ຝຶກຊ້ອມປົກປັກຮັກສາເຂດນ່ານຟ້າ

ກປ.ອອນໄລ - ເຫຼົ່າທັບປ້ອງກັນອາກາດ-ທະຫານອາກາດ ຫາກໍ່ຈັດຕັ້ງການຝຶກຊ້ອມບັນຊາ-ເສນາ ສອງຂັ້ນຝ່າຍດຽວເທິງແຜນທີ່, ພ້ອມກັບກຳລັງສ່ວນໜຶ່ງຢູ່ເຂດພາກໃຕ້ໃນປີ 2022.

ໃນການຝຶກຊ້ອມ, ບັນດາກົມກອງເຂົ້າຮ່ວມໄດ້ປະຕິບັດເນື້ອໃນບັນດາໄລຍະສູ້ຮົບຢ່າງຄົບຖ້ວນ. ໃນໄລຍະຕົ້ນ, ບັນດາກອງພົນໄດ້ສຸມໃສ່ປະຕິບັດໜ້າທີ່ເຄື່ອນຍ້າຍ, ອອກນອກເມືອງຮັບປະກັນຄວາມລັບ, ຄວາມປອດໄພ; ຈັດຕັ້ງກອງປະຊຸມຄະນະພັກທຸກຂັ້ນ ເພື່ອຮັບຮອງເອົາແຜນການສູ້ຮົບຂອງຜູ້ບັນຊາ; ກໍ່ສ້າງ ແລະລາຍງານ, ຮັບຮອງເອົາເອກະສານ, ແຜນການບັນດາຂະແໜງການສະເພາະ; ຈັດຕັ້ງກອງປະຊຸມປະສານສົມທົບກັນບຸກໂຈມຕີສັດຕູທາງອາກາດດ້ວຍກຳລັງໄຟ.

ໃນໄລຍະປະຕິບັດການສູ້ຮົບ, ບັນດາກົມກອງຈັດຕັ້ງການປະສານສົມທົບກັບສູນບັນຊາການສູ້ຮົບຕ້ານສັດຕູ, ປົກປ້ອງບັນດາເປົ້າໝາຍທີ່ໄດ້ຮັບມອບໝາຍຕາມແຜນການສູ້ຮົບ. ພາຍຫຼັງປະຕິບັດສຳເລັດໜ້າທີ່ສູ້ຮົບ, ຄະນະພັກບັນດາກົມກອງຈັດຕັ້ງກອງປະຊຸມນຳພາຟື້ນຟູກຳລັງແຮງສູ້ຮົບ, ຈັດຕັ້ງການເຄື່ອນຍ້າຍກໍາລັງ, ພາຫະນະກັບຄືນບ່ອນຕັ້ງທັບເປັນປົກກະຕິ, ຮັບປະກັນຄວາມປອດໄພຢ່າງເດັດຂາດ.

ໂດຍ: ເຈິ່ນຮວ່ຽນ