ທ່ານ ບຸ່ຍແທັງເຊີນ ເນັ້ນໜັ້ກວ່າໝາກຜົນແທດຈິງທີ່ບັນລຸໄດ້ໃນການພົບປະລະຫວ່າງທ່ານ ໂຕເລິມ ເລຂາທິການໃຫຍ່ຄະນະບໍລິຫານງານສູນກາງພັກກອມມູນິດຫວຽດນາມ ແລະທ່ານນາງ Audrey Azoulay ຜູ້ອໍານວຍການໃຫຍ່ UNESCO ໃນການຢ້ຽມຢາມ UNESCO ຄັ້ງປະຫວັດສາດເມື່ອເດືອນ ຕຸລາ 2024 ໄດ້ປະກອບສ່ວນຍົກລະດັບການພົວພັນຄູ່ຮ່ວມມືສອງຝ່າຍ.

leftcenterrightdel
ທ່ານ ບຸ່ຍແທັງເຊີນ ຮອງນາຍົກລັດຖະມົນຕີ, ລັດຖະມົນຕີການຕ່າງປະເທດຫວຽດນາມ ປະດັບຫຼຽກກາລະນຶກ “ເພື່ອພາລະກິດການທູດຫວຽດນາມ” ໃຫ້ແກ່ທ່ານ Lazare Eloundou Assomo ຜູ້ອໍານວຍການສູນມໍລະດົກໂລກຂອງ UNESCO. ພາບ: qdnd.vn

ສ່ວນທ່ານ Lazare Eloundou Assomo ຢືນຢັນວ່າ ຫວຽດນາມ ແມ່ນຄູ່ຮ່ວມມືທີ່ມີຄວາມໄວ້ເນື້ອເຊື່ອໃຈ, ຍາມໃດກໍ່ຮັບເອົາ ແລະຜັນຂະຫຍາຍບັນດາຂໍ້ສະເໜີແນະວິຊາການຈາກ UNESCO ຢ່າງເຂັ້ມງວດ. ທ່ານຊີ້ແຈ້ງວ່າ ສູນມໍລະດົກໂລກ ຍາມໃດກໍ່ຮ່ວມເດີນທາງ ແລະສະໜັບສະໜູນຫວຽດນາມ ໃນວຽກງານອະນຸລັກຮັກສາ, ເສີມຂະຫຍາຍບັນດາມໍລະດົກໂລກ ແລະໃຫ້ຄຳໝັ້ນສັນຍາຈະສືບຕໍ່ໃຫ້ຄຳປຶກສາ, ໜູນຊ່ວຍກ່ຽວກັບວຽກງານຄຸ້ມຄອງ, ອະນຸລັກຮັກສາ ແລະເສີມຂະຫຍາຍ 8 ເຂດມໍລະດົກໂລກຂອງຫວຽດນາມ, ໃນນັ້ນມີກຳແພງພະລາຊະວັງທັງລອງ, ອ່າວຮະລອງ-ໝູ່ເກາະກ໊າດບ່າ...

ເນື່ອງໃນໂອກາດນີ້, ຕາງໜ້າກະຊວງການຕ່າງປະເທດ, ທ່ານ ບຸ່ຍແທັງເຊີນ ໄດ້ປະດັບຫຼຽກກາລະນຶກ “ເພື່ອພາລະກິດການທູດຫວຽດນາມ” ໃຫ້ແກ່ທ່ານ Lazare, ຮັບຮູ້ການປະກອບສ່ວນທີ່ພົ້ນເດັ່ນຂອງທ່ານຕໍ່ຂະບວນການຮັກສາ, ເສີມຂະຫຍາຍຄຸນຄ່າມໍລະດົກຫວຽດນາມ ແລະຊຸກຍູ້ການພົວພັນຮ່ວມມືລະຫວ່າງ ຫວຽດນາມ ແລະ UNESCO.

ໂດຍ: ເຈິ່ນຮວ່ຽນ