ປະທານປະເທດຫວຽດນາມ ຕ້ອນຮັບຮອງປະທານຄະນະພັກການທະຫານສູນກາງ ຈີນ

ທ່ານ ເລືອງເກືອງ ປະທານປະເທດຫວຽດນາມ ຕ້ອນຮັບທ່ານພົນໂທ Zhang Youxia ຮອງປະທານຄະນະພັກການທະຫານສູນກາງຈີນ. ພາບ: ໂງວຽດຈູງ

ທີ່ການຕ້ອນຮັບ, ສອງຝ່າຍສະແດງຄວາມປິຕິຊົມຊື່ນຕໍ່ການພັດທະນາຢ່າງແຂງແຮງໃນການພົວພັນສອງຝ່າຍໃນໄລຍະຜ່ານມາ. ພິເສດ, ພາຍຫຼັງການຢ້ຽມຢາມຂອງການນຳຂັ້ນສູງສອງພັກໄດ້ກຳນົດທີ່ຕັ້ງໃໝ່, ຍົກລະດັບການພົວພັນຄູ່ຮ່ວມມືຍຸດທະສາດຮອບດ້ານ ຫວຽດນາມ-ຈີນ, ຊຸກຍູ້ການສ້າງປະຊາຄົມແບ່ງປັນອະນາຄົດ ຫວຽດນາມ-ຈີນ ທີ່ມີຄວາມໝາຍຍຸດທະສາດຕາມທິດທາງ “6 ກວ່າ”, ປະກອບສ່ວນນຳມາ ເຊິ່ງຜົນປະໂຫຍດແທດຈິງໃຫ້ປະຊາຊົນສອງປະເທດ ກໍ່ຄືຮັກສາສັນຕິພາບ, ສະຖຽນລະພາບ, ການພັດທະນາຢູ່ພາກພື້ນ ແລະໃນໂລກ.

ທ່ານປະທານປະເທດ ສະເໜີວ່າ ໃນໄລຍະຈະມາເຖິງຄະນະພັກການທະຫານສູນກາງ, ກະຊວງປ້ອງກັນປະເທດສອງປະເທດສືບຕໍ່ຊຸກຍູ້, ເຮັດໃຫ້ການພົວພັນຮ່ວມມືດ້ານປ້ອງກັນຊາດສອງຝ່າຍເລິກເຊິ່ງກວ່າອີກຜ່ານການເຄື່ອນໄຫວແລກປ່ຽນຄະນະຜູ້ແທນທຸກຂັ້ນ, ເປັນຕົ້ນແມ່ນຄະນະຜູ້ແທນຂັ້ນສູງ; ຮັກສາກົນໄກຮ່ວມມືທີ່ມີຢູ່ແລ້ວຢ່າງມີປະສິດທິຜົນ.

ທ່ານ ເລືອງເກືອງ ປະທານປະເທດຫວຽດນາມ ແລກປ່ຽນກັບທ່ານພົນໂທ Zhang Youxia ຮອງປະທານຄະນະພັກການທະຫານສູນກາງຈີນ. ພາບ: ໂງວຽດຈູງ

ສ່ວນທ່ານພົນໂທ Zhang Youxia ໃຫ້ຮູ້ວ່າ ການຢ້ຽມຢາມຫວຽດນາມ ຄັ້ງນີ້ແນໃສ່ຫັນຄວາມຮັບຮູ້ລວມລະຫວ່າງການນຳຂັ້ນສູງສອງພັກ, ສອງລັດເປັນລະອຽດ ກໍ່ຄືຊຸກຍູ້ການພົບປະແລກປ່ຽນ, ການຮ່ວມມືລະຫວ່າງກອງທັບສອງປະເທດໃນຂົງເຂດປ້ອງກັນຊາດ, ປ້ອງກັນຄວາມສະຫງົບໃຫ້ເຂົ້າສູ່ລວງເລິກຢ່າງບໍ່ຢຸດຢັ້ງ. ທ່ານພົນໂທ Zhang Youxia ຢືນຢັນວ່າ ສອງຝ່າຍຈະສືບຕໍ່ຍືດໝັ້ນຄົງເສັ້ນທາງເຊິ່ງການນຳຂັ້ນສູງສອງພັກ, ສອງລັດໄດ້ກຳນົດ; ພ້ອມທັງສືບຕໍ່ເພີ່ມທະວີການຮ່ວມມືໃນທຸກຂົງເຂດແນໃສ່ສ້າງປະຊາຄົມແບ່ງປັນອະນາຄົດ ຫວຽດນາມ-ຈີນ ໃຫ້ມີຄວາມໝາຍຍຸດທະສາດເພື່ອຜົນປະໂຫຍດຂອງປະຊາຊົນສອງປະເທດ.

ໂດຍ: ເຈິ່ນຮວ່ຽນ