    |
 |
|
ທ່ານ ຟ້າມມິງຈິ໊ງ ນາຍົກລັດຖະມົນຕີຫວຽດນາມ ແລະທ່ານ Jose Ramos-Horta ປະທານາທິບໍດີ ຕີມໍ ແລດເຕ. ພາບ: ສໍານັກຂ່າວສານຫວຽດນາມ |
ທີ່ການຕ້ອນຮັບ, ການນຳສອງທ່ານໄດ້ເຫັນດີເປັນເອກະສັນ ເພີ່ມທະວີຄວາມໄວ້ເນື້ອເຊື່ອໃຈດ້ານການເມືອງ; ຜັນຂະຫຍາຍບັນດາຂໍ້ຕົກລົງຂັ້ນສູງຢ່າງມີປະສິດທິຜົນ; ສືບຕໍ່ຍູ້ແຮງການການປັບປຸງຂອບກົດໝາຍໃຫ້ແກ່ການຮ່ວມມືສອງຝ່າຍ; ຂຸດຄົ້ນຄວາມສາມາດບົ່ມຊ້ອນການຮ່ວມມືອັນໃຫຍ່ຫຼວງລະຫວ່າງສອງປະເທດໃຫ້ມີປະສິດທິຜົນ.
ຕີລາຄາວ່າເຂົ້າສານແມ່ນສິນຄ້າຫຼັກໃນການຮ່ວມມືດ້ານການຄ້າລະ ຫວ່າງສອງປະເທດ, ທ່ານ ນາຍົກລັດຖະມົນຕີ ສະເໜີໃຫ້ສອງຝ່າຍຕໍ່ກໍານົດເວລາ ຫຼື ລົງນາມໃນບົດບັນທຶກຄວາມຊ່ວຍຈໍາສະບັບໃໝ່ວ່າດ້ວຍການຄ້າເຂົ້າສານ, ປະກອບສ່ວນຮັບປະກັນຄວາມໝັ້ນຄົງດ້ານສະບຽງອາຫານ; ຊຸກຍູ້ ຕີມໍ ແລດເຕ ເພີ່ມທະວີການນຳເຂົ້າສິນຄ້າຫວຽດນາມ ທີ່ເໝາະສົມກັບຄວາມຕ້ອງການ ແລະຄວາມນິຍົມຂອງ ຕີມໍ ແລດເຕ ເຊັ່ນ: ເຄື່ອງຕໍ່າແຜ່ນຕັດຫຍິບ, ເກີບໜັງ, ເຄື່ອງດື່ມ, ອາຫານນ້ຳນົມ, ອາຫານປຸງແຕ່ງ, ຜະລິດຕະພັນກະເສດ, ສິນໃນນ້ຳ...
ທ່ານນາຍົກລັດຖະມົນຕີ ຟ້າມມິງຈິ໊ງ ສະເໜີໃຫ້ ຕີມໍ ແລດເຕ ແກ້ໄຂຂໍ້ຕິດຂັດໃນການດໍາເນີນທຸລະກິດຂອງວິສາຫະກິດຫວຽດນາມ ຢູ່ ຕີມໍ ແລດເຕ ໃຫ້ສຳເລັດ ແລະສ້າງເງື່ອນໄຂສະດວກກວ່າອີກ ເພື່ອໃຫ້ບັນດາວິສາຫະກິດຫວຽດນາມ ເປີດກວ້າງການລົງທຶນດໍາເນີນທຸລະກິດ, ໂດຍສະເພາະແມ່ນໃນຂອບເຂດໂທລະຄົມມະນາຄົມ, ສະໜອງມາດຕະການບໍລິການດີຈີຕອນ ແລະສໍາຫຼວດ, ຂຸດຄົ້ນນໍ້າມັນອາຍແກັດ.
ສະແດງຄວາມປະທັບໃຈຢ່າງເລິກເຊິ່ງກ່ຽວກັບບົດຮຽນຄຸ້ມຄອງເສດຖະກິດມະຫາພາກ ແລະການເຊື່ອມໂຍງເຂົ້າກັບສາກົນສໍາເລັດຜົນຂອງຫວຽດນາມ, ທ່ານ ປາທານາທິບໍດີ ຕີມໍ ແລດເຕ ປາດຖະໜາວ່າຫວຽດນາມ ໜູນຊ່ວຍ ຕິມໍ ແລດເຕ ໃນບັນດາຂົງເຂດທີ່ຫວຽດນາມ ມີທ່າແຮງ, ຄື: ກະສິກໍາ, ພັດທະນາພື້ນຖານໂຄງລ່າງ, ການສຶກສາບໍາລຸງສ້າງ, ການພັດທະນາຊັບພະຍາກອນມະນຸດ, ສາທາລະນະສຸກ, ການລົບລ້າງຄວາມອຶດຫິວ, ຫຼຸດຜ່ອນ ຄວາມທຸກຍາກ; ເພີ່ມທະວີການລົງທຶນຢູ່ ຕີມໍ ແລດເຕ; ໃຫ້ຄໍາໝັ້ນສັນຍາສ້າງຄວາມສະດວກໃຫ້ບັນດາວິສາຫະກິດຫວຽດນາມ.
ໃນການປຶກສາຫາລືກ່ຽວກັບບັນຫາສາກົນ ແລະພາກພື້ນ, ທ່ານນາຍົກລັດຖະມົນຕີ ເນັ້ນໜັກວ່າ ຫວຽດນາມ ຍາມໃດກໍ່ສະເໝີຕົ້ນສະເໝີປາຍ ແລະສະໜັບສະໜູນ ຕີມໍ ແລດເຕ ເຂົ້າເປັນສະມາຊິກສົມບຸນຂອງອາຊຽນ ໂດຍໄວ. ທ່ານປະທານາທິບໍດີ ຕີມໍ ແລດເຕ ຢືນຢັນວ່າ ຕີມໍ ແລດເຕ ພ້ອມແລ້ວທີ່ຈະສະໜັບສະໜູນຫວຽດນາມ ສະໝັກເລືອກຕັ້ງເຂົ້າບັນດາກົນໄກ ແລະອົງການຈັດຕັ້ງຫຼາຍຝ່າຍ, ພາກພື້ນ ແລະສາກົນ.
2 ຝ່າຍກໍ່ໃຫ້ຄຳໝັ້ນສັນຍາສືບຕໍ່ສະໜັບສະໜູນຫຼັກໝັ້ນຂອງ ອາຊຽນ ກ່ຽວກັບທະເລຕາເວັນອອກກໍ່ຄືຄວາມມານະພະຍາຍາມຮັກສາສັນຕິພາບ, ສະຖຽນລະພາບ, ຄວາມໝັ້ນຄົງ, ຄວາມປອດໄພ ແລະຄວາມເສລີໃນການເດີນເຮືອ ແລະການບິນຢູ່ທະເລຕາເວັນອອກ; ແກ້ໄຂການພິພາດໂດຍສັນຕິວິທີບົນພື້ນຖານກົດໝາຍສາກົນ, ສົນທິສັນຍາສະຫະປະຊາຊາດກ່ຽວກັບກົດໝາຍວ່າດ້ວຍທະເລປີ 1982 (UNCLOS); ປະຕິບັດຖະແຫຼງການກ່ຽວກັບການປະພຶດຂອງຝ່າຍຕ່າງໆຢູ່ທະເລຕາເວັນອອກ (DOC) ຢ່າງຄົບຖ້ວນ ແລະມີປະສິທິຜົນ; ສ້າງສະພາບແວດລ້ອມສະດວກໃຫ້ແກ່ການເຈລະຈາກົດແຫ່ງການປະພຶດໃນທະເລຕາເວັນອອກ (COC).
ໂດຍ: ໄຊນີດາ