ລາຍການສະແດງສິລະປະ “ດາວເອກະລາດ” ເຊີດຊູມານະຈິດອົງອາດກ້າແກ່ນຂອງຊາດຫວຽດນາມ
ໂດຍສະເຫຼີມສະຫຼອງ 78 ປີແຫ່ງການປະຕິວັດເດືອນສິງຫາ (19/8/1945 - 19/8/2023) ແລະວັນຊາດຫວຽດນາມ (2/9/1945 - 2/9/2023), ຕອນຄ່ຳວັນທີ 1 ກັນຍາ, ຢູ່ຮ່າໂນ້ຍ, ຄະນະບັນນາທິການວາລະສານຄອມມູນິດ, ຄະນະພັກນະຄອນ, ສະພາປະຊາຊົນ, ຄະນະກຳມະການປະຊາຊົນນະຄອນ ຮ່າໂນ້ຍ, ຄະນະບັນນາທິການໜັງສືພິມປະຊາຊົນ ໄດ້ຈັດລາຍການສະແດງສິລະປະດ້ວຍຫົວຂໍ້ “ດາວເອກະລາດ”.
ເຂົ້າຮ່ວມລາຍການມີທ່ານ ຫງວຽນຈ້ອງເຫງັຍ ເລຂາທິການສູນກາງພັກ, ຫົວໜ້າຄະນະໂຄສະນາສຶກສາສູນກາງ, ການນຳບັນດາຄະນະ, ກະຊວງ, ຂະແໜງການຂອງສູນກາງ, ທ້ອງຖິ່ນ ແລະນັກປະຕິວັດອາວຸໂສ.
    |
 |
ຜູ້ແທນເຂົ້າຮ່ວມລາຍການສະແດງສິລະປະ “ດາວເອກະລາດ”. ພາບ:nhandan.vn
|
“ດາວເອກະລາດ” ແມ່ນລາຍການຖືກຈັດຂຶ້ນເປັນປະຈຳ ດ້ວຍການສະແດງບັນດາລາຍການທີ່ເປັນເອກະລັກສະເພາະ, ສະແດງບັນດາຄຸນຄ່າອັນດີງາມດ້ານວັດທະນະທຳ, ປະຫວັດສາດກ່ຽວກັບນ້ຳໃຈຮັກຊາດ, ມານະຈິດອົງອາດກ້າແກ່ນຂອງປະຊາຊົນຫວຽດນາມ ຫຼາຍລຸ້ນຄົນໃນການຕໍ່ສູ້, ສ້າງສາ ແລະປົກປັກຮັກສາພື້ນຖານເອກະລາດຂອງຊາດ. “ດາວເອກະລາດ” ປີ 2023 ມີຫຼາຍຈຸດໃໝ່ອ່ຽມ, ປະດິດຄິດສ້າງ, ປະສານສົມທົບລະຫວ່າງປັດໃຈສິລະປະ ແລະມີຄວາມໝາຍດ້ານການເມືອງໄດ້ຢ່າງກົມກຽວ, ສ່ອງແສງສະພາບການຂອງປະເທດໃນຕະຫຼອດ 78 ປີທີ່ມີເອກະລາດ, ເປັນເຈົ້າຕົນເອງ ແລະຢຶດໝັ້ນເດີນຕາມເສັ້ນທາງສັງຄົມນິຍົມນັບແຕ່ການປະຕິວັດເດືອນສິງຫາ ແລະວັນຊາດ ທີ 2 ກັນຍາ 1945. ລາຍການໄດ້ສະແດງໃຫ້ເຫັນເປົ້າໝາຍ, ການກຳນົດທິດທາງ, ຄວາມປາດຖະໜາຂອງທ່ານເລຂາທິການໃຫຍ່ ຫງວຽນຝູຈ້ອງ ແລະສູນກາງພັກ ໃນຊຸມເດືອນຈະມາເຖິງ ແລະ ໃນຫຼາຍປີຕໍ່ໜ້າ ເພື່ອແນໃສ່ນຳປະເທດຍາດໄດ້ຜົນງານໃໝ່ໃນພາລະກິດແຫ່ງການເຊື່ອມໂຍງ ແລະພັດທະນາ.
ຂ່າວ: ວິທະຍຸກະຈາຍສຽງຫວຽດນາມ