ສປປ.ລາວ ມອບຫຼຽນໄຊມິດຕະພາບໃຫ້ແກ່ຄະນະກຳມະການປະຊາຊົນ ແລະຕຳຫຼວດແຂວງ ດ້ຽນບຽນ
ກປ.ອອນໄລ - ວັນທີ 23 ພຶດສະພາ, ທີ່ນະຄອນ ດ້ຽນບຽນຝູ, ແຂວງ ດ້ຽນບຽນ, ຄະນະກຳມະການປະຊາຊົນແຂວງ ດ້ຽນບຽນ ໄດ້ຈັດຕັ້ງພິທີຮັບຫຼຽນໄຊມິດຕະພາບຈາກສາທາລະນະລັດ ປະຊາທິປະໄຕ ປະຊາຊົນລາວ ມອບໃຫ້ແກ່ຄະນະກຳມະການປະຊາຊົນແຂວງ ດ້ຽນບຽນ ແລະຫຼຽນໄຊແຮງງານຊັ້ນ III ໃຫ້ແກ່ຕຳຫຼວດແຂວງ ດ້ຽນບຽນ.
ທີ່ພິທີ, ທ່ານ ເພັດຖາວອນ ພິລາວັນ, ກຳມະການສູນກາງພັກ, ເລຂາພັກແຂວງ, ເຈົ້າແຂວງໆ ຫຼວງນ້ຳທາ ໄດ້ຮັບມອບສິດຈາກທ່ານປະທານປະເທດ ແຫ່ງ ສປປ.ລາວ ມອບຫຼຽນໄຊມິດຕະພາບໃຫ້ແກ່ຄະນະກຳມະການປະຊາຊົນແຂວງ ດ້ຽນບຽນ ແລະຫຼຽນໄຊແຮງງານຊັ້ນ III ໃຫ້ແກ່ຕຳຫຼວດແຂວງ ດ້ຽນບຽນ.
|
|
ທ່ານ ເພັດຖາວອນ ພິລາວັນ ເຈົ້າແຂວງໆ ຫຼວງນ້ຳທາ ມອບຫຼຽນໄຊມິດຕະພາບໃຫ້ແກ່ຄະນະກຳມະການປະຊາຊົນແຂວງ ດ້ຽນບຽນ. ພາບ: ສຳນັກຂ່າວສານຫວຽດນາມ. |
ທ່ານ ເພັດຖາວອນ ພິລາວັນ ເນັ້ນໜັກວ່າ: ໃນໄລຍະຕໍ່ສູ້ກູ້ຊາດຂອງ ລາວ, ແຂວງ ດ້ຽນບຽນ ແມ່ນຖານທີ່ໝັ້ນແຫ່ງໜຶ່ງໃຫ້ແກ່ການປະຕິວັດລາວ. ກຳລັງທະຫານອາສາສະໝັກຫວຽດນາມ ໄດ້ມີຫຼາຍກອງພັນເຂົ້າຮ່ວມບັ້ນຮົບປົດປ່ອຍບັນດາແຂວງຢູ່ທາງພາກເໜືອຂອງ ລາວ, ພິເສດແມ່ນບັ້ນຮົບປົດປ່ອຍແຂວງ ຫຼວງນ້ຳທາ ໃນປີ 1962. ໃນໄລຍະປົກປັກຮັກສາ ແລະສ້າງສາປະເທດຊາດ, ແຂວງ ດ້ຽນບຽນ ຍັງສືບຕໍ່ຮ່ວມມື ແລະໜູນຊ່ວຍແຂວງ ຫຼວງນ້ຳທາ ຄື: ການຮ່ວມມືໃນຂົງເຂດການຄ້າ, ການບໍລິການ, ການທ່ອງທ່ຽວ, ວັດທະນະທຳພື້ນເມືອງ; ໜູນຊ່ວຍແຂວງ ຫຼວງນ້ຳທາ ໃນຫຼາຍຂົງເຂດວັດທະນະທຳ-ສັງຄົມ, ກະສິກຳ ແລະປ່າໄມ້, ການປ້ອງກັນຊາດ-ປ້ອງກັນຄວາມສະຫງົບ ແລະການບຳລຸງສ້າງແຫຼ່ງຊັບພະຍາກອນມະນຸດ. ນອກຈາກນັ້ນ, ຕຳຫຼວດແຂວງ ດ້ຽນບຽນ ກໍ່ໄດ້ໜູນຊ່ວຍແຂວງ ຫຼວງນ້ຳທາ ຈຳນວນເງິນ 300.000 ກວ່າ ໂດລາສະຫະລັດ ເພື່ອພັດທະນາດ້ານເສດຖະກິດ-ສັງຄົມ...
ກ່າວຄຳເຫັນທີ່ພິທີ, ທ່ານ ມົ່ວອາເຊີນ ປະທານຄະນະກຳມະການປະຊາຊົນແຂວງ ດ້ຽນບຽນ ໄດ້ສະແດງຄວາມຂອບອົກຂອບໃຈຕໍ່ການຮັບຮູ້, ຕີລາຄາສູງຂອງອົງຄະນະພັກ, ອຳນາດການປົກຄອງ, ປະຊາຊົນປະເທດ ສາທາລະນະລັດ ປະຊາທິປະໄຕ ປະຊາຊົນລາວ ແລະແຂວງ ຫຼວງນ້ຳທາ ສຳລັບແຂວງ ດ້ຽນບຽນ ເວົ້າລວມ, ຕຳຫຼວດແຂວງ ດ້ຽນບຽນ ເວົ້າສະເພາະ; ພ້ອມທັງປາດຖະໜາວ່າໃນໄລຍະຈະມາເຖິງສອງພັກ, ລັດ ລາວ-ຫວຽດນາມ ເວົ້າລວມ; ສາຍພົວພັນຮ່ວມມືລະຫວ່າງແຂວງ ຫຼວງນ້ຳທາ ແລະແຂວງ ດ້ຽນບຽນ ເວົ້າສະເພາະຈະສືບຕໍ່ເພີ່ມທະວີ, ປັບປຸງ ແລະພັດທະນາກວ່າອີກ, ຮັດແໜ້ນນ້ຳໃຈສາມັກຄີມິດຕະພາບລະຫວ່າງສອງປະເທດ.
ແປໂດຍ: ກວຽດເຕີມ