ເປີດນໍາໃຊ້ຫໍເກັບມ້ຽນອັດຖິຂອງທະຫານອາສາສະໝັກຫວຽດນາມ ແລະເຮືອນພັກກອງ 589
ຫວ່າງມໍ່ໆນີ້ກອງບັນຊາການທະຫານແຂວງຄຳມ່ວນ ສປປ ລາວ ແລະກອງບັນຊາການທະຫານແຂວງກວາງບິ່ງ ສສ ຫວຽດນາມ ໄດ້ຈັດພິທີເປີດນຳໃຊ້ຫໍເກັບມ້ຽນອັດຖິຂອງທະຫານອາສາສະໝັກ ແລະ ຊ່ຽວຊານຫວຽດນາມທີ່ເສຍສະຫຼະຊີວິດໃນປາງສົງຄາມຢູ່ລາວ ແລະ ເຮືອນພັກຂອງຄະນະປະຕິບັດງານພິເສດກອງ 589 ກອງບັນ ຊາການທະຫານແຂວງກວາງບິ່ງ.
|
|
ພິທີເປີດນໍາໃຊ້ຫໍເກັບມ້ຽນອັດຖິຂອງທະຫານອາສາສະໝັກຫວຽດນາມ ແລະເຮືອນພັກກອງ 589. ພາບ: baoquankhu4.com.vn. |
ເຂົ້າຮ່ວມໃນພິທີດັ່ງກ່າວຝ່າຍລາວນຳໂດຍ ສະຫາຍ ສົມໃຈ ເພັດສີນວນ ຮອງເລຂາພັກແຂວງ, ຮອງເຈົ້າແຂວງໆຄຳມ່ວນປະທານສະພາປະຊາຊົນແຂວງ, ສະຫາຍພົນຈັດຕະວາ ສົມແຄນ ອັບປະສອນ ກຳມະການຄະນະປະຈຳພັກແຂວງ ເລຂາຄະນະພັກ ຫົວໜ້າການເມືອງກອງບັນຊາການທະຫານແຂວງ ຄຳມ່ວນ. ຝ່າຍຫວຽດນາມນຳ ໂດຍສະຫາຍ ພັນເອກພິເສດ ຫວຽນວັນມານ ກຳມະການຄະນະປະຈຳພັກແຂວງ ຫົວໜ້າການທະຫານກອງບັນຊາການທະຫານແຂວງກວາງບິ່ງ. ມີຄະນະນຳ ແລະ ພະນັກງານກ່ຽວຂ້ອງຂອງທັງສອງຝ່າຍເຂົ້າຮ່ວມ. ໃນພິທີສະຫາຍພັນເອກພິເສດ ຫວຽນວັນມານ ໄດ້ຂຶ້ນຜ່ານບົດລາຍ ງານຜົນສຳເລັດໂຄ່ງການກໍ່ສ້າງຫໍເກັບມ້ຽນອັດຖິຂອງທະຫານອາສາສະໝັກ ແລະຊ່ຽວຊານຫວຽດນາມທີ່ເສຍສະຫຼະຊີວິດໃນປາງສົງຄາມຢູ່ລາວ ເຊິ່ງຕັ້ງຢູ່ບ້ານໂພສີທ່າ ເມືອງທ່າແຂກ ແຂວງຄຳມ່ວນ ແລະເຮືອນພັກຂອງຄະນະປະຕິບັດງານພິເສດ ກອງ 589 ເຊິ່ງໂຄງການກໍ່ສ້າງດັ່ງກ່າວແມ່ນໄດ້ແບ່ງອອກເປັນ 2 ໄລຍະຄຶ : ໄລຍະທີ 1 ແມ່ນໄດ້ເລີ່ມກໍ່ສ້າງຫໍເກັບມ້ຽນອັດຖິ ແລະ ເຮືອນນອນຂອງພະນັກງານກອງ 589, ໄລຍະທີ 2 ແມ່ນໄດ້ກໍ່ສ້າງເຮືອນກິນເຂົ້າ, ເຮືອນຄົວ, ປະຕູໂຂງ, ຮົ້ວສຳນັກງານ, ເຮືອນຈອດລົດໃຫ່ຍ, ອ່າງເກັບນ້ຳ , ລະບົບນ້ຳບາດານ, ລະບົບໄຟຟ້າ, ຖົມພື້ນ ແລະປູເດີ່ນເບຕົງໃນເນື້ອທີ່ 3780 ຕາແມັດ ລວມມູນຄ່າການກໍ່ສ້າງທັງໝົດ 7.622 ລ້ານດົງ ສະກຸນເງິນ ຫວຽດນາມໂດຍແມ່ນທຶນຂອງລັດຖະບານ ກໍ່ຄືກອງບັນຊາການ ທະຫານແຂວງກວາງບິ່ງ 100%.
ໂດຍ: ແກ້ວອຸດອນ ຖົງບຸນທີ