ທ່ານເລຂາທິການໃຫຍ່ ໂຕເລິມ ຢ້ຽມຢາມ, ອວຍພອນປີໃໝ່ປະຊາຊົນນະຄອນຫຼວງ ຮ່າໂນ້ຍ, ອວຍພອນປີໃໝ່ບັນດາກົມກອງ ກອງທັບ ແລະຕຳຫຼວດ
ປີ 2025, ຮ່າໂນ້ຍ ຕ້ອງສືບຕໍ່ເປັນແບບຢ່າງນຳໜ້າໃນການສັບຊ້ອນກົງຈັກ, ສ້າງລະບົບການເມືອງກະທັດຮັດ, ເຄື່ອນໄຫວຢ່າງມີປະສິດທິພາບ, ປະສິດທິຜົນ; ຜັນຂະຫຍາຍປະຕິບັດວຽກງານຈັດຕັ້ງກອງປະຊຸມໃຫຍ່ອົງຄະນະພັກທຸກຂັ້ນຂອງນະຄອນ; ປະຕິບັດວຽກງານກະກຽມບຸກຄະລາກອນໃຫ້ແກ່ກອງປະຊຸມໃຫຍ່ໃຫ້ເປັນຢ່າງດີ, ຮັບປະກັນຄຸນນະພາບ, ພາວະວິໄສ, ຖືກຕ້ອງຕາມຂໍ້ກຳນົດ.
    |
 |
|
ທ່ານເລຂາທິການໃຫຍ່ ໂຕເລິມ ຢ້ຽມຢາມ ແລະອວຍພອນປີໃໝ່ອົງຄະນະພັກ, ອຳນາດການປົກຄອງ ແລະປະຊາຊົນນະຄອນຫຼວງ ຮ່າໂນ້ຍ. ພາບ: ຫວຽດແທັ່ງ. |
ເນື່ອງໃນໂອກາດບຸນປີໃໝ່ປະຈຳຊາດ ປີມະເສັງ 2025 ແລະສະເຫຼີມສະຫຼອງ 95 ປີ ແຫ່ງວັນສ້າງຕັ້ງພັກຄອມມູນິດຫວຽດນາມ (3-2-1930 / 3-2-2025), ຕອນຄ່ຳວັນທີ 28 ມັງກອນ (ກົງກັບວັນທີ 29 ເດືອນຈຽງ ປີມະໂລງ ໄລ່ຕາມຈັນທະປະຕິທິນ), ທ່ານເລຂາທິການໃຫຍ່ ໂຕເລິມ ໄດ້ໄປຢ້ຽມຢາມ ແລະອວຍພອນປີໃໝ່ອົງຄະນະພັກ, ອຳນາດການປົກຄອງ ແລະປະຊາຊົນນະຄອນຫຼວງ ຮ່າໂນ້ຍ. ທ່ານເລຂາທິການໃຫຍ່ ໄດ້ເນັ້ນໜັກວ່າ ປີ 2025, ຮ່າໂນ້ຍ ຕ້ອງສືບຕໍ່ເປັນແບບຢ່າງນຳໜ້າໃນການສັບຊ້ອນກົງຈັກ, ສ້າງລະບົບການເມືອງກະທັດຮັດ, ເຄື່ອນໄຫວຢ່າງມີປະສິດທິພາບ, ປະສິດທິຜົນ; ຜັນຂະຫຍາຍປະຕິບັດວຽກງານຈັດຕັ້ງກອງປະຊຸມໃຫຍ່ອົງຄະນະພັກທຸກຂັ້ນຂອງນະຄອນ; ປະຕິບັດວຽກງານກະກຽມບຸກຄະລາກອນໃຫ້ແກ່ກອງປະຊຸມໃຫຍ່ໃຫ້ເປັນຢ່າງດີ, ຮັບປະກັນຄຸນນະພາບ, ພາວະວິໄສ, ຖືກຕ້ອງຕາມຂໍ້ກຳນົດ.
|
|
 |
|
ທ່ານເລຂາທິການໃຫຍ່ ໂຕເລິມ ມອບຂອງຂວັນໃຫ້ພະນັກງານ, ນັກຮົບ ເຫຼົ່າທັບປ້ອງກັນອາກາດ - ທະຫານອາກາດ. ພາບ: qdnd.vn |
ກໍໃນວັນດຽວກັນ, ທ່ານເລຂາທິການໃຫຍ່ ໂຕເລິມ ໄດ້ໄປລະດົມກຳລັງໃຈ, ກວດກາວຽກງານປະຈຳການ, ກຽມພ້ອມສູ້ຮົບ ແລະອວຍພອນບຸນປີໃໝ່ພະນັກງານ, ນັກຮົບພວມປະຈຳການຢູ່ສູນປ້ອງກັນຄວາມປອດໄພທາງເຄືອຂ່າຍອິນເຕີເນັດ (ກະຊວງຕໍາຫຼວດ) ແລະເຫຼົ່າທັບປ້ອງກັນອາກາດ - ທະຫານອາກາດ (ກະຊວງປ້ອງກັນປະເທດ).
ແຫຼ່ງຄັດຈາກ: vovworld.vn