ພາບສາລະຄະດີ

ບັນດາກິດຈະກຳພົບປະແລກປ່ຽນລະຫວ່າງທະຫານເຮືອຫວຽດນາມ ແລະຈີນ ດໍາເນີນຢ່າງຟົດຟື້ນ

18 ມີນາ 2026 20:37

ກປ.ອອນໄລ - ໃນການຢ້ຽມຢາມຈີນ ເພື່ອເຂົ້າຮ່ວມກິດຈະກຳໃນຂອບເຂດງານພົບປະແລກປ່ຽນມິດຕະພາບປ້ອງກັນຊາດເຂດຊາຍແດນຫວຽດນາມ-ຈີນ ຄັ້ງທີ 10, ບັນດານາຍທະຫານ, ລູກເຮືອຂອງກອງກໍາປັ່ນ 015-ເຈິ່ນຮືງດ້າວ ແລະກໍາປັ່ນ 012-ລີ໊ຖາຍໂຕ, ພ້ອມກັບເພື່ອນຮ່ວມກົມກອງຢູ່ຖານທັບ Guangzhou, ທະຫານເຮືອກອງທັບປົດປ່ອຍປະຊາຊົນຈີນ ໄດ້ເຂົ້າຮ່ວມການພົບປະແລກປ່ຽນທີ່ມີຄວາມໝາຍຫຼາຍຢ່າງ ລວມມີ: ການຢ້ຽມຢາມກໍາປັ່ນຂອງກັນ ແລະກັນ, ການແຂ່ງຂັນກິລາ, ການພົບປະແລກປ່ຽນວັດທະນະທຳ... ຜ່ານກິດຈະກຳພົບປະແລກປ່ຽນຢູ່ທ່າເຮືອ Fangcheng (Guangxi, ຈີນ), ນາຍທະຫານ, ລູກເຮືອຂອງທັງສອງຝ່າຍໄດ້ມີເງື່ອນໄຂ ເພື່ອແລກປ່ຽນ, ຮໍ່າຮຽນບົດຮຽນໃນການປະຕິບັດໜ້າທີ່, ພ້ອມທັງເພີ່ມຄວາມສະໜິດຕິດພັນ, ປະກອບສ່ວນເຂົ້າໃນການຊຸກຍູ້ການພົວພັນຮ່ວມມືມິດຕະພາບ, ຄວາມໄວ້ເນື້ອເຊື່ອໃຈ ແລະຄວາມເຂົ້າໃຈເຊິ່ງກັນ ແລະກັນລະຫວ່າງທະຫານເຮືອຂອງສອງປະເທດເວົ້າສະເພາະ, ສອງກອງທັບເວົ້າລວມ ແລະປະກອບສ່ວນຕື່ມອີກໃນການພັດທະນາການພົວພັນຄູ່ຮ່ວມມືຍຸດທະສາດຮອບດ້ານລະຫວ່າງຫວຽດນາມ - ຈີນ. ການແຂ່ງຂັນກິລາລະຫວ່າງນາຍທະຫານ, ລູກເຮືອຂອງສອງປະເທດໄດ້ຈັດຂຶ້ນໃນບັນຍາກາດທີ່ຟົດຟື້ນບົນຈິດໃຈມິດຕະພາບ. ໃນການແຂ່ງຂັນສ່ວນໃຫຍ່, ແຕ່ລະທີມລ້ວນແຕ່ມີນັກກິລາຈີນ ແລະນັກກິລາຫວຽດນາມ ເພື່ອແນໃສ່ສ້າງກາລະໂອກາດໃນການພົບປະແລກປ່ຽນ ແລະເພີ່ມເຕີມຄວາມສະໜິດຕິດພັນລະຫວ່າງນາຍທະຫານ, ລູກເຮືອຂອງທັງສອງຝ່າຍ. ດັ່ງລຸ່ມນີ້ແມ່ນຮູບພາບກ່ຽວກັບການເຄື່ອນໄຫວພົບປະແລກປ່ຽນລະຫວ່າງນາຍທະຫານ, ລູກເຮືອທະຫານເຮືອຫວຽດນາມ ແລະຈີນ ທີ່ທ່າເຮືອ Fangcheng. ໂດຍ: ຈາງຫງວຽນ

ຮູບພາບທີ່ງານພົບປະແລກປ່ຽນມິດຕະພາບປ້ອງກັນຊາດເຂດຊາຍແດນ ຫວຽດນາມ-ຈີນ ຄັ້ງທີ 10

20 ມີນາ 2026 15:37
ກປ.ອອນໄລ - ງານພົບປະແລກປ່ຽນມິດຕະພາບປ້ອງກັນຊາດເຂດຊາຍແດນ ຫວຽດນາມ-ຈີນ ຄັ້ງທີ 10 ໄດ້ຈັດຂຶ້ນໃນລະຫວ່າງວັນທີ 18-19 ມີນາ ທີ່ແຂວງກວາງນິງ (ຫວຽດນາມ) ແລະເຂດປົກຄອງຕົນເອງຊົນເຜົ່າຈ້ວງກວາງຊີ (ຈີນ). ຄະນະຜູ້ແທນຫວຽດນາມ ນຳໂດຍທ່ານພົນເອກ ຟານວັນຢາງ, ກໍາມະການກົມການເມືອງ, ຮອງເລຂາຄະນະພັກການທະຫານສູນກາງ, ລັດຖະມົນຕີກະຊວງປ້ອງກັນປະເທດຫວຽດນາມ. ຄະນະຜູ້ແທນຈີນ ນຳໂດຍທ່ານພົນໂທ ຕົງ ຈຸ່ນ ລັດຖະມົນຕີກະຊວງປ້ອງກັນປະເທດຈີນ. ງານພົບປະແລກປ່ຽນໄດ້ສິ້ນສຸດລົງຢ່າງຈົບງາມ, ຜ່ານນັ້ນເພີ່ມທະວີນໍ້າໃຈມິດຕະພາບ, ຊຸກຍູ້ການຮ່ວມມືທີ່ແທດຈິງລະຫວ່າງກໍາລັງປົົກປັກຮັກສາຊາຍແດນ, ອຳນາດການປົກຄອງທ້ອງຖິ່ນ ແລະປະຊາຊົນຢູ່ເຂດຊາຍແດນສອງປະເທດ ຫວຽດນາມ-ຈີນ, ປະກອບສ່ວນເຂົ້າໃນການສ້າງເສັ້ນຊາຍແດນແຫ່ງສັນຕິພາບ, ມິດຕະພາບ, ສະຖຽນລະພາບ, ການຮ່ວມມື ແລະພັດທະນາ. ຜົນສຳເລັດຂອງງານພົບປະແລກປ່ຽນກໍ່ສົ່ງສານກ່ຽວກັບນໍ້າໃຈສາມັກຄີ, ໜູນຊ່ວຍເຊິ່ງກັນ ແລະກັນ, ສ້າງພື້ນຖານອັນໝັ້ນແກ່ນໃຫ້ການພົວພັນ ຫວຽດນາມ-ຈີນ ພັດທະນາຢ່າງຮອບດ້ານ ແລະຍືນຍົງ. ໂດຍ: ຈາງຫງວຽນ

ຊຸກຍູ້ນໍ້າໃຈມິດຕະພາບ, ຄວາມສາມັກຄີ ແລະການຮ່ວມມືລະຫວ່າງສອງປະເທດບ້ານໃກ້ເຮືອນຄຽງ

19 ມີນາ 2026 10:24
ກປ.ອອນໄລ - ມື້ທຳອິດຂອງງານພົບປະແລກປ່ຽນມິດຕະພາບປ້ອງກັນຊາດຢູ່ເຂດຊາຍແດນ ຫວຽດນາມ-ຈີນ ຄັ້ງທີ 10 ໄດ້ປະສົບຜົນສໍາເລັດຢ່າງຈົບງາມດ້ວຍຫຼາຍການເຄື່ອນໄຫວທີ່ມີຄວາມໝາຍ ເຊິ່ງຈັດຂຶ້ນຢູ່ແຂວງກວາງນິງ, ປະກອບສ່ວນຊຸກຍູ້ນໍ້າໃຈມິດຕະພາບ, ຄວາມສາມັກຄີ ແລະການຮ່ວມມືລະຫວ່າງກອງທັບ ແລະປະຊາຊົນສອງປະເທດ. ນັກຂ່າວໜັງສືພິມກອງທັບປະຊາຊົນຫວຽດນາມ ຂໍແນະນຳບາງຮູບພາບການເຄື່ອນໄຫວໃນຂອບເຂດງານພົບປະແລກປ່ຽນຢູ່ຫວຽດນາມ. ໂດຍ: ເຈິ່ນຮວ່ຽນ

ວັນບຸນຂອງປະເທດຊາດ ຢູ່ທະເລ

10 ມີນາ 2026 19:50
ກປ.ອອນໄລ - ປະຕິບັດວຽກງານເລືອກຕັ້ງກ່ອນກໍານົດເວລາໃຫ້ແກ່ຜູ້ມີສິດເລືອກຕັ້ງທີ່ພວມປະຕິບັດໜ້າທີ່ຢູ່ບັນດາກໍາປັ່ນລາດຕະເວນປົກປັກຮັກສາອະທິປະໄຕ ແລະຄວບຄຸມປ້ອງກັນ, ຕ້ານການຫາປາແບບຜິດກົດໝາຍ, ບໍ່ລາຍງານ ແລະບໍ່ປະຕິບັດຕາມຂໍ້ກໍານົດ (IUU) ຢູ່ເຂດທະເລຫວຽດນາມ ທີ່ຕິດຈອດກັບມາເລເຊຍ ແລະອິນໂດເນເຊຍ, ພາຍຫຼັງຊຸມວັນພັກບຸນປີໃໝ່ປະຈໍາຊາດ, ໜ່ວຍເລືອກຕັ້ງຢູ່ທະເລ (ໜ່ວຍເລືອກຕັ້ງ ທີ 10) ຕາແສງເຝຶອກຖັ໋ງ, ນະຄອນໂຮ່ຈີມິນ ແລະຄະນະປະຕິບັດງານໃນກໍາປັ່ນກວດກາການປະມົງ 260 (ໜ່ວຍກວດກາການປະມົງທີ 2) ໄດ້ເລີ່ມຕົ້ນການເດີນທາງໄລຍະທາງຫຼາຍກວ່າ 1.000 ໄມທະເລ, ຮັບປະກັນສິດ ແລະພັນທະຂອງພົນລະເມືອງສໍາລັບວັນບຸນຂອງປະເທດຊາດ ແລະຈັດຕັ້ງໃຫ້ແກ່ຜູ້ມີສິດເລືອກຕັ້ງ 100% ໄດ້ປ່ອນບັດເລືອກຕັ້ງຕາມແຜນການ. ພາຍຫຼັງ 8 ວັນໄປຫາບັນດາຈຸດເລືອກຕັ້ງຕ່າງໆຢູ່ທະເລ, ໜ່ວຍເລືອກຕັ້ງປະຕິບັດວຽກງານປ່ອນບັດເລືອກຕັ້ງກ່ອນກໍານົດເວລາສະມາຊິກສະພາແຫ່ງຊາດ ຊຸດທີ XVI ແລະສະມາຊິກສະພາປະຊາຊົນທຸກຂັ້ນອາຍຸການ 2026-2031 ຮັບປະກັນຖືກຕາມຂັ້ນຕອນ, ຫຼັກການເລືອກຕັ້ງ, ຖືກຕາມຂໍ້ກໍານົດຂອງກົດໝາຍ, ຮັບປະກັນຄວາມປອດໄພ 100% ກ່ຽວກັບບຸກຄະລາກອນ ແລະເອກະສານຮັບໃຊ້ການເລືອກຕັ້ງ. ໂດຍ: ໄຊຊະນະ

ຝຶກແອບຢ່າງຮີບເຮັ່ງ ໃຫ້ວັນບຸນໃຫຍ່ຂອງປະເທດ

14 ສິງຫາ 2025 17:36
ຕອນເຊົ້າວັນທີ 13 ສິງຫາ, ຢູ່ສູນຝຶກແອບການທະຫານແຫ່ງຊາດທີ 4, ບັນດາກໍາລັງຂອງກອງທັບ, ຕໍາຫຼວດເຂົ້າຮ່ວມປະຕິບັດໜ້າທີ່ເດີນຂະບວນສວນສະໜາມໃນພິທີສະເຫຼີມສະຫຼອງ 80 ແຫ່ງວັນການປະຕິວັດເດືອນສິງຫາ ປະສົບຜົນສໍາເລັດ ແລະວັນຊາດ ສສ ຫວຽດນາມ ໄດ້ດໍາເນີນການຝຶກແອບຮ່ວມ ຄັ້ງທີ 3. ການຝຶກແອບຮ່ວມດໍາເນີນໄປໃນສະພາບອາກາດຮ້ອນ, ແຕ່ບັນດາກຳລັງປະຕິບັດໜ້າທີ່ດ້ວຍຄວາມພາກພູມໃຈ, ເຄັ່ງຂຶມ, ເດັດດ່ຽວດ້ວຍທ່າທີແຂງແຮງ, ຊັດເຈນ. ຈາກຄວາມກ້າວໜ້າຢ່າງຈະແຈ້ງ ແລະໝາກຜົນບັນລຸໄດ້ພາຍຫຼັງການຝຶກແອບຮ່ວມໃນຄັ້ງກ່ອນ, ບັນດາກົມກອງເຂົ້າຮ່ວມໄດ້ເສີມຂະຫຍາຍຈິດໃຈຕັ້ງໜ້າ, ຮີບເຮັ່ງ, ຈັດຕັ້ງການຝຶກແອບຢ່າງເຂັ້ມງວດ, ໃກ້ຊິດຕິດແທດກັບແຜນການທີ່ວາງອອກ. ພະນັກງານ, ນັກຮົບໄດ້ແກ້ໄຂຄວາມຫຍຸ້ງຍາກດ້ານອາກາດຮ້າຍແຮງ, ເງື່ອນໄຂບ່ອນກິນບ່ອນຢູ່ຍັງຈໍາກັດ ແລະລະດັບການຝຶກແອບສູງ; ປະຕິບັດລະບຽບວິໄນຢ່າງເຂັ້ມງວດ, ຝຶກຝົນຫຼໍ່ຫຼອມທ່າທີ, ລະບຽບວິຊາງົດງາມຢ່າງຊໍານິຊໍານານ, ຖືກຕາມຄວາມຮຽກຮ້ອງໜ້າທີ່ຂອງແຕ່ລະກ້ອນ, ແຕ່ລະກໍາລັງ. ນີ້ແມ່ນພື້ນຖານອັນໜັກແໜ້ນ ເພື່ອໃຫ້ບັນດາກໍາລັງ ກ້າວເຂົ້າສູ່ການກວດຝຶກແອບຢູ່ສະໜາມຫຼວງ ບາດິ່ງ ໃນຊຸມມື້ຈະມາເຖິງ, ສູ້ຊົນບັນລຸໝາກຜົນທສູງສຸດ, ປະກອບສ່ວນສໍາຄັນ ເຂົ້າໃນຜົນສໍາເລັດລວມ ຂອງພິທີສະເຫຼີມສະຫຼອງ. ໂດຍ: ທູຈາງ

ອາວຸດຍຸດໂທປະກອນທີ່ທັນສະໄໝຂອງກອງທັບ ເຂົ້າຮ່ວມການຝຶກຊ້ອມຮ່ວມເດີນຂະບວນ, ສວນສະໜາມ

18 ກໍລະກົດ 2025 16:46
ກປ.ອອນໄລ - ອາວຸດຍຸດໂທປະກອນທີ່ທັນສະໄໝຂອງກອງທັບປະຊາຊົນຫວຽດນາມ ເຂົ້າຮ່ວມການຝຶກຊ້ອມຮ່ວມຢູ່ສູນຝຶກແອບການທະຫານແຫ່ງຊາດ ເລກ 4 ເພື່ອກະກຽມໃຫ້ແກ່ພິທີເດີນຂະບວນ, ສວນສະໜາມສະເຫຼີມສະຫຼອງ 80 ປີແຫ່ງການປະຕິວັດເດືອນສິງຫາ ແລະວັນຊາດທີ 2 ກັນຍາ. ພາຍຫຼັງການຝຶກແອບມາເປັນເວລາຫຼາຍວັນ, ບັນດາກ້ອນກໍາລັງ, ພາຫະນະ ລົດ, ປືນໃຫຍ່ ໄດ້ເຂົ້າຮ່ວມການຝຶກຊ້ອມຮ່ວມກັບກ້ອນກໍາລັງຢືນ, ກ້ອນກໍາລັງຍ່າງ ແລະກ້ອນກໍາລັງຂອງກະຊວງຕຳຫຼວດ ໃນຕອນເຊົ້າວັນທີ 17 ກໍລະກົດ. ເຂົ້າຮ່ວມການຝຶກຊ້ອມຮ່ວມ ມີກໍາລັງພາຫະນະຈາກເຫຼົ່າທັບເຮືອ, ເຫຼົ່າທັບປ້ອງກັນອາກາດ - ທະຫານອາກາດ, ເຫຼົ່າຮົບປືນໃຫຍ່, ເຫຼົ່າຮົບລົດຕັງຍານເກາະ, ເຫຼົ່າຮົບຊ່າງແສງ, ເຫຼົ່າຮົບສື່ສານ, ເຫຼົ່າຮົບເຄມີ ແລະພາຫະນະອື່ນໆຈຳນວນຫຼາຍ. ໂດຍ: ໄຊຊະນະ

ງານພົບປະແລກປ່ຽນມິດຕະພາບປ້ອງກັນຊາດເຂດຊາຍແດນ ຫວຽດນາມ - ຈີນ ຄັ້ງທີ 9: ບັນດາຮູບພາບທີ່ປະທັບໃຈໃນການເຄື່ອນໄຫວພົບປະແລກປ່ຽນ ຢູ່ຫວຽດນາມ

18 ເມສາ 2025 14:17
ກປ.ອອນໄລ - ມື້ສຸດທ້າຍຂອງງານພົບປະແລກປ່ຽນມິດຕະພາບປ້ອງກັນຊາດເຂດຊາຍແດນ ຫວຽດນາມ - ຈີນ ຄັ້ງທີ 9 ໄດ້ອັດລົງດ້ວຍຜົນສໍາເລັດຢ່າງຈົບງາມດ້ວຍບັນດາກິດຈະກຳຢູ່ແຂວງລ້າງເຊີນ. ຕອນເຊົ້າວັນທີ 17 ເມສາ, ທີ່ດ່ານສາກົນມິດຕະພາບ, ທ່ານພົນເອກ ຟານວັນຢາງ, ກໍາມະການກົມການເມືອງ, ຮອງເລຂາຄະນະພັກການທະຫານສູນກາງ, ລັດຖະມົນຕີກະຊວງປ້ອງກັນປະເທດຫວຽດນາມ ໄດ້ເປັນປະທານພິທີຕ້ອນຮັບຄະນະຜູ້ແທນຂັ້ນສູງກະຊວງປ້ອງກັນປະເທດ ຈີນ ນໍາໂດຍທ່ານ ພົນໂທ Dong Jun ລັດຖະມົນຕີກະຊວງປ້ອງກັນປະເທດ ຈີນ ມາເຂົ້າຮ່ວມບັນດາການເຄື່ອນໄຫວຢູ່ແຂວງລ້າງເຊີນ. ພ້ອມກັບບັນດາການເຄື່ອນໄຫວພົບປະແລກປ່ຽນ ຢູ່ເຂດປົກຄອງຕົນເອງເຜົ່າຈ້ວງ ກວາງຊີ (ຈີນ) ໃນວັນທີ 16 ເມສາ, ໄດ້ດໍາເນີນຫຼາຍກິດຈະກໍາເຄື່ອນໄຫວທີ່ມີຄວາມໝາຍຢູ່ແຂວງລ້າງເຊີນ ໃນວັນທີ 17 ເມສາ, ປະກອບສ່ວນຫັນຄວາມຮັບຮູ້ລວມຂອງການນໍາຂັ້ນສູງສອງພັກ, ສອງລັດ ກ່ຽວກັບການສືບຕໍ່ຊຸກຍູ້ການພົວພັນຮ່ວມມືດ້ານປ້ອງກັນຊາດທີ່ນັບມື້ນັບແທດຈິງກວ່າໃຫ້ປະກົດຜົນເປັນຈິງ; ເພີ່ມທະວີນໍ້າໃຈມິດຕະພາບ, ຄວາມສາມັກຄີ, ຊຸກຍູ້ການຮ່ວມມືທີ່ແທດຈິງລະຫວ່າງກໍາລັງປ້ອງກັນຊາຍແດນ, ອໍານາດການປົກຄອງທ້ອງຖິ່ນ ແລະປະຊາຊົນຢູ່ເຂດຊາຍແດນສອງປະເທດ. ດັ່ງລຸ່ມນີ້ແມ່ນບັນດາຮູບພາບທີ່ປະທັບໃຈໃນການເຄື່ອນໄຫວພົບປະແລກປ່ຽນຂອງທ່ານພົນເອກ ຟານວັນຢາງ ລັດຖະມົນຕີກະຊວງປ້ອງກັນປະເທດຫວຽດນາມ ແລະທ່ານພົນໂທ Dong Jun ລັດຖະມົນຕີກະຊວງປ້ອງກັນປະເທດ ຈີນ ພ້ອມດ້ວຍຄະນະຜູ້ແທນຂັ້ນສູງກະຊວງປ້ອງກັນປະເທດສອງປະເທດຢູ່ແຂວງລ້າງເຊີນ. ໂດຍ: ໄຊຊະນະ

ກຳລັງເຂົ້າຮ່ວມການເດີນສວນສະໜາມ ປະຕິບັດສຳເລັດໜ້າທີ່ຝຶກແອບຮ່ວມ

12 ເມສາ 2025 20:48
ວັນທີ 11 ເມສາ, ຢູ່ກອງພັນໃຫຍ່ 935 (ກອງພົນ 370, ເຫຼົ່າທັບປ້ອງກັນອາກາດ - ທະຫານອາກາດ), ອະນຸກໍາມະການເດີນສວນສະໜາມ, ແຫ່ຂະບວນພິທີສະເຫຼີມສະຫຼອງ 50 ປີແຫ່ງວັນປົດປ່ອຍພາກໃຕ້, ທ້ອນໂຮມປະເທດຊາດເປັນເອກະພາບ 30-4-1975 / 30-4-2025) ໄດ້ຈັດຕັ້ງການຝຶກແອບຮ່ວມບັນດາກໍາລັງປະກອບອາວຸດທີ່ເຂົ້າຮ່ວມການເດີນສວນສະໜາມ. ເຂົ້າຮ່ວມການຝຶກແອບຮ່ວມມີບັນດາກໍາລັງໃນກອງທັບ, ຕຳຫຼວດ, ທະຫານລາດປ້ອງກັນຕົວ, ລວມມີ: 13 ໜ່ວຍຢືນ, 36 ໜ່ວຍໄປ ພ້ອມກັບກໍາລັງທະຫານອາກາດບິນຊົມເຊີຍ. ນີ້ແມ່ນການຝຶກແອບຮ່ວມຄັ້ງທຳອິດ ເພື່ອຕີລາຄາໝາກຜົນ ແລະ ຖອດຖອນບົດຮຽນຈາກການຝຶກແອບຮ່ວມ, ເພື່ອເປັນພື້ນຖານໃຫ້ບັນດາກົມກອງສືບຕໍ່ຝຶກແອບໃຫ້ກຳລັງທີ່ເຂົ້າຮ່ວມການເດີນສວນສະໜາມ, ແຫ່ຂະບວນທີ່ພິທີສະເຫຼີມສະຫຼອງ 50 ປີແຫ່ງວັນປົດປ່ອຍພາກໃຕ້, ທ້ອນໂຮມປະເທດຊາດເປັນເອກະພາບປະຕິບັດສຳເລັດໜ້າທີ່ທີ່ໄດ້ຮັບມອບໝາຍເປັນຢ່າງດີ. ໂດຍ: ທູຈາງ

ການສະແດງທີ່ປະທັບໃຈຂອງພະນັກງານ, ນັກຮົບກໍາລັງປະກອບອາວຸດແຂວງກວ໋າງນິງ

6 ມີນາ 2025 20:35
ກປ.ອອນໄລ - ໃນຂອບເຂດຂອງພິທີເປີດການອົບຮົມຫັດແອບປະຈໍາປີ 2025, ຮັບຫຼຽນໄຊປົກປັກຮັກສາປະເທດຊາດຊັ້ນສາມ ແລະປຸກລະດົມບັ້ນແຂ່ງຂັນ “ເລັ່ງຄວາມໄວ - ເດັດຂາດມີໄຊ”, ບັນດາກໍາລັງປະກອບອາວຸດແຂວງກວ໋າງນິງ ໄດ້ມີການເດີນຂະບວນສວນສະໜາມ, ສະແດງມວຍ, ສະແດງກໍາລັງແຮງ, ຄວາມສາມາດສູ້ຮົບ, ຮັບມືກັບທຸກກໍລະນີ, ສ້າງຄວາມປະທັບໃຈອັນດີງາມ. ລຸ່ມນີ້ແມ່ນບາງຮູບພາບອັນດີງາມທີ່ພິທີເປີດການອົບຮົມຫັດແອບຂອງກໍາລັງປະກອບອາວຸດແຂວງກວ໋າງນິງ ປີ 2025: ໂດຍ: ກວຽດເຕິມ

ທະຫານຊາຍແດນແຂວງອານຢາງ: ເພື່ອຄວາມສະຫງົບສຸກໃນເສັ້ນຊາຍແດນຕາເວັນຕົກສ່ຽງໃຕ້

4 ມີນາ 2025 9:16
ກປ.ອອນໄລ - ອານຢາງແມ່ນທ້ອງຖິ່ນຕິດກັບສອງແຂວງ Ta Keo ແລະ Kan Đal (ລາຊະອານາຈັກຈໍາປູເຈຍ), ທີ່ມີເສັ້ນຊາຍແດນຍາວປະມານ 100 ກິໂລແມັດ. ດ້ວຍບົດບາດແມ່ນກໍາລັງຫຼັກແຫຼ່ງໃນການກໍ່ສ້າງ, ຄຸ້ມຄອງ ແລະປົກປັກຮັກສາອະທິປະໄຕຜືນແຜ່ນດິນ, ຄວາມສະຫງົບຢູ່ເຂດຊາຍແດນແຫ່ງຊາດ, ໃນຊຸມປີຜ່ານມາ, ທະຫານຊາຍແດນແຂວງອານຢາງ ໄດ້ຜັນຂະຫຍາຍຫຼາຍມາດຕະການເພື່ອຮັກສາຄວາມໝັ້ນຄົງດ້ານການເມືອງ, ຄວາມເປັນລະບຽບຮຽບຮ້ອຍທາງສັງຄົມຢູ່ທ້ອງຖິ່ນ ກໍ່ຄືຄວາມສະຫງົບສຸກຢູ່ເສ້ັນຊາຍແດນຕາເວັນຕົກສ່ຽງໃຕ້. ເນື່ອງໃນໂອກາດສະເຫຼີມສະຫຼອງວັນມຸນເຊື້ອທະຫານຊາຍແດນ (3-3-1959 / 3-3-2025), 36 ປີແຫ່ງວັນທົ່ວປວງຊົນປ້ອງກັນຊາຍແດນ (3-3-1989 / 3-3-2025), ໜັງສືີພິມກອງທັບປະຊາຊົນແນະນຳເຖິງເພື່ອນຜູ້ອ່ານບາງຮູບພາບກ່ຽວກັບການເຄື່ອນໄຫວຂອງພະນັກງານ, ນັກຮົບທະຫານຊາຍແດນແຂວງອານຢາງ: ໂດຍ: ໄຊນີດາ

ຮູບພາບທີ່ສວຍງາມໃນວັນບຸນເຂົ້າເປັນທະຫານພັນທະ

16 ກຸມພາ 2025 18:8
ກປ.ອອນໄລ - ໃນລະຫວ່າງວັນທີ 13-15 ກຸມພາ, ບັນດາທ້ອງຖິ່ນໃນທົ່ວປະເທດຫວຽດນາມ ໄດ້ຈັດຕັ້ງການມອບ-ຮັບທະຫານພັນທະ ປະຈໍາປີ 2025, ຮັບປະກັນຄວາມສະຫງ່າຜ່າເຜີຍ, ວ່ອງໄວ ແລະປອດໄພ. ໜັງສືພິມກອງທັບປະຊາຊົນ ຂໍແນະນຳບາງຮູບພາບທີ່ສວຍງາມໃນວັນບຸນເຂົ້າເປັນທະຫານພັນທະ. ໂດຍ: ເຈິ່ນຮວ່ຽນ

1 2 3 4 5