ໃນທ່າມກາງບັນຍາກາດປະຫວັດສາດເດືອນເມສາ, ຫວຽດນາມ ໄດ້ສະເຫຼີມສະຫຼອງ 50 ປີແຫ່ງວັນປົດປ່ອຍພາກໃຕ້, ທ້ອນໂຮມປະເທດຊາດເປັນເອກະພາບ ໂດຍມີການເຄື່ອນໄຫວທີ່ມີຄວາມໝາຍຫຼາຍຢ່າງ, ສະແດງໃຫ້ເຫັນການເຄົາລົບຄຸນຄ່າສັນຕິພາບ ແລະຄວາມຄາດຫວັງຢາກມີເອກະລາດ. ໂດຍແມ່ນຊົນຊາດທີ່ເຄີຍຜ່ານສົງຄາມ, ປະຊາຊົນຫວຽດນາມ ເຂົ້າໃຈຢ່າງເລິກເຊິ່ງເຖິງນ້ຳໃຈສາມັກຄີສາກົນ ແລະຄວາມໝາຍໄຊຊະນະຂອງບັນດາກຳລັງທີ່ຮັກຫອມສັນຕິພາບ. ໄຊຊະນະຟາດຊິດ ໄດ້ເປີດທາງໃຫ້ຫຼາຍປະເທດຫຼຸດພົ້ນອອກຈາກແອກປົກຄອງ, ສ້າງລະບົບສັງຄົມນິຍົມ, ໃນນັ້ນມີຫວຽດນາມ ດ້ວຍການຊ່ວຍເຫຼືອອັນໃຫຍ່ຫຼວງຈາກ ໂຊວຽດ. ໂຊວຽດ ແລະປະຈຸບັນ ສະຫະພັນລັດເຊຍ ຍາມໃດກໍ່ຄຽງບ່າຄຽງໄຫຼ່ພ້ອມກັບຫວຽດນາມ ໃນພາລະກິດປົດປ່ອຍ ແລະພັດທະນາປະເທດຊາດ, ບໍ່ພຽງແຕ່ໃນດ້ານການເມືອງ, ເສດຖະກິດເທົ່ານັ້ນ ຫາກຍັງຜ່ານການເຜີຍແຜ່ວັດທະນະທຳມະນຸດ, ນໍ້າໃຈມິດຕະພາບທີ່ເລິກເຊິ່ງ, ແໜ້ນແຟ້ນລະຫວ່າງສອງຊາດອີກດ້ວຍ.

leftcenterrightdel
ທ່ານ ໂຕເລິມ ເລຂາທິການໃຫຍ່ ແລະບັນດາຜູ້ແທນເຂົ້າຮ່ວມຮັບຊົມລາຍການສະແດງສິລະປະ “ບົດເພງໄຊຊະນະ”. ພາບ: ສໍານັກຂ່າວສານຫວຽດນາມ.

ລາຍການດັ່ງກ່າວມີຄວາມໝາຍຢ່າງເລິກເຊິ່ງ, ເຊີດຊູໄຊຊະນະຂອງບັນດາກຳລັງຮັກຫອມສັນຕິພາບໃນໂລກ, ຢືນຢັນນ້ຳໃຈສາມັກຄີສາກົນ, ພິເສດແມ່ນນ້ຳໃຈມິດຕະພາບລະຫວ່າງ ຫວຽດນາມ ແລະ ສະຫະພັນລັດເຊຍ. ຜູ້ຊົມໄດ້ຮັບຊົມດົນຕີຄລາດສິກ ເຊັ່ນ "Symphony No.5" ຂອງ Shostakovich, "Overture 1812" ຂອງ Tchaikovsky ແລະຫຼາຍບົດເພງທີ່ມີຊື່ສຽງຂອງລັດເຊຍ ດ້ວຍເນື້ອເພງຫວຽດນາມ. ຄຽງຂ້າງນັ້ນແມ່ນບັນດາບົດເພງປະຕິວັດຂອງຫວຽດນາມ ເຊັ່ນ: “ໂຮ່ຈີມິນ ຊື່ງາມທີ່ສຸດ”, “ປະເທດເຕັມໄປດ້ວຍຄວາມເບີກບານມ່ວນຊື່ນ”… ລາຍການໄດ້ສ້າງຂຶ້ນຢ່າງອາລັງການດ້ວຍການເຂົ້າຮ່ວມຂອງວົງດົນຕີປະສານສຽງຮ່າໂນ້ຍ, ໂຮງດົນຕີລະຄອນລຳ ຫວຽດນາມ ແລະນັກສິລະປະແຖວໜ້າ, ສະແດງບົດເພງອະມະຕະກ່ຽວກັບນ້ຳໃຈຮັກຊາດ, ຄວາມຄາດຫວັງຢາກໄດ້ຮັບໄຊຊະນະ ແລະຢັ້ງຢືນສານສັນຕິພາບໃຫ້ແກ່ມວນມະນຸດ.

ໂດຍ: ຈາງຫງວຽນ