ຍູ້ແຮງການຮ່ວມມືລະຫວ່າງບັນດາທ້ອງຖິ່ນຂອງຫວຽດນາມ ແລະລາວ
ກປ.ອອນໄລ - ຕອນບ່າຍວັນທີ 12 ຕຸລາ, ທີ່ສຳນັກງານສູນກາງພັກ, ທ່ານເຈິ່ນກວກເວື້ອງ, ກໍາມະການກົມການເມືອງ, ຜູ້ປະຈຳການຄະນະເລຂາທິການສູນກາງພັກ ໄດ້ໃຫ້ການຕ້ອນຮັບຄະນະຜູ້ແທນຂັ້ນສູງນະຄອນຫຼວງວຽງຈັນ (ລາວ) ໂດຍທ່ານ ສິນລາວົງ ຄຸດໄພທູນ, ກຳມະການກົມການເມືອງສູນກາງພັກ, ເລຂາພັກ, ເຈ້ົາຄອງນະຄອນຫຼວງວຽງຈັນ ນຳໜ້າ, ພວມມີການຢ້ຽມຢາມ ແລະເຮັດວຽກຢູ່ຫວຽດນາມ.
ທີ່ການຕ້ອນຮັບ, ທ່ານ ສິນລາວົງ ຄຸດໄພທູນ ຢືນຢັນວ່າ, ນະຄອນຫຼວງວຽງຈັນ ຈະສົມທົບກັບນະຄອນຫຼວງຮ່າໂນ້ຍ ແລະນະຄອນໂຮ່ຈິມິນ ແລະບັນ ດາທ້ອງຖິ່ນຂອງຫວຽດນາມ ຢ່າງແໜ້ນແຟ້ນເພື່ອສືບຕໍ່ຍູ້ແຮງ, ຍົກສູງປະສິດທິຜົນການຮ່ວມມື, ເພີ່ມທະວີການແລກປ່ຽນບົດຮຽນໃນທຸກຂົງເຂດ, ປະ ກອບສ່ວນປະຕິບັດບັນດາຂໍ້ຕົກລົງລະຫວ່າງການນຳຂັ້ນສູງສອງພັກ, ສອງລັດ ແລະຂໍ້ຕົກລົງການຮ່ວມມືລະຫວ່າງສອງນະຄອນຫຼວງຢ່າງມີປະສິດທິຜົນເພື່ອນຳສາຍພົວພັນມິດຕະພາບແບບພິເສດລາວ-ຫວຽດນາມ ໃຫ້ພັດທະນາຂຶ້ນສູ່ລະດັບສູງໃໝ່.
|
|
ບັນຍາກາດທີ່ການຕ້ອນຮັບ. ພາບ: vtv.vn. |
ທ່ານ ເຈິ່ນກວກເວື້ອງ ຕີລາຄາສູງກ່ຽວກັບຄວາມໝາຍ ແລະໝາກຜົນການຢ້ຽມຢາມຂອງຄະນະ ກໍ່ຄືຜົນການພົບປະເຈລະຈາລະຫວ່າງຄະນະຜູ້ແທນຂອງນະຄອນຫຼວງສອງປະເທດ;... ທ່ານ ເຈິ່ນກວກເວື້ອງ ປາດຖະໜາວ່າ, ໃນໄລຍະຈະມາເຖິງ, ນະຄອນຫຼວງວຽງຈັນ ຈະສືບຕໍ່ຮ່ວມມືກັບນະຄອນຫຼວງຮ່າໂນ້ຍ, ນະຄອນ ໂຮ່ຈິມິນ ແລະບັນດາທ້ອງຖິ່ນຂອງຫວຽດນາມ ໃນບັນດາຂົງເຂດເຊິ່ງສອງຝ່າຍມີທ່າແຮງ ຄື: ຮ່ວມມືດ້ານການສຶກສາ ແລະ ບຳລຸງສ້າງ, ພັດທະນາແຫຼ່ງຊັບພະຍາກອນມະນຸດ; ແລກປ່ຽນບົດຮຽນກ່ຽວກັບວຽກງານກໍ່ສ້າງພັກ; ຄຸ້ມຄອງເສດຖະກິດຢູ່ຂັ້ນທ້ອງຖິ່ນ; ເພີ່ມທະວີການຮ່ວມມືເສດຖະກິດ, ໂດຍສະເພາະແມ່ນການລົງທຶນ ແລະການຄ້າ; ກໍ່ສ້າງພື້ນຖານໂຄງລ່າງ; ແບ່ງປັນບົດຮຽນໃນຂົງເຂດກະສິກຳເຕັກໂນໂລຊີສູງ...
ໂດຍ: ສົມເພັດ