ນີ້ແມ່ນເຫດການວັດທະນະທໍາການເມືອງສໍາຄັນຂອງສະຫະປະຊາຊາດ ໄດ້ຈັດຕັ້ງປະຈໍາປີ ແລະເປັນຄັ້ງທີ 3 ທີ່ຫວຽດນາມ ເປັນເຈົ້າພາບຈັດຕັ້ງ. ເຂົ້າຮ່ວມງານບຸນວິສາຂະບູຊາ Vesak ປີນີ້ມີປະມຸກລັດຫຼາຍຄົນ ພ້ອມກັບພະສົງສຳມະເນນ, ການນໍາບັນດາສະມາຄົມພຸດທະສາສະໜາ, ບັນດານັກຄົ້ນຄວ້າ, ນັກຮຽນຮູ້ດ້ານພຸດທະສາສະໜາໃນໂລກ.
ໃນວັນໄຂງານບຸນດັ່ງກ່າວ, ຢູ່ສະຖານທີ່ຂອງວັດຕາມຈຸກ, ມີພໍ່ແມ່ປະຊາຊົນ, ພຸດທະສາສະນິກະຊົນນັບໝື່ນຄົນໄດ້ເຂົ້າຮ່ວມພິທີກຳຫົດສົງພະ ແລະການເຄື່ອນໄຫວວັດທະນະທໍາຄວາມເຫຼື້ອມໃສຫຼາຍຢ່າງ ໂດຍຄະນະວັດທະນະທໍາສູນກາງສະມາຄົມພຸດທະສາສະໜາຫວຽດນາມ ປະຕິບັດ.
ງານບຸນວິສາຂະບູຊາ Vesak ສະຫະປະຊາຊາດ 2019 ດໍາເນີນໃນລະຫວ່າງວັນທີ 12-14 ພຶດສະພາ ດ້ວຍຫຼາຍເວທີປາໄສ, ກອງປະຊຸມສໍາມະນາ ໄດ້ມີບົດປະກອບຄໍາເຫັນນັບຮ້ອຍບົດຂອງບັນດາພະສົງສຳມະເນນ, ນັກຮຽນຮູ້ໃນໂລກທີ່ປຶກສາຫາລືກ່ຽວກັບມາດຕະການຂອງພຸດທະສາສະໜາ ປະກອບສ່ວນເຂົ້າໃນເປົ້າໝາຍພັດທະນາແບບຍືນຍົງຂອງສະຫະປະຊາຊາດ.
ໂດຍ: ທູຈາງ
Type the code from the image