ມອບຂອງຂວັນປີໃໝ່ ເກືອບ 450 ພູດໃຫ້ບັນດານັກສຶກສາລາວ, ກໍາປູເຈຍ, ໂມຊຳບິກ
ກປ.ອອນໄລ - ວັນທີ 23 ມັງກອນ, ເນື່ອງໃນໂອກາດບຸນປີໃໝ່ປະຈໍາຊາດປີກຸນ 2019, ຄະນະກໍາມະການປະຊາຊົນແຂວງທ໊າຍບິ່ງ ໄດ້ຈັດຕັ້ງການພົບປະ, ອວຍພອນປີໃໝ່ນັກສຶກສາລາວ, ກໍາປູເຈຍ, ໂມຊຳບິກ ທີ່ກໍາລັງຮໍ່າຮຽນຢູ່ແຂວງທ໊າຍບິ່ງ.
ທີ່ການພົບປະ, ແຂວງທ໊າຍບິ່ງ ໄດ້ມອບຂອງຂວັນປີໃໝ່ເກືອບ 450 ພູດໃຫ້ແກ່ນັກສຶກສາລາວ 281 ຄົນ, ນັກສຶກສາກໍາປູເຈຍ 163 ຄົນ ແລະນັກສຶກສາໂມຊຳບິກ 4 ຄົນ ທີ່ກໍາລັງຮໍ່າຮຽນຢູ່ມະຫາວິທະຍາໄລການແພດການຢາ ທ໊າຍບິ່ງ.
|
|
ທ່ານນາງ ຫງວຽນທິຫຼິງ, ຮອງປະທານຄະນະກໍາມະການປະຊາຊົນແຂວງທ໊າຍບິ່ງ ມອບຂອງຂວັນໃຫ້ແກ່ຜູ້ຕາງໜ້ານັກສຶກສາຕ່າງປະເທດ. ພາບ: ສໍານັກຂ່າວສານຫວຽດນາມ |
ກ່າວຄໍາເຫັນທີ່ການພົບປະ, ທ່ານນາງ ຫງວຽນທິຫຼິງ ຮອງປະທານຄະນະກໍາມະການປະຊາຊົນແຂວງທ໊າຍບິ່ງ ໄດ້ເນັ້ນໜັກວ່າ: ແຕ່ລະປີ, ເນື່ອງໃນໂອກາດບຸນປີໃໝ່ປະຈໍາຊາດ, ຄະນະກໍາມະການປະຊາຊົນແຂວງທ໊າຍບິ່ງ ເຄີຍຈັດຕັ້ງການພົບປະສັງສັນບັນດານັກສຶກສາຕ່າງປະເທດທີ່ກໍາລັງຮໍ່າຮຽນຢູ່ແຂວງຢ່າງສະໜິດສະໜົມ.
ນີ້ແມ່ນໂອກາດເພື່ອໃຫ້ບັນດານັກສຶກສາຕ່າງປະເທດ ມີເງື່ອນໄຂຮູ້ສຶກກ່ຽວກັບມູນເຊື້ອອັນດີງາມ, ອາລົມຈິດຂອງປະຊາຊົນຫວຽດນາມ ຢ່າງເລິກເຊິ່ງກວ່າອີກ, ພ້ອມກັນນັ້ນ, ປະກອບສ່ວນຍົກສູງນໍ້າໃຈສາມັກຄີມິດຕະພາບລະຫວ່າງລັດ ແລະປະຊາຊົນຫວຽດນາມກັບລັດ ແລະປະຊາຊົນປະເທດລາວ, ກໍາປູເຈຍ ແລະໂມຊຳບິກ.
ໂດຍ: ຫງວຽນຈາງ