ກ່ຽວກັບໝາກຜົນໃນການພົວພັນມິດຕະພາບລະຫວ່າງຫວຽດນາມ ແລະ ເນປານ ໃນ 50 ປີຜ່ານມາ, ສາດສະດາຈານ Archana Upadhyay ຖືວ່າ ໃນໄລຍະ 5 ທົດສະວັດຜ່ານມາ, ຫວຽດນາມ ແລະເນປານ ໄດ້ສະແດງໃຫ້ເຫັນຄວາມຍືນຍົງຂອງສາຍພົວພັນມິດຕະພາບທີ່ເປັນມູນເຊື້ອຂອງສອງປະເທດ. ປະຈຸບັນ, ສອງປະເທດສວມບົດບາດສຳຄັນຢູ່ອາຊີ. ເນປານ ແມ່ນປະເທດທີ່ມີຄວາມສາມາດບົ່ມຊ້ອນອັນໃຫຍ່ຫຼວງ, ໃນຂະນະທີ່ຫວຽດນາມ ແມ່ນໜຶ່ງໃນບັນດາປະເທດພົ້ນເດັ່ນທີ່ສຸດ.

ໃນຕົວຈິງ, ຫວຽດນາມ ໄດ້ກາຍເປັນແບບຢ່າງໃຫ້ຈໍານວນປະເທດທີ່ພວມພັດທະນາໃນທົ່ວໂລກ. ສາຍພົວພັນລະຫວ່າງສອງປະເທດຕົ້ນຕໍແມ່ນກ່ຽວຂ້ອງເຖິງສາສະໜາ, ການສຶກສາ, ການພົບປະແລກປ່ຽນປະຊາຊົນ, ການດຳເນີນທຸລະກິດ, ການຄ້າ ແລະການລົງທຶນ. ການພົບປະກັບປະຊາຊົນ, ການທູດມະຫາຊົນ ຫຼື ການທູດປະຊາຊົນ ແມ່ນພື້ນຖານຂອງການພົວພັນດັ່ງກ່າວ.

ຕາມສາດສະດາຈານ Archana Upadhyay ແລ້ວ, ຫວຽດນາມ ແລະເນປານ ຢືນຢັນວ່າ ມີຄວາມສາມາດບົ່ມຊ້ອນອັນໃຫຍ່ຫຼວງໃນການຊຸກຍູ້ດ້ານການຄ້າ ແລະການແລກປ່ຽນການຄ້າສອງຝ່າຍ. ເລີ່ືອງເປີດສາຍການບິນໂດຍກົງລະຫວ່າງ Kathmandu - ຮ່າໂນ້ຍ ແມ່ນສັນຍານທີ່ສະແດງໃຫ້ເຫັນວ່າ ການພົວພັນນີ້ໄດ້ເປີດແງ່ຫວັງຫຼາຍຢ່າງ. ນັບມື້ນັບມີຊາວຫວຽດນາມ ຫຼາຍຄົນໄປແຕ່ງດອງ ຫຼື ສຶກສາຮໍ່າຮຽນຢູ່ເນປານ, ຄົນຈໍານວນໜຶ່ງມີຄວາມສົນໃຈກ່ຽວກັບພຸດທະສາສະໜາ ແລະໄປຄົ້ນຄ້ວາ ຫຼືໄປທ່ອງທ່ຽວ ຢູ່ເນປານ.

leftcenterrightdel
ສາດສະດາຈານ Archana Upadhyay ຕອບສໍາພາດຕໍ່ນັກຂ່າວ ສໍານັກຂ່າວສານຫວຽດນາມ ປະຈໍາ New Delhi.

ສາດສະດາຈານ Archana Upadhyay ຖືວ່າ, ເລື່ອງສ້າງຕັ້ງສະມາຄົມມິດຕະພາບ ກໍແມ່ນສັນຍານທີ່ສະແດງໃຫ້ເຫັນວ່າ ສາຍພົວພັນນີ້ໄດ້ກ້າວເຂົ້າສູ່ລວງເລິກຄືແນວໃດ ຢູ່ລະດັບສັງຄົມ. ຄຽງຂ້າງນັ້ນ, ບັນດາມໍລະດົກຂອງປະທານໂຮ່ຈີມິນ ໄດ້, ກໍາລັງ ແລະຈະແມ່ນແຮງບັນດານໃຈອັນໃຫຍ່ຫຼວງ, ບໍ່ພຽງແຕ່ ຢູ່ເນປາ ແລະ ສືບຕໍ່ສົ່ງແຮງບັນດານໃຈໃຫ້ຫຼາຍລຸ້ນຄົນ. ສິ່ງດັ່ງກ່າວໄດ້ສ້າງຄວາມສະໜິດຕິດພັນສາຍພົວພັນລະຫວ່າງຫວຽດນາມ ກັບ ເນປານ ຫຼາຍກວ່າອີກ, ພ້ອມທັງຊຸກຍູ້ສາຍພົວພັນດັ່ງກ່າວໃຫ້ພັດທະນາຢ່າງບໍ່ຢຸດຢັ້ງ.

ທ່ານນາງສາດສະດາຈານ ຍັງໄດ້ເວົ້າເຖິງສະພາບຕົວຈິງ, ເຖິງວ່າປະຊາຄົມຊາວຫວຽດນາມ ດໍາລົງຊີວິດ ແລະຮໍ່າຮຽນຢູ່ເນປານ ບໍ່ຫຼາຍກໍຕາມ, ແຕ່ວ່າບົດບາດຂອງເຂົາເຈົ້າແມ່ນສຳຄັນທີ່ສຸດເມື່ອຮັບຮູ້ວ່າແມ່ນຍາມໃດກໍ່ສະໜັບສະໜູນອໍານາດການປົກຄອງປະເທດປະຈໍາຖິ່ນ, ສະແດງໃຫ້ເຫັນເຈດຕະນາດີໃນການຊຸກຍູ້ການພັດທະນາຂອງເນປານ ກໍຄືຊຸກຍູ້ການຮ່ວມມືລະຫວ່າງຫວຽດນາມ ກັບເນປານ.

ຄຽງຂ້າງນັ້ນ, ຕາມທ່ານນາງ Archana Upadhyay ແລ້ວ, ສາຍພົວພັນລະຫວ່າງປະຊາຊົນ ແລະ ສາຍພົວພັນລັດຖະບານ - ລັດຖະບານຂອງສອງປະເທດ ໄດ້ຮັບການປັບປຸງຜ່ານການເວລາຢ່າງບໍ່ຢຸດຢັ້ງ. ໃນໄລຍະເກີດວິກິດການ, ຄື: ໂລກລະບາດໂຄວິດ-19, ເຫດແຜ່ນດິນໄຫວ, ໄພນ້ຳຖ້ວມ..., ເນປານ ລ້ວນແຕ່ໄດ້ຮັບການໜູນຊ່ວຍຢ່າງສຸດຈິດສຸດໃຈຈາກຫວຽດນາມ. ນອກຈາກນັ້ນ, ເຈດຕະນາດີໜູນຊ່ວຍນັ້ນສອງປະເທດຍັງສະແດງອອກໃຫ້ເຫັນຢູ່ເວທີປາໄສສາກົນ ແລະ ຫຼາຍຝ່າຍ.

ສາດສະດາຈານ Archana Upadhyay ເນັ້ນໜັກວ່າ: “ຄວາມຈິງແລ້ວ ພວກເຮົາພວມດໍາລົງຊີວິດຢູ່ກຸ່ມກ້ອນຫຼາຍຂົ້ວ ແລະເມື່ອພວກເຮົາເວົ້າເຖິງບາງຂົ້ວອໍານາດນັ້ນ, ຫວຽດນາມ ພົ້ນເດັ່ນຂຶ້ນຄືດັ່ງຂົ້ວອໍານາດທີ່ສໍາຄັນ ເມື່ອພິຈາລະນາກ່ຽວກັບຄວາມສາມາດເຕີບໂຕດ້ານເສດຖະກິດ ແລະມໍລະດົກວັດທະນະທໍາ. ຫວຽດນາມ ພົ້ນເດັ່ນຂຶ້ນຄືດັ່ງສະຖານທີ່ທ່ອງທ່ຽວທີ່ມີຊື່ສຽງ. ສ່ວນເນປານ ກໍແມ່ນສະຖານນັດພົບ, ທ່ອງທ່ຽວສໍາຄັນເມື່ອພິຈາລະນາທາງດ້ານພຸດທະສາສະໜາ, ການທ່ອງທ່ຽວຜະຈົນໄພ, ການປີນພູຜະຈົນໄພ. ຈຸດຄ້າຍຄືກັນນັ້ນ ກໍາລັງຊຸກຍູ້ປະຊາຊົນສອງປະເທດຫຍັບເຂົ້າໃກ້ກັນກວ່າ”.

ຕາມທ່ານນາງສາດສະດາຈານ Archana Upadhyay ແລ້ວ, ໃນສາຍພົວພັນມິດຕະພາບດັ່ງກ່າວ, ເນປານ ສາມາດຮ່ຳຮຽນຫຼາຍຢ່າງຈາກ ຫວຽດນາມ ເພາະວ່າປະຈຸບັນ ຫວຽດນາມ ໄດ້ເປັນແບບຢ່າງກ່ຽວກັບການພັດທະນາເສດຖະກິດ ດ້ວຍການພັດທະນາທີ່ເປັນໜ້າສົນໃຈ. ຜ່ານນັ້ນ, ສອງປະເທດສາມາດຊຸກຍູ້ການຮ່ວມມືດ້ານເສດຖະກິດຫຼາຍປະເພດເພື່ອໜູນຊ່ວຍໃຫ້ກັນ.

ໂດຍ: ທູຈາງ