃສ່ກວດກາຄືນລາຍການ, ແຜນການວຽກງານປີ 2024, ເພີ່ມເຕີມວຽກງານທີ່ຫາກໍ່ປະກົດຂຶ້ນ, ຈັດຕັ້ງຜັນຂະຫຍາຍໜ້າທີ່ທີ່ໄດ້ຮັບມອບໝາຍຢ່າງເດັດຂາດ, ມີປະສິດທິຜົນ. ຮັກສາລະບອບກຽມພ້ອມສູ້ຮົບຢູ່ທຸກຂັ້ນ, ເປັນຕົ້ນແມ່ນບັນດາກົມກອງປະຕິບັດໜ້າທີ່ສໍາຄັນ, ໃນບໍລິເວນຈຸດສຸມ, ສົມທົບກັນຢ່າງແໜ້ນແຟ້ນກັບບັນດາທ້ອງຖິ່ນ ແລະກໍາລັງທີ່ກ່ຽວຂ້ອງກໍາແໜ້ນສະພາບການຄວາມໝັ້ນຄົງດ້ານການເມືອງ, ຄວາມເປັນລະບຽບຮຽບຮ້ອຍ, ຄວາມປອດໄພໃນສັງຄົມຢູ່ບໍລິເວນ, ບໍ່ໃຫ້ເຜີຕົວ, ຂາດສະຕິລະວັງຕົວ. ຍູ້ແຮງວຽກງານພະລາທິການ, ເຕັກນິກ, ຮັບປະກັນຊີວິດການເປັນຢູ່, ສຸຂະພາບຂອງທະຫານ, ເສີມຂະຫຍາຍທ່າແຮງໃນການເພີ່ມພູນຜະລິດຜົນ, ລ້ຽງສັດແນໃສ່ປັບປຸງຊີວິດການເປັນຢູ່ໃຫ້ພະນັກງານ, ນັກຮົບ.

ທ່ານລັດຖະມົນຕີ ຟານວັນຢາງ ກ່າວຄຳເຫັນຊີ້ນໍາທີ່ການເຮັດວຽກ. ພາບ: qdnd.vn

ທ່ານລັດຖະມົນຕີ ຟານວັນຢາງ ໃສ່ໃຈວ່າ ກອງພົນໃຫຍ່ 3 ຍາມໃດກໍ່ຕ້ອງເອົາໃຈໃສ່, ກໍ່ສ້າງຖັນແຖວພະນັກງານ, ສະມາຊິກພັກ; ພະນັກງານເປັນປະທານທຸກຂັ້ນຕ້ອງເສີມຂະຫຍາຍບົດບາດເປັນແບບຢ່າງ, ມີຈິນຕະນາການແຫຼມຄົມ, ມີໄຫວພິບ, ແກ້ໄຂສະພາວະການຢ່າງມີປະສິດທິຜົນ; ຄຸ້ມຄອງ, ນໍາໃຊ້ຈໍານວນພົນຢ່າງເໝາະສົມ, ໃຫ້ບຸລິມະສິດແກ່ໜ້າທີ່ຝຶກແອບ, ກຽມພ້ອມສູ້ຮົບ; ປະຕິບັດວຽກງານນະໂຍບາຍໃຫ້ດີ, ເອົາໃຈໃສ່ເຖິງຊີວິດການເປັນຢູ່, ແນວຫຼັງຄອບຄົວ, ບັນຫາເຮືອນຢູ່ສໍາລັບພະນັກງານ, ນາຍ ແລະພົນທະຫານ. ປະຕິບັດວຽກງານສຶກສາອົບຮົມ, ໂຄສະນາກ່ຽວກັບມູນເຊື້ອ ແລະຈັດຕັ້ງການເຄື່ອນໄຫວທີ່ມີຄວາມໝາຍເພື່ອສະເຫຼີມສະຫຼອງ 80 ປີແຫ່ງວັນສ້າງຕັ້ງກອງທັບປະຊາຊົນຫວຽດນາມ, 35 ປີແຫ່ງວັນບຸນທົ່ວປວງຊົນປ້ອງກັນຊາດ, ກໍ່ຄືສະເຫຼີມສະຫຼອງ 50 ປີແຫ່ງວັນສ້າງຕັ້ງກອງພົນໃຫຍ່ 3 (26-3-1975 / 26-3-2025)...

ໂດຍ: ເຈິ່ນຮວ່ຽນ