ແຂວງກ່າເມົາ ຕ້ອງຂຸດຄົ້ນທຸກແຫຼ່ງກຳລັງພັດທະນາ

ກ່າວຄຳເຫັນທີ່ການເຮັດວຽກ, ທ່ານເລຂາທິການໃຫຍ່  ຕີລາຄາສູງຄວາມມານະພະຍາຍາມສູ້ຊົນ ແລະໝາກຜົນທີ່ອົງຄະນະພັກ, ອໍານາດການປົກຄອງ ແລະປະຊາຊົນແຂວງກ່າເມົາ ບັນລຸໄດ້ໃນໄລຍະມໍ່ໆມານີ້. ເຫັນດີຕໍ່ການກໍານົດທິດທາງ ແລະໜ້າທີ່ຈຸດສຸມທີ່ແຂວງກ່າເມົາ ໄດ້ວາງອອກ, ທ່ານເລຂາທິການໃຫຍ່ ໄດ້ເຈາະຈີ້ມວິໄສທັດ ຮອດປີ 2045, ແຂວງກ່າເມົາ ຕ້ອງກາຍເປັນແຂວງຫຼັກແຫຼ່ງແກ່ນສານພັດທະນາຂອງເຂດທົ່ງພຽງແມ່ນ້ຳຂອງ, ເປັນແຂວງທີ່ມີລະດັບເສດຖະກິດດີ ແລະມີພື້ນຖານເສດຖະກິດຂະຫຍັນຂັນເຄື່ອນ.

ບັນຍາກາດທີ່ການເຮັດວຽກ. ພາບ: ສໍານັກຂ່າວສານຫວຽດນາມ

ທ່ານເລຂາທິການໃຫຍ່ ໄດ້ຮຽກຮ້ອງໃຫ້ທ້ອງຖິ່ນເສີມຂະຫຍາຍທີ່ຕັ້ງພູມສາດດ້ານເສດຖະກິດ, ເອົາໃຈໃສ່ເຖິງວຽກງານວາງແຜນ ແລະໃຫ້ບຸລິມະສິດການລົງທຶນແກ່ລະບົບໂຄງປະກອບໂຄງລ່າງ, ພິເສດແມ່ນການຄົມມະນາຄົມ. ທ່ານເລຂາທິການໃຫຍ່ ກໍ່ຮຽກຮ້ອງໃຫ້ແຂວງກ່າເມົາ ຖືປະຊາຊົນ ແລະວິສາຫະກິດເປັນໃຈກາງ, ປຸກລະດົມ ແລະຂຸດຄົ້ນທຸກແຫຼ່ງກຳລັງພາຍໃນ ແລະພາຍນອກເພື່ອພັດທະນາເສດຖະກິດ - ສັງຄົມ; ສຸມໃສ່ການປະຕິຮູບດ້ານບໍລິຫານ ແລະການຫັນເປັນດີຈີຕອນຢ່າງຄົບຊຸດ, ຮອບດ້ານ ທັງພາກລັດ ແລະເອກະຊົນ, ປັບປຸງສະພາບແວດລ້ອມແຫ່ງການລົງທຶນ ແລະດໍາເນີນທຸລະກິດຢ່າງແຂງແຮງ, ຍົກສູງຄວາມສາມາດໃນການແກ່ງແຍ້ງຂອງແຂວງ. ພ້ອມກັນນັ້ນ, ເອົາໃຈໃສ່ປຸກລຸກແຫຼ່ງວັດທະນະທຳພື້ນເມືອງທີ່ອຸດົມສົມບູນ.

ທ່ານ ໂຕເລິມ ເລຂາທິການໃຫຍ່ ເຂົ້າຮ່ວມວັນບຸນມະຫາສາມັກຄີທົ່ວປວງຊົນທັງຊາດ ຢູ່ບ້ານ ໝຸຍ, ຕາແສງ ເດິດໝຸຍ (ເມືອງຫງອກຫຽນ, ແຂວງກ່າເມົາ). ພາບ: ສໍານັກຂ່າວສານຫວຽນດນາມ

* ຕອນເຊົ້າວັນດຽວກັນ, ທ່ານເລຂາທິການໃຫຍ່  ພ້ອມດ້ວຍຄະນະປະຕິບັດງານ ໄດ້ເຂົ້າຮ່ວມວັນບຸນມະຫາສາມັກຄີທົ່ວປວງຊົນທັງຊາດ ຢູ່ບ້ານ ໝຸຍ, ຕາແສງ ເດິດໝຸຍ (ເມືອງຫງອກຫຽນ, ແຂວງກ່າເມົາ). ກ່າວຄຳເຫັນທີ່ວັນບຸນ, ທ່ານເລຂາທິການໃຫຍ່ ໄດ້ຍ້ອງຍໍຊົມເຊີຍ ແລະຕີລາຄາສູງຄວາມເປັນເຈົ້າການ, ຄວາມມານະພະຍາຍາມ ແລະໝາກຜົນທີ່ບັນລຸໄດ້ໃນໄລຍະມໍ່ໆມານີ້ ຂອງຄະນະພັກ, ອຳນາດການປົກຄອງ ແລະປະຊາຊົນບ້ານ ໝຸຍ, ຕາແສງ ເດິດໝຸຍ, ເມືອງ ຫງອກຫຽນ.

ທ່ານເລຂາທິການໃຫຍ່ ໃສ່ໃຈວ່າ ຄະນະພັກ, ອຳນາດການປົກຄອງ, ແນວໂຮມປະເທດຊາດ ແລະອົງການຈັດຕັ້ງການເມືອງ-ສັງຄົມ ຕ່າງໆຂອງແຂວງກ່າເມົາ ເວົ້າລວມ, ບ້ານໝຸຍ, ຕາແສງ ເດິດໝຸຍ ເວົ້າສະເພາະ ຕ້ອງສາມັກຄີກັນຢ່າງແທ້ຈິງ, ເຫັນດີເຫັນພ້ອມ, ເສີມຂະຫຍາຍມູນເຊື້ອອັນດີງາມ ແລະໝາກຜົນບັນລຸໄດ້ໃນໄລຍະຜ່ານມາ; ຕັດສິນໃຈປະຕິບັດບັນດາຄາດໝາຍ, ໜ້າທີ່ ເຊິ່ງມະຕິກອງປະຊຸມໃຫຍ່ ຄັ້ງທີ 13 ຂອງພັກ ແລະມະຕິກອງປະຊຸມໃຫຍ່ ຂອງອົງຄະນະພັກທຸກຂັ້ນອາຍຸການ 2020-2025 ໄດ້ວາງອອກ, ແຂ່ງຂັນກັນສ້າງຜົນງານເພື່ອຊົມເຊີຍກອງປະຊຸມໃຫຍ່ຂອງພັກທຸກຂັ້ນ ແລະກອງປະຊຸມໃຫຍ່ຜູ້ແທນທ່ົວປະເທດ ຄັ້ງທີ 14 ຂອງພັກ.

ໂດຍ: ທູຈາງ