ສະຫາຍ ຫງວຽນຊວນຟຸກ ຮັບຕຳແໜ່ງເປັນປະທານປະເທດ ອາຍຸການ 2021-2026

26 ກໍລະກົດ 2021 17:6

ກປ.ອອນໄລ - ຕອນເຊົ້າວັນທີ 26 ກໍລະກົດ, ສະມາຊິກສະພາແຫ່ງຊາດທີ່ມີໜ້າ 100% ໄດ້ລົງຄະແນນສຽງສະໜັບສະໜູນ, ສະພາແຫ່ງຊາດໄດ້ຮັບຮອງເອົາມະຕິວ່າດ້ວຍການເລືອກຕັ້ງສະຫາຍ ຫງວຽນຊວນຟຸກ, ກຳມະການກົມການເມືອງ ຊຸດທີ XIII, ປະທານປະເທດ ອາຍຸການ 2016-2021, ສະມາຊິກສະພາແຫ່ງຊາດຊຸດທີ XV ໃຫ້ດຳລົງຕຳແໜ່ງເປັນປະທານປະເທດແຫ່ງ ສາທາລະນະລັດ ສັງຄົມນິຍົມ ຫວຽດນາມ ອາຍຸການ 2021-2026.

ພາຍຫຼັງມະຕິໄດ້ຮັບຮອງເອົາ, ທ່ານປະທານປະເທດ ຫງວຽນຊວນຟຸກ ໄດ້ດຳເນີນພິທີສາບານຕົວດໍາລົງຕຳແໜ່ງ. ຕໍ່ໜ້າທຸງແດງດາວເຫຼືອງທີ່ສັກກະລະບູຊາຂອງປະເທດຊາດ, ຕໍ່ໜ້າສະພາແຫ່ງຊາດ, ພໍ່ແມ່ປະຊາຊົນ ແລະຜູ້ມີສິດເລືອກຕັ້ງທົ່ວປະເທດ, ທ່ານປະທານປະເທດ ຫງວຽນຊວນຟຸກ ໄດ້ປະຕິຍານຕົນວ່າ: ຈະຈົ່ງຮັກພັກດີຕໍ່ປະເທດຊາດ, ຕໍ່ປະຊາຊົນ ແລະລັດຖະທໍາມະນູນແຫ່ງ ສສ ຫວຽດນາມ ຢ່າງເດັດຂາດ; ມານະພະຍາຍາມປະຕິບັດສໍາເລັດໜ້າທີ່ ເຊິ່ງພັກ, ລັດ ແລະປະຊາຊົນມອບໝາຍໃຫ້ເປັນຢ່າງດີ”.