ກໍາປັ່ນທະຫານເຮືອອົດສະຕາລີ ເຂົ້າທຽບທ່າກໍາປັ່ນກາມແຣງ
ກປ.ອອນໄລ - ວັນທີ 20 ກັນຍາ, ກຸ່ມສູ້ຮົບມະຫາສະໝຸດອິນເດຍ-ປາຊີຟິກ 2021 (IPE21) ຂອງທະຫານເຮືອອົດສະຕາລີ ລວມມີກໍາປັ່ນ HMAS Canberra, ກໍາປັ່ນ HMAS Anzac ແລະກໍາປັ່ນ HMAS Sirius ພ້ອມກັບນາຍທະຫານ ແລະລູກເຮືອ ປະມານ 700 ຄົນ ໄດ້ທຽບທ່າກໍາປັ່ນສາກົນກາມແຣງ, ແຂວງແຄ໊ງຮວ່າ, ເລີ່ມຕົ້ນການເຄື່ອນໄຫວຮ່ວມມືສອງຝ່າຍເປັນເວລາ 4 ມື້.
ການເຄື່ອນໄຫວໃນຂອບເຂດ IPE21 ລວມມີ: ການແລກປ່ຽນກ່ຽວກັບຫົວຂໍ້ໜູນຊ່ວຍມະນຸດສະທໍາ ແລະຊ່ວຍກູ້ໄພພິບັດ; ເພດ, ສັນຕິພາບ ແລະຄວາມໝັ້ນຄົງ; ການຮ່ວມມືດ້ານຄວາມໝັ້ນຄົງຢູ່ທະເລ; ການເຊື່ອມຕໍ່ລະຫວ່າງນາຍທະຫານເຮືອໜຸ່ມຂອງກໍາລັງປ້ອງກັນຊາດອົດສະຕາລີ ແລະສຳມະນາກອນນາຍທະຫານຈາກວິທະຍາຄານທະຫານເຮືອ ແລະການເຄື່ອນໄຫວຝຶກແອບລວມຢູ່ອ່າວກາມແຣງ.
|
|
ຜູ້ແທນກອງກໍາປັ່ນທະຫານເຮືອອົດສະຕາລີ. ພາບ: qdnd.vn. |
ພາຍຫຼັງພິທີຕ້ອນຮັບທີ່ເປັນທາງການ, ທ່ານນາຍພົນ Mal Wise ຜູ້ບັນຊາການກຸ່ມສູ້ຮົບ IPE21 ແລະທ່ານພັນເອກພິເສດ ໂຮ່ແທງຮວ່າ ຮອງຜູ້ບັນຊາການທະຫານເຮືອເຂດ 4 ພ້ອມກັບຜູ້ແທນໄດ້ດໍາເນີນການເຂົ້າຢ້ຽມຂໍ່ານັບທາງອອນລາຍ.
ການພົວພັນຮ່ວມມືດ້ານປ້ອງກັນຊາດຫວຽດນາມ-ອົດສະຕາລີ ໄດ້ເພີ່ມທະວີຜ່ານການຢ້ຽມຢາມເປັນທາງການ ແລະການເຈລະຈາຂັ້ນສູງ, ການຝຶກອົບຮົມວິຊາສະເພາະການທະຫານ ແລະກໍ່ສ້າງເໜືອມະຫາວິທະຍາໄລ; ການຮ່ວມມືດ້ານການຮັກສາສັນຕິພາບ, ຮ່ວມມືດ້ານຄວາມໝັ້ນຄົງຢູ່ທະເລ ແລະຕ້ານການກໍ່ການຮ້າຍ. ການຮ່ວມມດ້ານປ້ອງກັນຊາດແມ່ນເສົາຄໍ້າສໍາຄັນໃນການພົວພັນຄູ່ຮ່ວມມືຍຸດທະສາດລະຫວ່າງສອງປະເທດ.
ໂດຍ: ຈາງຫງວຽນ