ທ່ານນາງຮອງປະທານປະເທດ ຫວໍ້ທິແອງຊວນ ເຂົ້າຮ່ວມເວທີປາໄສວິສາຫະກິດນັກຮົບເກົ່າອາຊຽນ ຄັ້ງທີ 1

ເຫດການໂດຍສະມາຄົມນັກຮົບເກົ່າຫວຽດນາມ ແລະສະມາຄົມວິສາຫະກິດນັກທຸລະກິດນັກຮົບເກົ່າຫວຽດນາມ ສົມທົບກັບສະຫະພັນນັກຮົບເກົ່າສິງກະໂປ ຈັດຕັ້ງດ້ວຍການເຂົ້າຮ່ວມຂອງຜູ້ແທນເກືອບ 200 ຄົນທີ່ມາຈາກ 10 ປະເທດອາຊຽນ. ເວທີປາໄສແນໃສ່ສ້າງກາລະໂອກາດໃຫ້ບັນດາຜູ້ແທນໄດ້ພົບປະ, ແລກປ່ຽນຄວາມຄິດຄວາມເຫັນ ແລະສ້າງຮູບແບບດຳເນີນທຸລະກິດແບບຍືນຍົງໃຫ້ບັນດານັກຮົບເກົ່າໃນພາກພື້ນ.

ທ່ານນາງ ຫວໍ້ທິແອງຊວນ ຮອງປະທານປະເທດຫວຽດນາມ ກ່າວຄຳເຫັນທີ່ເວທີປາໄສ. ພາບ: ສໍານັກຂ່າວສານຫວຽດນາມ

ເຂົ້າຮ່ວມ ແລະກ່າວຄຳເຫັນທີ່ເວທີປາໄສ, ທ່ານນາງ ຫວໍ້ທິແອງຊວນ ຮອງປະທານປະເທດຫວຽດນາມ ຖືວ່າ ການພັດທະນາຂອງການປະຕິວັດອຸດສາຫະກຳ ຄັ້ງທີ 4, ພ້ອມກັບບັນດາທ່າອ່ຽງຫັນເປັນດີຈີຕອນ, ຫັນເປັນສີຂຽວ, ການປົກປັກຮັກສາສິ່ງແວດລ້ອມ, ການຮັບມືກັບການປ່ຽນແປງຂອງດິນຟ້າອາກາດ… ພວມວາງອອກຄວາມຮຽກຮ້ອງໃໝ່ໃຫ້ປະຊາຄົມວິສາຫະກິດອາຊຽນ: “ຫວັງວ່າດ້ວຍຄວາມຕັດສິນໃຈ ແລະເຈດຈຳນົງກ້າແກ່ນຂອງບັນດາທະຫານໃນເມື່ອກ່ອນ; ດ້ວຍນໍ້າໃຈເພື່ອນຮ່ວມກົມກອງ, ສາມັກຄີ ແລະເລີ່ມທຸລະກິດຢ່າງແຮງ, ບັນດາວິສາຫະກິດນັກຮົບເກົ່າຈະຫັນວິທິການແລກປ່ຽນ, ການເຊື່ອມຕໍ່ເປັນຫຼາຍຮູບຫຼາຍແບບ, ຮ່ວມມືຢ່າງມີປະສິດທິຜົນ, ສອດຄ່ອງກັບເປົ້າໝາຍ, ຍຸດທະສາດພັດທະນາ, ສ້າງຫຼາຍຄຸນຄ່າດ້ານເສດຖະກິດ-ສັງຄົມ, ບໍ່ພຽງແຕ່ໃຫ້ວິສາຫະກິດເທົ່ານັ້ນ, ຫາກຍັງໃຫ້ປະຊາຊົນ ແລະປະຊາຄົມອີກດ້ວຍ. ອີກເທື່ອໜຶ່ງ, ຫວຽດນາມ ໃຫ້ຄຳໝັ້ນສັນຍາຈະສືບຕໍ່ສ້າງເງື່ອນໄຂສະດວກເພື່ອຊຸກຍູ້ການຮ່ວມມືລະຫວ່າງວິສາຫະກິດ, ນັກທຸລະກິດນັກຮົບເກົ່າອາຊຽນ, ປະກອບສ່ວນເຂົ້າໃນຄວາມມານະພະຍາຍາມລວມ ແນໃສ່ສ້າງປະຊາຄົມອາຊຽນສາມັກຄີ, ສ້າງຄວາມເຂັ້ມແຂງດ້ວຍຕົນເອງ ແລະພັດທະນາແບບຍືນຍົງ”.

ໂດຍ: ເຈິ່ນຮວ່ຽນ