ຝຶກອົບຮົມວຽກງານວິຊາສະເພາະໃຫ້ແກ່ພະນັກງານວາລະສານປ້ອງກັນຊາດ ກອງທັບປະຊາຊົນລາວ

ສະຫາຍພົນຈັດຕະວາ ຕ້າກວາງຈວຽນ ກ່າວຄຳເຫັນເປີດຊຸດຝຶກອົບຮົມ. ພາບ: qdnd.vn

ກ່າວຄຳເຫັນທີ່ພິທີໄຂ, ສະຫາຍພົນຈັດຕະວາ ຕ້າກວາງຈວຽນ, ຫົວໜ້າບັນນາທິການວາລະສານທົ່ວປວງປ້ອງກັນຊາດ ເນັ້ນໜັກວ່າ ໃນຊຸມປີຜ່ານມາ, ກອງທັບປະຊາຊົນຫວຽດນາມ ແລະກອງທັບປະຊາຊົນລາວ ໄດ້ມີການເຄື່ອນໄຫວຮ່ວມມືຫຼາຍຢ່າງ, ປະກອບສ່ວນສຳຄັນເຂົ້າໃນການປັບປຸງການພົວພັນມິດຕະພາບທີ່ເປັນມູນເຊື້ອ, ຄວາມສາມັກຄີແບບພິເສດ ແລະການຮ່ວມມືຮອບດ້ານລະຫວ່າງສອງປະເທດ. ຊຸດຝຶກອົບຮົມຄັ້ງນີ້ແມ່ນສ່ວນໜຶ່ງໃນໂຄງການຮ່ວມມືປີ 2023 ລະຫວ່າງກອງທັບສອງປະເທດ.

ສະຫາຍພັນເອກ ທີມສາວ ດວງຈຳປາ ກ່າວຄໍາເຫັນທີ່ພິທີເປີດຊຸດຝຶກອົບຮົມ. ພາບ: qdnd.vn

ໃນໄລຍະຝຶກອົບຮົມເປັນເວລາເກືອບ 1 ເດືອນ, ພະນັກງານຂອງວາລະສານປ້ອງກັນຊາດ ກອງທັບປະຊາຊົນລາວ ຈະໄດ້ແລກປ່ຽນກ່ຽວກັບການຈັດຕັ້ງ ແລະການເຄື່ອນໄຫວຂອງວາລະສານທົ່ວປວງຊົນປ້ອງກັນຊາດສື່ເອເລັກໂຕນິກ ເປັນພາສາຫວຽດນາມ, ພາສາອັງກິດ, ພາສາຈີນ; ການສ້າງ, ຄຸ້ມຄອງ, ການເຄື່ອນໄຫວຂອງເວັບໄຊວາລະສານທົ່ວປວງຊົນປ້ອງກັນຊາດ, ວຽກງານບັນນາທິການ; ບໍາລຸງສ້າງກ່ຽວກັບຂັ້ນຕອນບັນນາທິການ, ຄວາມຮຽກຮ້ອງສໍາລັບບົດຂຽນແຕ່ລະປະເພດຕາມຂໍລໍາ, ໄປທັດສະນະສຶກສາຕົວຈິງ, ແລກປ່ຽນບົດຮຽນກ່ຽວກັບວຽກງານຄົ້ນຄວ້າ ແລະໂຄສະນາເຜີຍແຜ່ຢູ່ບາງອົງການ, ກົມກອງຂອງກອງທັບປະຊາຊົນຫວຽດນາມ.

ຜູ້ແທນເຂົ້າຮ່ວມພິທີເປີດຊຸດຝຶກອົບຮົມຖ່າຍຮູບລວມ. ພາບ: qdnd.vn

ສ່ວນສະຫາຍ ພັນເອກ ທີມສາວ ດວງຈຳປາ, ຫົວໜ້າບັນນາທິການວາລະສານປ້ອງກັນຊາດ ກອງທັບປະຊາຊົນລາວ ຕີລາຄາສູງຕໍ່ການສະໜັບສະໜູນຂອງວາລະສານທົ່ວປວງຊົນປ້ອງກັນຊາດໃນໄລຍະຜ່ານມາ; ຢືນຢັນວ່າພະນັກງານຂອງວາລະສານປ້ອງກັນຊາດ ກອງທັບປະຊາຊົນລາວ ຈະຍົກສູງຈິດໃຈຮັບຜິດຊອບ, ຮັບເອົາຄວາມຮູ້ທີ່ມີປະໂຫຍດຈາກຊຸດຝຶກອົບຮົມຄັ້ງນີ້ ເພື່ອໝູນໃຊ້ເຂົ້າໃນວຽກງານລະອຽດຂອງຕົນ ຢ່າງມີຫົວຄິດປະດິດສ້າງ, ແທດຈິງ, ປະກອບສ່ວນເຮັດໃຫ້ວຽກງານຄົ້ນຄວ້າ, ໂຄສະນາເຜີຍແຜ່ຂອງກອງທັບປະຊາຊົນລາວ ນັບມື້ນັບພັດທະນາ.

ໂດຍ: ທູຈາງ