ໂຮງໝໍສະໜາມຂອງຫວຽດນາມ ເຂົ້າຮ່ວມການຝຶກຊ້ອມ CASEVAC ຂະໜາດໃຫຍ່ ຢູ່ Bentiu
ກປ.ອອນໄລ - ໂຮງໝໍສະໜາມ ຂັ້ນ 2 ເລກ 3 ຂອງຫວຽດນາມ ພ້ອມກັບໂຮງໝໍ ຂັ້ນ 1 ຂອງຫຼາຍກົມກອງທີ່ຕັ້ງທັບໃນບໍລິເວນ Bentiu (ສ.ຊູດັງໃຕ້) ແລະອົງການຈັດຕັ້ງທີ່ກ່ຽວຂ້ອງ ຫາກໍ່ຈັດການຝຶກຊ້ອມກໍລະນີສຸກເສີນທາງອາກາດ (CASEVAC) ທີ່ອາດຈະເກີດຂຶ້ນໃນຂະນະທີ່ກໍາລັງປະຕິບັດໜ້າທີ່ຢູ່ພາກສະໜາມ.
ນີ້ແມ່ນການເຄື່ອນໄຫວສໍາຄັນເພື່ອແນໃສ່ຍົກສູງຄວາມສາມາດແກ້ໄຂກໍລະນີສຸກເສີນ; ເພີ່ມທະວີການປະສານສົມທົບລະຫວ່າງກົມກອງ, ຂະແໜງການ, ສາຍການແພດຕ່າງໆ, ກໍຄືລະຫວ່າງພາລະກອນການແພດໃນກໍລະນີທີ່ຮ້າຍແຮງ, ນາບຂູ່ເຖິງຊີວິດຢູ່ໃນບໍລິເວນ.
    |
 |
|
ພາຍຫຼັງການຝຶກຊ້ອມ, ສະມາຊິກທີມ AMET ຂອງໂຮງໝໍສະໜາມຂັ້ນ 2 ເລກ 3 ຖ່າຍຮູບເປັນທີ່ລະນຶກກັບເພື່ອນຮ່ວມງານສາກົນ. ພາບ: qdnd.vn |
ເຂົ້າຮ່ວມການຝຶກຊ້ອມໂດຍກົງ, ທີມນຳສົ່ງສຸກເສີນທາງອາກາດຂອງໂຮງໝໍສະໜາມຂັ້ນ 2 ເລກ 3 (AMET) ໄດ້ປະຕິບັດຫຼາຍກໍລະນີທີ່ແຕກຕ່າງກັນ, ສົມທົບເຂົ້າກັນຢ່າງຄ່ອງແຄ້ວກັບທີມຂອງເພື່ອນ ແລະໄດ້ຮັບການຕີລາຄາສູງຈາກເພື່ອນຮ່ວມງານສາກົນ.
|
|
 |
|
ສະມາຊິກທີມ AMET ຂອງໂຮງໝໍສະໜາມ ຂັ້ນ 2 ເລກ 3 ຟ້າວເຂົ້າໄປຍັງບ່ອນເກີດເຫດເພື່ອທຳການປະຖົມພະຍາບານໃຫ້ຄົນເຈັບໃນກໍລະນີຝຶກຊ້ອມ. ພາບ: qdnd.vn |
ໃນກໍລະນີຝຶກຊ້ອມ, ທີມ AMET ຂອງໂຮງໝໍສະໜາມຂັ້ນ 2 ເລກ 3 ໄດ້ຮັບຄໍາສັ່ງໃຫ້ນຳສົ່ງຄົນເຈັບໄປສະຖານທີ່ໄດ້ກຳນົດ ນັ້ນແມ່ນສະໜາມບິນເຮລີກອັບເຕີ Helipad ຢູ່ Bentiu. ຄົນເຈັບ ເຊິ່ງ ທີມ AMET ຕ້ອງນຳສົ່ງແມ່ນໄດ້ກຳນົດຢູ່ໃນກໍລະນີສົມມຸດທີ່ແຕກຕ່າງກັນ ຄື: ເກີດອຸບັດຕິເຫດ, ຮົບເລວຂ້າຟັນກັນ, ງູກັດ...
|
|
 |
|
ດ້ວຍຈັງຫວະທີ່ເປັນມືອາຊີບ, ການປະສານສົມທົບຈຶ່ງເຂົ້າກັນດີ, ສະມາຊິກທີມ AMET ຂອງໂຮງໝໍສະໜາມ ຂັ້ນ 2 ເລກ 3 ໄດ້ຮັບການຕີລາຄາສູງໃນວິວັດການຝຶກຊ້ອມ. ພາບ: qdnd.vn |
ທີມ AMET ຕ້ອງດໍາເນີນປະຖົມພະຍາບານ, ນຳສົ່ງຄົນເຈັບຂຶ້ນຍົນ ແລະສົ່ງໄປປິ່ນປົວຕໍ່ຢູ່ໂຮງໝໍສະໜາມຂັ້ນ 2 ເລກ 3. ໃນກໍລະນີເກີນຄວາມສາມາດປິ່ນປົວຂອງໂຮງໝໍສະໜາມຂັ້ນ 2 ເລກ 3, ຫ້ອງການສູ້ຮົບຄວນກະກຽມເອກະສານ, ປະສານງານ, ຕິດຕໍ່ພົວພັນກັບກົມກອງໂດຍດ່ວນ ເພື່ອນຳສົ່ງຄົນເຈັບໄປຂັ້ນສູງກວ່າແມ່ນໂຮງໝໍສະໜາມຂັ້ນ 2 ບວກ ຂອງອິນເດຍ ຢູ່ນະຄອນຫຼວງ Juba ດ້ວຍເຮລີກອັບເຕີ...
|
|
 |
|
ການສົມທົບຢ່າງຄ່ອງແຄ້ວກັບກົມກອງຂອງເພື່ອນໃນການຝຶກຊ້ອມ. ພາບ: qdnd.vn |
ສິ້ນສຸດການຝຶກຊ້ອມ, ຫົວໜ້າເຂດ Unity ໄດ້ຕີລາຄາສູງຕໍ່ພາລະກອນຂອງໂຮງໝໍສະໜາມຂັ້ນ 2 ເລກ 3, ພິເສດແມ່ນທີມ AMET ທີ່ມີທ່າທີເຂັ້ມງວດ, ມີຄວາມສາມາດກຽມພ້ອມເຄື່ອນທີ່ສູງ ແລະລະດັບວິຊາສະເພາະ; ແກ້ໄຂກໍລະນີຖືກຕາມຂັ້ນຕອນທີ່ໄດ້ປະກາດໃຊ້, ຕອບສະໜອງໄດ້ຕາມຄວາມຮຽກຮ້ອງຕ້ອງການທີ່ວາງອອກ. ສ່ວນພາກປະຕິບັດຕົວຈິງໃນການຝຶກຊ້ອມຂອງໂຮງໝໍສະໜາມຂັ້ນ 2 ເລກ 3, ຫົວໜ້າເຂດ Unity ຕີລາຄາວ່າແມ່ນດີເລີດ, ຕອບສະໜອງຄວາມຮຽກຮ້ອງຕ້ອງການທີ່ເຄັ່ງຄັດຂອງສະຫະປະຊາຊາດ ໄດ້ຢ່າງຄົບຖ້ວນ.
ໂດຍ: ໄຊຊະນະ