ຄະນະພະນັກງານກອງທັບປະຊາຊົນລາວ ຢ້ຽມຢາມ ແລະເຮັດວຽກຢູ່ກອງບັນຊາການທະຫານເມືອງອຽນບິ່ງ
ກປ.ອອນໄລ - ຫວ່າງແລ້ວນີ້, ຄະນະພະນັກງານກອງພົນ 2, ກອງພົນ 3 ໂຮງຮຽນນາຍສິບເລກ 1 ແລະກອງບັນຊາການທະຫານບັນດາແຂວງພາກເໜືອລາວ ໂດຍທ່ານພັນເອກ ພັນແສງ ບຸນພັນ ຫົວໜ້າການເມືອງກອງພົນທີ 2 ເປັນຫົວໜ້າຄະນະໄດ້ມາຢ້ຽມຢາມ ແລະເຮັດວຽກຢູ່ກອງບັນຊາການທະຫານເມືອງອຽນບິ່ງ, ແຂວງອຽນບາຍ; ເຂົ້າຮ່ວມການເຮັດວຽກມີຜູ້ແທນມາຈາກທະຫານເຂດ 2, ການນໍາພະແນກພົວພັນຕ່າງປະເທດແຂວງອຽນບາຍ, ເມືອງອຽນບິ່ງ ແລະກອງບັນຊາການທະຫານແຂວງ.
    |
 |
|
ການນໍາພະແນກພົວພັນຕ່າງປະເທດແຂວງ, ກອງບັນຊາການທະຫານແຂວງ, ເມືອງອຽນບິ່ງ ແລະກອງບັນຊາການທະຫານເມືອງຕ້ອນຮັບຄະນະ. ພາບ: ແທງນໍາ. |
ທີ່ການເຮັດວຽກກັບກອງບັນຊາການທະຫານເມືອງອຽນບິ່ງ, ການນໍາ ເມືອງອຽນບິ່ງ ແລະກອງບັນຊາການທະຫານເມືອງໄດ້ແຈ້ງໃຫ້ຄະນະຮັບຊາບກ່ຽວກັບສະພາບການເສດຖະກິດ, ວັດທະນະທໍາ, ສັງຄົມ, ການປ້ອງກັນຊາດ, ປ້ອງກັນຄວາມສະຫງົບ ແລະຄວາມສາມາດບົ່ມຊ້ອນ, ທ່າແຮງຂອງເມືອງ... ພິເສດແມ່ນໃນປີ 2018; ໃນນັ້ນສະຫຼຸບກາງອາຍຸການເຊິ່ງເມືອງໄດ້ສໍາເລັດ 13/24 ຄາດໝາຍພັດທະນາເສດຖະກິດ, ວັດທະນະທໍາອາຍຸການ 2015-2020, ສູ້ຊົນລື່ນກາຍຄາດໝາຍແຜນການທີ່ໄດ້ວາງອອກ, ກໍ່ສ້າງເມືອງອຽນບິ່ງ ກາຍເປັນເມືອງພັດທະນາທີ່ດີຂອງແຂວງອຽນບາຍ.
|
|
 |
|
ທ່ານ ຫງວຽນຢຸງຢາງ, ຮອງເລຂາຜູ້ປະຈໍາການຄະນະພັກເມືອງອຽນບິ່ງ ແລກປ່ຽນກັບຄະນະປະຕິບັດງານ. ພາບ: ແທງນໍາ. |
ຕາງໜ້າຄະນະປະຕິບັດງານ, ທ່ານພັນເອກ ພັນແສງ ບຸນພັນ ໄດ້ກ່າວຄໍາເຫັນຂອບອົກຂອບໃຈຕໍ່ການຕ້ອນຮັບຢ່າງສົມກຽດດ້ວຍຄວາມຈິງໃຈ, ອົບອຸ່ນເຊິ່ງການນໍາເມືອງ ແລະພະນັກງານ, ນັກຮົບກອງບັນຊາການທະຫານເມືອງອຽນບິ່ງ; ການນໍາພະແນກພົວພັນຕ່າງປະເທດ ແລະກອງບັນຊາການທະຫານແຂວງອຽນບາຍ ໄດ້ສະຫງວນໃຫ້ຄະນະ; ພ້ອມທັງອວຍພອນ ແລະຕີລາຄາສູງບັນດາໝາກຜົນທີ່ບັນລຸໄດ້ໃນວຽກງານຊີ້ນໍາ, ນໍາພາປະຕິບັດໜ້າທີ່ພັດທະນາເສດຖະກິດ, ສັງຄົມ, ການທະຫານ-ປ້ອງກັນຊາດຂອງເມືອງອຽນບິ່ງ, ແຂວງອຽນບາຍ ແລະປາດຖະໜາວ່າ ສາຍພົວພັນທີ່ເປັນມູນເຊື້ອພິເສດລະຫວ່າງສອງພັກ, ສອງລັດ, ກອງທັບ ແລະປະຊາຊົນສອງປະເທດ ຫວຽດນາມ-ລາວ ຈະຂຽວສົດງົດງາມ, ໝັ້ນຄົງຂະໜົງແກ່ນໄປຊົ່ວກາລະນານ.
ໂດຍ: ໄຊນິດາ