ຕອນບ່າຍວັນດຽວກັນ, ຢູ່ນະຄອນຫຼວງເຊອູນ, ທ່ານເລຂາທິການໃຫຍ່ ໂຕເລິມ ໄດ້ໃຫ້ການຕ້ອນຮັບທ່ານ Ahn Gyu Back ປະທານກຸ່ມສະມາຊິກລັດຖະສະພາມິດຕະພາບ ສ.ເກົາຫຼີ-ຫວຽດນາມ.
ທ່ານເລຂາທິການໃຫຍ່ ສະແດງຄວາມປິຕິຊົມຊື່ນຕໍ່ການພັດທະນາອັນດີງາມຂອງການພົວພັນລະຫວ່າງ 2 ປະເທດໃນທຸກຂົງເຂດ ແລະການພົວພັນຮ່ວມມືລະຫວ່າງສະພາແຫ່ງຊາດສອງປະເທດ ແລະມູນເຊື້ອພົບປະແລກປ່ຽນມິດຕະພາບ, ສະໜິດຕິດພັນລະຫວ່າງ 2 ກຸ່ມສະມາຊິກລັດຖະສະພາມິດຕະພາບ ໄດ້ປະກອບສ່ວນຢ່າງຕັ້ງໜ້າເຂົ້າໃນການພັດທະນາຮອບດ້ານຂອງການພົວພັນ ຫວຽດນາມ-ສ.ເກົາຫຼີ.
    |
 |
|
ທ່ານ ໂຕເລິມ ເລຂາທິການໃຫຍ່ ຕ້ອນຮັບທ່ານ Ahn Gyu Back ປະທານກຸ່ມສະມາຊິກລັດຖະສະພາມິດຕະພາບ ສ.ເກົາຫຼີ-ຫວຽດນາມ. ພາບ: ສໍານັກຂ່າວສານຫວຽດນາມ |
ທ່ານເລຂາທິການໃຫຍ່ ແບ່ງປັນວ່າ, ບົນເສັ້ນທາງພັດທະນາຂອງຕົນ, ຫວຽດນາມ ປາດຖະໜາຢາກເພີ່ມທະວີການຮ່ວມມືກັບບັນດາປະເທດ, ໃນນັ້ນມີ ສ.ເກົາຫຼີ, ແມ່ນໜຶ່ງໃນບັນດາຄູ່ຮ່ວມມືຍຸດທະສາດສຳຄັນຂອງຫວຽດນາມ.
ທ່ານເລຂາທິການໃຫຍ່ ໂຕເລິມ ສະເໜີວ່າ 2 ກຸ່ມສະມາຊິກລັດຖະສະພາມິດຕະພາບເພີ່ມທະວີການພົບປະແລກປ່ຽນການຮ່ວມມື, ເສີມຂະຫຍາຍບົດບາດເປັນຂົວຕໍ່ຕາມຂໍ້ຕົກລົງຮ່ວມມືລະຫວ່າງ 2 ສະພາແຫ່ງຊາດ, ປະກອບສ່ວນຕິດຕາມກວດກາ, ສ້າງເງື່ອນໄຂສະດວກໃຫ້ແກ່ການປະຕິບັດບັນດາຂໍ້ຕົກລົງ, ສັນຍາລະຫວ່າງ 2 ປະເທດ, ຊຸກຍູ້ການພົວພັນຮ່ວມມືລະຫວ່າງຫວຽດນາມ-ສ.ເກົາຫຼີ ນັບມື້ນັບເຂົ້າສູ່ລວງເລິກ, ມີປະສິດທິຜົນ ແລະຍືນຍົງ; ພ້ອມທັງເພີ່ມທະວີການສົມທົບ, ສະໜັບສະໜູນເຊິ່ງກັນ ແລະກັນໃນເວທີປາໄສລະຫວ່າງລັດຖະສະພາພາກພື້ນ ແລະໂລກ.
ສ່ວນທ່ານ Ahn Gyu Back ປະທານກຸ່ມສະມາຊິກລັດຖະສະພາມິດຕະພາບ ສ.ເກົາຫຼີ-ຫວຽດນາມ ຂອບໃຈຢ່າງຈິງໃຈມາຍັງທ່ານເລຂາທິການໃຫຍ່ ໂຕເລິມ ທີ່ໄດ້ສະຫຼະເວລາຕ້ອນຮັບ; ເນັ້ນໜັກວ່າສອງຝ່າຍຕ້ອງເພີ່ມທະວີການພົວພັນຄູ່ຮ່ວມມືຍຸດທະສາດຮອບດ້ານໃນສະພາບການທີ່ສອງປະເທດກ້າວເຂົ້າສູ່ໄລຍະພັດທະນາໃໝ່; ຢືນຢັນວ່າ, ສະພາແຫ່ງຊາດ ສ.ເກົາຫຼີ ແລະກຸ່ມສະມາຊິກລັດຖະສະພາມິດຕະພາບ ສ.ເກົາຫຼີ-ຫວຽດນາມ ພ້ອມແລ້ວທີ່ຈະຮ່ວມເດີນທາງກັບຄູ່ຮ່ວມມືຫວຽດນາມ ປະຕິບັດບັນດາເປົ້າໝາຍພັດທະນາໃນສັງກາດໃໝ່; ໃຫ້ຄຳໝັ້ນສັນຍາຈະສົມທົບກັນຢ່າງແໜ້ນແຟ້ນເພື່ອຊຸກຍູ້ການຮ່ວມມືລະຫວ່າງສະພາແຫ່ງຊາດ 2 ປະເທດ, ໃນນັ້ນມີການພົບປະແລກປ່ຽນມິດຕະພາບລະຫວ່າງສອງກຸ່ມສະມາຊິກລັດຖະສະພາມິດຕະພາບ, ປະກອບສ່ວນເຂົ້າໃນການພັດທະນາລວມຂອງການພົວພັນ 2 ຝ່າຍ. ທ່ານ Ahn Gyu Back ກໍ່ຢືນຢັນວ່າ ສ.ເກົາຫຼີ ຈະໜູນຊ່ວຍນັກສຶກສາຫວຽດນາມ ທີ່ຮ່ຳຮຽນຢູ່ສ.ເກົາຫຼີ.
ຕອນບ່າຍວັນທີ 10 ສິງຫາ, ຢູ່ນະຄອນຫຼວງເຊອູນ, ທ່ານເລຂາທິການໃຫຍ່ ໂຕເລິມ ແລະຄະນະຜູ້ແທນຂັ້ນສູງຫວຽດນາມ ໄດ້ພົບປະກັບເພື່ອນມິດສ.ເກົາຫຼີ. ເຂົ້າຮ່ວມລາຍການມີຜູ້ແທນ 100 ຄົນທີ່ຕາງໜ້າໃຫ້ຜູ້ຊົງຄຸນວຸດທິ, ນັກປັນຍາຊົນ, ສະມາຄົມ, ວິສາຫະກິດ ແລະອົງການບໍ່ຂຶ້ນກັບລັດຖະບານສ.ເກົາຫຼີ ພວມເຄື່ອນໄຫວຢູ່ຫວຽດນາມ.
ຕອນບ່າຍວັນທີ 10 ສິງຫາ, ທ່ານເລຂາທິການໃຫຍ່ ໂຕເລິມ ພ້ອມດ້ວຍພັນລະຍາ ແລະຄະນະຜູ້ແທນຂັ້ນສູງຫວຽດນາມ ໄດ້ເຂົ້າຮ່ວມພິທີວາງສີລາລຶກຮູບປັ້ນປະທານໂຮ່ຈີມິນ ຢູ່ບໍລິເວນສະຖານທູດຫວຽດນາມ ປະຈໍາ ສ.ເກົາຫຼີ; ພົບປະກັບພະນັກງານ, ລັດຖະະກອນສະຖານທູດ ແລະປະຊາຄົມຊາວຫວຽດນາມ ປະຈຳ ສ.ເກົາຫຼີ.
ກໍ່ໃນຕອນບ່າຍວັນທີ 10 ສິງຫາ, ຢູ່ນະຄອນຫຼວງເຊອຸນ, ທ່ານເລຂາທິການໃຫຍ່ ໂຕເລິມ ແລະຄະນະຜູ້ແທນຂັ້ນສູງຫວຽດນາມ ໄດ້ມີການພົບປະກັບສະມາຊິກຕາໜ່າງນະວັດຕະກໍາຫວຽດນາມ ແລະນັກຊ່ຽວຊານຊາວຫວຽດນາມ ຢູ່ ສ.ເກົາຫຼີ.
ໂດຍ: ໄຊນີດາ