ສານ, ໂທລະເລກອວຍພອນປະທານປະເທດ ເລືອງເກື່ອງ
ເນື່ອງໃນໂອກາດສະພາແຫ່ງຊາດຫວຽດນາມ ເລືອກຕັ້ງທ່ານ ເລືອງເກື່ອງ ດຳລົງຕຳແໜ່ງປະທານປະເທດ ສສ.ຫວຽດນາມ, ການນຳບັນດາປະເທດກຳປູເຈຍ, ສິງກະໂປ, ອີຕາລີ, ກາຊັກສະຖານ, ແຟນລັງ ແລະພັກລັດເຊຍເອກະພາບ ໄດ້ສົ່ງສານ, ໂທລະເລກອວຍພອນ.
    |
 |
|
ທ່ານ ເລືອງເກື່ອງ ປະທານປະເທດ. ພາບ: ສໍານັກຂ່າວສານຫວຽດນາມ |
ທ່ານນາຍົກລັດຖະມົນຕີ ລາຊະອານາຈັກ ກຳປູເຈຍ Samdech Moha Borvor Thipadei Hun Manet ໄດ້ສະແດງຄວາມເຊື່ອໝັ້ນວ່າ ພາຍໃຕ້ການຊີ້ນຳນຳພາ ແລະວິໄສທັດຂອງທ່ານປະທານປະເທດ ເລືອງເກື່ອງ, ຫວຽດນາມ ຈະສືບຕໍ່ບັນລຸຜົນສຳເລັດໃນການພັດທະນາເສດຖະກິດ-ສັງຄົມ, ເພື່ອຜົນປະໂຫຍດຂອງປະຊາຊົນຫວຽດນາມ ແລະປະກອບສ່ວນຕັ້ງໜ້າໃນບັນດາເວທີປາໄສສາກົນ, ທ່ານເຊື່ອໝັ້ນວ່າ ການພົວພັນຍາວນານໄດ້ຮັບການສ້າງຕັ້ງຂຶ້ນບົນພື້ນຖານປະເທດບ້ານໃກ້ເຮືອນຄຽງທີ່ດີ, ມິດຕະພາບທີ່ເປັນມູນເຊື້ອ, ການຮ່ວມມືຮອບດ້ານ, ຍືນຍົງຍາວນານຈະພັດທະນາຢ່າງແຮງກວ່າອີກ, ເພື່ອຜົນປະໂຫຍດລວມຂອງປະຊາຊົນສອງປະເທດ.
ທ່ານ Dmitri Medvedev ປະທານພັກລັດເຊຍເອກະພາບ ເຊື່ອໝັ້ນວ່າ ບັນດາບົດຮຽນປະສົບການທີ່ອຸດົມສົມບູນກ່ຽວກັບການເຄື່ອນໄຫວຂອງທ່ານປະທານປະເທດ ເລືອງເກື່ອງ ໃນວຽກງານຂອງລັດ ຈະຊຸກຍູ້ການແກ້ໄຂບັນດາໜ້າທີ່ອັນຍິ່ງໃຫຍ່ກ່ຽວກັບການພັດທະນາເສດຖະກິດ-ສັງຄົມຂອງຫວຽດນາມ ຢ່າງມີປະສິດທິຜົນ, ກໍ່ຄືປັບປຸງຖານະບົດບາດຂອງຫວຽດນາມ ບົນເວທີສາກົນ.
ທ່ານປະທານາທິບໍດີ ສິງກະໂປ Tharman Shanmugaratnam ປາດຖະໜາຢາກເປີດກວ້າງການຮ່ວມມືໄປຍັງບັນດາຂົງເຂດໃໝ່, ຄື: ພະລັງງານສະອາດ, ສິນເຊື່ອກາກບອນ, ເສດຖະກິດດີຈີຕອນ ແລະຮ່ວມມືຢູ່ເວທີປາໄສຫຼາຍຝ່າຍ, ເພື່ອແນໃສ່ນຳການພົວພັນ ຫວຽດນາມ-ສິງກະໂປ ຂຶ້ນສູ່ລະດັບສູງໃໝ່.
ທ່ານປະທານາທິບໍດີ ສ.ອີຕາລີ Sergio Mattarella ຕີລາຄາສູງການສະໜິດຕິດພັນ ແລະນ້ຳໃຈມິດຕະພາບທີ່ສະໜິດຕິດພັນລະຫວ່າງສອງປະເທດ ຫວຽດນາມ-ອີຕາລີ; ທ່ານສະແດງໃຫ້ເຫັນຄວາມເຊື່ອໝັ້ນກ່ຽວກັບການພັດທະນາການພົວພັນລະຫວ່າງສອງປະເທດ.
ໂດຍ: ວິທະຍຸກະຈາຍສຽງຫວຽດນາມ