ຫວຽດ​ນາມ ແລະ UAE ຍົກ​ລະ​ດັບ​ການ​ພົວ​ພັນ, ເຊັນ​ສັນ​ຍາ​ຄູ່​ຮ່ວມ​ມື​ເສດ​ຖະ​ກິດ​ຮອບ​ດ້ານ

ທ່ານເອກອັກຄະລັດຖະທູດຫວຽດນາມ ປະຈຳ UAE ຫງວຽນແທງຢຽບ ແລະທ່ານຮອງປະທານາທິບໍດີຕີ UAE Sheikh Mansour bin Zayed Al Nahyan. ພາບ: ສະຖານທູດ ຫວຽດນາມ ປະຈຳ UAE

ໂດຍຕອບສຳພາດຕໍ່ນັກຂ່າວວິທະຍຸກະຈາຍສຽງຫວຽດນາມ, ທ່ານເອກອັກຄະລັດຖະທູດຫວຽດນາມ ປະຈຳ UAE ຫງວຽນແທງຢຽບ ໃຫ້ຮູ້ວ່າ ການຢ້ຽມຢາມມີຄວາມໝາຍສຳຄັນພິເສດໃນການປັບປຸງຄວາມໄວ້ເນື້ອເຊື່ອໃຈດ້ານການເມືອງ, ຍົກລະດັບການພົວພັນຂອງຫວຽດນາມ ກັບ UAE ນັບທັງລວງກວ້າງ ແລະລວງເລິກ; ສ້າງກຳລັງໜູນ, ເປີດກວ້າງໄລຍະຮ່ວມມືໃໝ່ລະຫວ່າງຫວຽດນາມ ແລະ UAE, ພິເສດໃນການດຶງດູດເງິນລົງທຶນຈາກ UAE ເຂົ້າຫວຽດນາມ ແລະສ້າງບາດກ້າວບຸກທະລຸໃຫ້ແກ່ສິນຄ້າ, ການບໍລິການຂອງຫວຽດນາມ ສາມາດເຂົ້າເຖິງຕະຫຼາດ UAE.

ທ່ານໃຫ້ຮູ້ວ່າ ໃນການຢ້ຽມຢາມ, ສອງຝ່າຍມີເຂົ້າຮ່ວມບັນດາການເຄືອນໄຫວ, ແລກປ່ຽນເນື້ອໃນເຮັດວຽກຈຸດສຸມ, ລວມມີ: ຄາດຄະເນການຍົກລະດັບການພົວພັນ, ເພີ່ມທະວີການຮ່ວມມືຢູ່ບັນດາເວທີປາໄສ, ອົງການຈັດຕັ້ງສາກົນ ແລະພາກພື້ນ; ຄາດຄະເນວ່າ ຈະເຊັ່ນສັນຍາຄູ່ຮ່ວມມືຮອບດ້ານ ຫວຽດນາມ-UAE (CEPA) ລະຫວ່າງ ຫວຽດນາມ ແລະ UAE, ຈັດຕັ້ງເວທີປາໄສວິສາຫະກິດ, ສ້າງບາດກ້າວບຸກທະລຸໃນການພົວພັນດ້ານເສດຖະກິດ, ການຄ້າ, ການລົງທຶນລະຫວ່າງສອງປະເທດ, ຍູ້ແຮງການພົບປະແລກປ່ຽນປະຊາຊົນ, ເພີ່ມທະວີການຮ່ວມມືດ້ານຄວາມໝັ້ນຄົງ, ການສຶກສາ, ແຮງງານ, ການປ່ຽນແປງຂອງດິນຟ້າອາກາດ ແລະສິ່ງແວດລ້ອມ, ບັນດາຂົງເຂດອື່ນໆ, ຊຸກຍູ້ການເຊັນເອກກະສານຮ່ວມມືສະບັບຕ່າງໆເພື່ອແນໃສ່ປັບປຸງຂອບເຂດນິຕິກຳໃຫ້ແກ່ການຮ່ວມມືສອງຝ່າຍ.

ການຍົກລະດັບການພົວພັນ ແລະເຊັນສັນຍາຄູ່ຮ່ວມມືເສດຖະກິດຢ່າງຮອບດ້ານ (CEPA) ຈະເປີດບັນດາແງ່ຫວັງອັນຍິ່ງໃຫຍ່, ໄລຍະຮ່ວມມືໃໝ່ກ່ຽວກັບການຮ່ວມມືທາງດ້ານຍຸດທະສາດລວມໃນຫຼາຍຂົງເຂດລະຫວ່າງສອງປະເທດ.

ໂດຍ: ວິທະຍຸກະຈາຍສຽງຫວຽດນາມ