ນາຍົກລັດຖະມົນຕີ ຟ້າມມິງຈິ໊ງ ຕ້ອນຮັບຜູ້ອຳນວຍການຝ່າຍບໍລິຫານກຸ່ມບໍລິສັດ Apple Tim Cook
ກປ.ອອນໄລ - ຕອນເຊົ້າວັນທີ 16 ເມສາ, ຢູ່ສໍານັກງານນາຍົກລັດຖະມົນຕີ, ທ່ານ ຟ້າມມິງຈິ໊ງ ນາຍົກລັດຖະມົນຕີຫວຽດນາມ ໄດ້ໃຫ້ການຕ້ອນຮັບທ່ານ Tim Cook ຜູ້ອຳນວຍການຝ່າຍບໍລິຫານກຸ່ມບໍລິສັດ Apple (ອາເມລິກາ) ພວມຢູ່ຢ້ຽມຢາມ ແລະເຮັດວຽກຢູ່ ຫວຽດນາມ. ນີ້ແມ່ນຄັ້ງທຳອິດທີ່ທ່ານ Tim Cook ມາ ຫວຽດນາມ.
ຊົມເຊີຍທ່ານຜູ້ອຳນວຍການຝ່າຍບໍລິຫານຂອງ Apple ມາຫວຽດນາມ ເປັນຄັ້ງທຳອິດ, ທ່ານນາຍົກລັດຖະມົນຕີຫວຽດນາມ ຟ້າມມິງຈິ໊ງ ຕີລາຄາສູງຕໍ່ການປະກອບສ່ວນສຳຄັນຂອງ Apple ເຂົ້າໃນການພັດທະນາຂອງຫວຽດນາມ, ໃນນັ້ນມີເລື່ອງນໍາ ຫວຽດນາມ ເຂົ້າສູ່ລະບົບສະໜອງທົ່ວໂລກ ຂອງ Apple ໃຫ້ເລິກເຊິ່ງກວ່າອີກ.
|
|
ທ່ານ ຟ້າມມິງຈິ໊ງ ນາຍົກລັດຖະມົນຕີຫວຽດນາມ ຕ້ອນຮັບທ່ານ Tim Cook ຜູ້ອຳນວຍການຝ່າຍບໍລິຫານກຸ່ມບໍລິສັດ Apple (ອາເມລິກາ). ພາບ: ສໍານັກຂ່າວສານຫວຽດນາມ |
ທ່ານນາຍົກລັດຖະມົນຕີ ສະເໜີໃຫ້ Apple ດ້ວຍບົດບາດຂອງຕົນມີທັດສະນະສະໜັບສະໜູນ, ປະກອບສ່ວນຊຸກຍູ້ລັດຖະບານ ແລະສະພາແຫ່ງຊາດອາເມລິກາ ຮັບຮອງເອົາລະບຽບການດ້ານເສດຖະກິດການຕະຫຼາດຂອງຫວຽດນາມ ແລະນຳເອົາ ຫວຽດນາມ ອອກຈາກບັນຊີລາຍຊື່ບັນດາປະເທດຖືກຈຳກັດການສົ່ງອອກເຕັກໂນໂລຢີສູງຂອງ ອາເມລິກາ ໂດຍໄວ. ທ່ານນາຍົກລັດຖະມົນຕີ ປາດຖະໜາວ່າ Apple ຈະເປີດກວ້າງການຮ່ວມມືລົງທຶນກັບຫວຽດນາມ, ຊ່ວຍຫວຽດນາມ ເຂົ້າຮ່ວມລະບົບການຜະລິດ, ລະບົບສະໜອງ ແລະລະບົບມູນຄ່າຂອງ Apple, ຂອງ ອາເມລິກາ ແລະທົ່ວໂລກຢ່າງເລິກເຊິ່ງກວ່າອີກ.
ສ່ວນທ່ານຜູ້ອຳນວຍການຝ່າຍບໍລິຫານກຸ່ມບໍລິສັດ Apple Tim Cook ໃຫ້ຮູ້ວ່າ Apple ພ້ອມແລ້ວທີ່ຈະຊຸກຍູ້ການລົງທຶນ, ເປີດກວ້າງການເຄື່ອນໄຫວຢູ່ ຫວຽດນາມ ຄືດັ່ງຄຳສະເໜີຂອງທ່ານນາຍົກລັດຖະມົນຕີ; ທ່ານປາດຖະໜາຢາກພັດທະນາບັນດາຜະລິດເຕັກໂນໂລຢີສູງ, ພັດທະນາບັນດາແອັບຟີເຄຊັ່ນ ເພື່ອເຂົ້າຮ່ວມ App Store ຂອງ Apple ນໍາຜະລິດຕະພັນຂອງຫວຽດນາມ ບໍ່ພຽງແຕ່ຕອບສະໜອງຄວາມຕ້ອງການພາຍໃນປະເທດເທົ່ານັ້ນ ຫາກຍັງແຜ່ຂະຫຍາຍໄປທົ່ວໂລກອີກດ້ວຍ.
ທ່ານ Tim Cook ກໍ່ໃຫ້ຮູ້ວ່າ Apple ພ້ອມແລ້ວທີ່ຈະຮ່ວມມືກັບຫວຽດນາມ ໃນການຫັນປ່ຽນພະລັງງານ, ຫຼຸດຜ່ອນການປ່ອຍອາຍພິດເຮືອນແກ້ວລົງເປັນ 0 ໃນປີ 2050; ເຂົ້າຮ່ວມການສົ່ງອອກບັນດາຄຸນຄ່າວັດທະນະທຳ, ໂຄສະນາວັດທະນະທຳຂອງຫວຽດນາມ ອອກສູ່ໂລກ.
ໂດຍ: ທະນາພອນ