ທ່ານເລຂາທິການໃຫຍ່ ໂຕເລິມ ຕ້ອນຮັບການນໍາທະນາຄານຮ່ວມມືສາກົນ ຍີ່ປຸ່ນ

ທ່ານເລຂາທິການໃຫຍ່ ໂຕເລິມ ຕ້ອນຮັບທ່ານ Maeda Tadashi ປະທານສະພາບໍລິຫານທະນາຄານຮ່ວມມືສາກົນ ຍີ່ປຸ່ນ. ພາບ: ຟ້າມກຽນ.

ທີ່ການຕ້ອນຮັບ, ທ່ານເລຂາທິການໃຫຍ່ ໂຕເລິມ ຕີລາຄາສູງການປະກອບສ່ວນຢ່າງຕັ້ງໜ້າຂອງ JBIC ແລະຂອງທ່ານ Maeda Tadashi ເຂົ້າໃນການພັດທະນາເສດຖະກິດ-ສັງຄົມຂອງຫວຽດນາມ, ໂດຍສະເພາະແມ່ນຜ່ານບັນດາໂຄງການຈຸດສຸມກ່ຽວກັບພື້ນຖານໂຄງລ່າງ, ຮັບມືກັບການປ່ຽນແປງຂອງດິນຟ້າອາກາດ; ຢັ້ງຢືນວ່າ ຫວຽດນາມ ຍາມໃດກໍຖືເປັນສໍາຄັນການພົວພັນກັບຍີ່ປຸ່ນ; ຖືວ່າ ບັນດາບັນຫາ ທີ່ ລັດຖະບານຍີ່ປຸ່ນ ແລະ JBIC ເອົາໃຈໃສ່ ກໍແມ່ນບຸລິມະສິດບຸກທະລຸຂອງຫວຽດນາມ ໃນໄລຍະຈະມາເຖິງ, ໃນນັ້ນມີພື້ນຖານໂຄງລ່າງຄົມມະນາຄົມ, ພະລັງງານ, ເຕັກໂນໂລຊີດີຈີຕອນ. ທ່ານເລຂາທິການໃຫຍ່ ສະເໜີ ຍີ່ປຸ່ນ ແລະ JBIC ສືບຕໍ່ຮ່ວມເດີນທາງພ້ອມກັບການພັດທະນາຂອງຫວຽດນາມ, ພ້ອມທັງເອົາໃຈໃສ່ຊຸກຍູ້ການເຊື່ອມຕໍ່ພື້ນຖານໂຄງລ່າງລະຫວ່າງບັນດາປະເທດອາຊີຕາເວັນອອກສ່ຽງໃຕ້, ອະນຸແມ່ນໍ້າຂອງ ກ່ຽວກັບພື້ນຖານໂຄງລ່າງຄົມມະນາຄົມ, ພະລັງງານ, ຂໍ້ມູນໃຫຍ່.

ບັນຍາກາດທີ່ການຕ້ອນຮັບ. ພາບ: ຟ້າມກຽນ.

ທ່ານ Maeda Tadashi ຢັ້ງຢືນວ່າ ລັດຖະບານຍີ່ປຸ່ນ, ໃນນັ້ນມີ JBIC ຖື ຫວຽດນາມ ແມ່ນຄູ່ຮ່ວມມືສໍາຄັນໃນພາກພື້ນ, ພ້ອມແລ້ວທີ່ຈະຮ່ວມມືກັບຫວຽດນາມ ໃນບັນດາຂົງເຂດທີ່ເປັນມູນເຊື້ອ ຄື: ພື້ນຖານໂຄງລ່າງຄົມມະນາຄົມ, ການຮັບມືກັບການປ່ຽນແປງຂອງດິນຟ້າອາກາດ, ພ້ອມທັງເປີດກວ້າງໄປສູ່ບັນດາຂົງເຂດໃໝ່ ຄື: ການຫັນປ່ຽນພະລັງງານ, ປັນຍາປະດິດ, ຂໍ້ມູນໃຫຍ່, ໜູນຊ່ວຍວິສາຫະກິດເລີ່ມທຸລະກິດ..., ຜ່ານນັ້ນຕັ້ງໜ້າປະກອບສ່ວນໃຫ້ແກ່ການພັດທະນາຂອງຫວຽດນາມ ແລະການພົວພັນ ຫວຽດນາມ-ຍີ່ປຸ່ນ.

ໂດຍ: ໄຊຊະນະ