ພາບສາລະຄະດີ

ທະຫານເຮືອຫວຽດນາມ ແລະທະຫານເຮືອອິນໂດເນເຊຍ ຝຶກຊ້ອມຮ່ວມຢູ່ທະເລ

26 ສິງຫາ 2024 16:49

ກປ.ອອນໄລ - ພາຍຫຼັງສິ້ນສຸດການຢ້ຽມຢາມນະຄອນໂຮ່ຈີມິນ, ກຳປັ່ນປ້ອງກັນຕົວ KRI Bung Tomo - 357 ຂອງທະຫານເຮືອ ອິນໂດເນເຊຍ ແລະກຳປັ່ນ 17, ກອງພົນນ້ອຍ 171 (ທະຫານເຮືອເຂດ 2 ຫວຽດນາມ) ໄດ້ສົມທົບກັນປະຕິບັດການຝຶກຊ້ອມຮ່ວມຢູ່ທະເລ. ຢູ່ເຂດຝຶກຊ້ອມ, ກຳປັ່ນ 2 ລຳ ໄດ້ຝຶກຊ້ອມການເຄື່ອນທີ່ຮູບແຖວ, ການຕິດຕໍ່ສື່ສານ, ການລໍາລຽງຢູ່ທະເລ, ການກູ້ໄພ, ແກ້ໄຂກໍລະນີທີ່ເກີດຂຶ້ນຢູ່ທະເລ, ຕໍ່ສູ້ເພື່ອປົກປ້ອງກຳປັ່ນ (ປ້ອງກັນໄຟໄໝ້, ປ້ອງກັນກຳປັ່ນຈົມນ້ຳ). ບົນຈິດໃຈກຳແໜ້ນແຜນການຝຶກຊ້ອມ, ສະພາບຕົວຈິງ ແລະຕັດສິນໃຈໃຫ້ບັນລຸໄດ້ໝາກຜົນສູງສຸດ, ໃນໄລຍະຝຶກຊ້ອມ, ໂດຍປະຕິບັດຕາມເນື້ອໃນ, ກຳປັ່ນ 17 ແລະກຳປັ່ນ KRI Bung Tomo – 357 ໄດ້ຈັດຕັ້ງການປະສານສົມທົບຢ່າງແໜ້ນແຟ້ນ ແລະປະຕິບັດຂັ້ນຕ້ອນຕາມຂໍ້ກຳນົດຢ່າງຄົບຖ້ວນ. ພະນັກງານ, ນັກຮົບກໍາປັ່ນ 17 ໄດ້ປະຕິບັດຄໍາສັ່ງຊີ້ນໍາຂອງຜູ້ບັນຊາການຢ່າງເຂັ້ມງວດ, ປະຕິບັດກົດລະບຽບ, ຂໍ້ກໍານົດຢ່າງເຂັ້ມງວດ, ຮັບປະກັນຄວາມປອດໄພທາງດ້ານຊີວິດ ແລະອາວຸດ, ອຸປະກອນເຕັກນິກຢ່າງເຂັ້ມງວດ, ປະຕິບັດສໍາເລັດ 100% ເນື້ອໃນ, ຄາດໝາຍທີ່ວາງໄວ້. ໃນຂະບວນການຝຶກຊ້ອມ, ກຳປັ່ນ 17 ແລະກຳປັ່ນ KRI Bung Tomo – 357 ໄດ້ຈັດສົ່ງນາຍທະຫານ 2 ຄົນ ຈາກກຳປັ່ນຕົນເອງໄປຍັງກຳປັ່ນເພື່ອນ ເພີ່ມຄວາມສາມາດໃນການແລກປ່ຽນ, ສົມທົບການຝຶກຊ້ອມ, ກໍ່ຄືຍົກສູງ ແລະຮັດແໜ້ນສາຍພົວພັນມິດຕະພາບລະຫວ່າງທະຫານເຮືອສອງປະເທດ. ໂດຍ: ທະນາພອນ

ຊ່ວງເວລາທີ່ຄັບແຄ້ນແໜ້ນໃຈຂອງປະຊາຊົນທີ່ມາສົ່ງອຳລາທ່ານເລຂາທິການໃຫຍ່ ຫງວຽນຝູຈ້ອງ ຄັ້ງສຸດທ້າຍ

27 ກໍລະກົດ 2024 18:45
ໃນສອງມື້ທີ່ດໍາເນີນພິທີໄວ້ທຸກລະດັບຊາດທ່ານ ຫງວຽນຝູຈ້ອງ ເລຂາທິການໃຫຍ່ຄະນະບໍລິຫານງານສູນກາງພັກຄອມມູນິດຫວຽດນາມ, ພໍ່ແມ່ປະຊາຊົນໃນທົ່ວປະເທດ ໄດ້ສະແດງຄວາມເຄົາລົບນັບຖືຄືກັບຄົນຮັກແພງໃນສາຍເລືອດດຽວກັນຂອງຕົນ. ປະຊາຊົນຫຼາຍໝື່ນຄົນຫຼາຍເກນອາຍຸ ໄດ້ມາຢືນລຽນແຖວ ບໍ່ວ່າຟ້າແດດ, ຝົນຕົກ ຫຼືເດິກດື່ນທ່ຽງຄືນ ເພື່ອໃຫ້ໄດ້ເຂົ້າໄວ້ອາໄລ ທ່ານ ຫງວຽນຝູຈ້ອງ ຢູ່ຫໍທໍາພິທີງານສົບແຫ່ງຊາດ ເລກທີ 5 ຖະໜົນເຈິ່ນແທ໊ງຕົງ ແລະບ້ານເກີດຂອງເພິ່ນຢູ່ບ້ານ ລ້າຍດ່າ, ຕາແສງດົງໂຮ້ຍ, ເມືອງດົງແອັງ (ຮ່າໂນ້ຍ), ຫໍປະຊຸມ ທົ່ງເຍິດ, ເຂດ 1, ນະຄອນໂຮ່ຈີມິນ. ພິເສດ, ໃນຕອນບ່າຍວັນທີ 26 ກໍລະກົດ, ມີປະຊາຊົນນັບໝື່ນຄົນໄດ້ຢືນຢູ່ຕາມເສັ້ນທາງ ທີ່ຂະບວນລົດເຄື່ອນສົບທ່ານ ເລຂາທິການໃຫຍ່ ໄປຜ່ານຈາກຫໍທໍາພິທີງານສົບແຫ່ງຊາດ ຈົນໄປຮອດສຸສານແຫ່ງຊາດ ມາຍຢິກ (ຮ່າໂນ້ຍ). ເມື່ອຂະບວນລົດເຄື່ອນສົບໄປຜ່ານບ່ອນໃດ, ກໍ່ໄດ້ຍິນສຽງຮ້ອງໄຫ້ຄາໍ່ຄວນຄັບແຄ້ນແໜ້ນໃຈຂອງປະຊາຊົນ ທີ່ມາສົ່ງອໍາລານັກກອມມູນິດທີ່ມີຄວາມຈົ່ງຮັກພັກດີກັບຄືນສູ່ຜືນແຜ່ນດິນເກີດຂອງຕົນເປັນຄັ້ງສຸດທ້າຍ. ໂດຍ: ທູຈາງ

ຫຼັກໝາຍອະທິປະໄຕຊາຍແດນແຫ່ງຊາດທີ່ສັກກາລະບູຊາ

3 ມີນາ 2024 18:11
ກປ.ອອນໄລ - ລະບົບຫຼັກໝາຍຊາຍແດນ ແມ່ນກິດຈະກໍາທີ່ມີຄວາມສຳຄັນພິເສດ, ມີຄຸນຄ່າທີ່ຍາວນານໃຫ້ແກ່ຄົນລຸ້ນຫຼັງ, ເປັນການຢັ້ງຢືນອະທິປະໄຕຜືນແຜ່ນດິນຂອງແຕ່ລະປະເທດ. ການຄຸ້ມຄອງ ແລະປົກປັກຮັກສາລະບົບຫຼັກໝາຍຊາຍແດນແຫ່ງຊາດໄວ້ໃຫ້ໝັ້ນຄົງ ແມ່ນມີຄວາມໝາຍສຳຄັນພິເສດຕໍ່ກັບຜືນແຜ່ນດິນອັນຄົບຖ້ວນ ແລະອະທິປະໄຕແຫ່ງຊາດ; ຮັບປະກັນຄວາມໝັ້ນຄົງ, ການພັດທະນາຂອງປະເທດຊາດ ແລະກໍ່ສ້າງເສັ້ນຊາຍແດນແຫ່ງສັນຕິພາບ, ສະຖຽນລະພາບ, ການຮ່ວມມື ແລະ ພັດທະນາກັບບັນດາປະເທດບ້ານໃກ້ເຮືອນຄຽງ. ໃນຊຸມປີຜ່ານມາ, ການເຄື່ອນໄຫວທີ່ມີຄວາມໝາຍມຸ່ງໄປສູ່ຊາຍແດນ ທີ່ຈັດຕັ້ງຢູ່ຫຼັກໝາຍຊາຍແດນແຫ່ງຊາດ ໄດ້ປຸກລຸກມູນເຊື້ອ, ຄວາມຮັກຕໍ່ບ້ານເກີດເມືອງນອນ, ປະເທດຊາດ ແລະ ຍົກສູງຄວາມຮັບຜິດຊອບຂອງປະຊາຊົນແຕ່ລະຄົນ, ເປັນຕົ້ນແມ່ນຄົນລຸ້ນໜຸ່ມ ຕໍ່ກັບໜ້າທີ່ປົກປັກຮັກສາອະທິປະໄຕຜືນແຜ່ນດິນ, ຄວາມໝັ້ນຄົງຢູ່ເຂດຊາຍແດນແຫ່ງຊາດ. ໂດຍ: ທູຈາງ

ລະດູບານໃໝ່ຂອງນັກຮົບປ້ອງກັນອາກາດ

8 ກຸມພາ 2024 6:29
ກປ.ອອນໄລ - ຊຸມວັນບຸນປີໃໝ່ປະຈຳຊາດ ປີມະໂລງ 2024 ໃກ້ຊິມາຮອດແລ້ວ, ແຕ່ວ່ານັກຮົບປ້ອງກັນອາກາດ-ທະຫານອາກາດ ຍັງເມົາມົວກັບໜ້າທີ່ຝຶກແອບກຽມພ້ອມສູ້ຮົບທັງກາງເວັນ ແລະກາງຄືນເພື່ອປະກອບສ່ວນປົກປັກຮັກສາຄວາມສະຫງົບສຸກຂອງປະເທດຊາດ. ສຳລັບພົນທະຫານແຕ່ລະຄົນນັ້ນ, ຄວາມຮັກຕໍ່ກັບທ້ອງຟ້າ, ຕໍ່ກັບປະເທດທັງສັກກະລະບູຊາ, ທັງສະຫງ່າອົງອາດ ແລະເພີນຈິດ. ບັນດາຄຸນທາດນັ້ນປະສານເຂົ້າກັນເພື່ອສ້າງຈິດໃຈສາມັກຄີ, ປະສານສົມທົບ, ປະດິດສ້າງ, ຜ່ານຜ່າຄວາມຫຍຸ້ງຍາກ, ລຳບາກກາກກຳ, ສືບຕໍ່ສ້າງວິລະກຳດັງກ້ອງກັງວານ. ນັ້ນແມ່ນລະດູບານໃໝ່ຂອງນັກຮົບປ້ອງກັນອາກາດ... ໂດຍ: ແສງເດືອນ

ສ້າງປະຫວັດສາດໜ້າໃໝ່ໃຫ້ແກ່ສາຍພົວພັນສາມັກຄີແບບພິເສດ ຫວຽດນາມ-ລາວ-ກຳປູເຈຍ

15 ທັນວາ 2023 7:46
ດ້້ວຍຫຼາຍກິດຈະກໍາເຄື່ອນໄຫວທີ່ອຸດົມສົມບູນ ແລະແທດຈິງ, ການພົບປະແລກປ່ຽນມິດຕະພາບປ້ອງກັນຊາດຢູ່ເຂດຊາຍແດນ ຫວຽດນາມ-ລາວ-ກຳປູເຈຍ ຄັ້ງທຳອິດ ໄດ້ຈັດຂຶ້ນໃນວັນທີ 14 ທັນວາ ຢູ່ເຂດຊາຍແດນຮ່ວມຂອງ 3 ປະເທດ (ແຂວງ ກອນຕູມ/ຫວຽດນາມ, ອັດຕະປື/ລາວ ແລະ Ratanakiri/ກຳປູເຈຍ), ຢູ່ເມືອງງອກໂຮ່ຍ ແລະນະຄອນກອນຕູມ (ແຂວງ ກອນຕູມ) ໄດ້ສ້າງຄວາມປະທັບໃຈຢ່າງເລິກເຊິ່ງກ່ຽວກັບນ້ຳໃຈສາມັກຄີ, ສັດຊື່ບໍລິສຸດ, ໝັ້ນຄົງຍາວນານລະຫວ່າງ 3 ປະເທດບ້ານໃກ້ເຮືອນຄຽງ. ຜົນສຳເລັດຂອງລາຍການດັ່ງກ່າວ ແມ່ນການສະແດງໃຫ້ເຫັນຄວາມຕັດສິນໃຈດ້ານການເມືອງ ຢ່າງມີຊີວິດຊີວາ ທີ່ພ້ອມກັນຮັກສາ ແລະ ເສີມຂະຫຍາຍເພື່ອໃຫ້ສາຍພົວພັນລະຫວ່າງສາມປະເທດອິນດູຈີນ, ປຽບເໝືອນແມ່ນ້ຳຂອງທີີ່ໃຫຍ່ໂຕມະໂຫຖານເຊື່ອມຕໍ່ສາມປະເທດເຂົ້າກັນ, ເປັນຊັບສົມບັດລວມອັນລໍ້າຄ່າຂອງສາມປະເທດ, ສັກສິດ ແລະ ໝັ້ນຄົງຂອງສາມປະເທດ. ຄືດັ່ງຄໍາຢັ້ງຢືນຂອງທ່ານພົນເອກ ຟານວັນຢາງ, ກຳມະການກົມການເມືອງ, ຮອງເລຂາຄະນະພັກການທະຫານສູນກາງ, ລັດຖະມົນຕີກະຊວງປ້ອງກັນປະເທດຫວຽດນາມ ທີ່ວ່າ "ການພົບປະແລກປ່ຽນມິດຕະພາບປ້ອງກັນຊາດຢູ່ເຂດຊາຍແດນ ຫວຽດນາມ-ລາວ-ກຳປູເຈຍ ຄັ້ງທຳອິດ ແມ່ນເຫດການທີ່ມີຄວາມໝາຍປະຫວັດສາດ, ປະກອບສ່ວນສ້າງປະຫວັດສາດໜ້າໃໝ່ໃຫ້ແກ່ສາຍພົວພັນທີ່ເປັນມູນເຊື້ອ, ນໍ້າໃຈສາມັກຄີ, ມິດຕະພາບ ແລະ ຄວາມສະໜິດຕິດພັນທີ່ໝັ້ນແກ່ນລະຫວ່າງ 3 ປະເທດ". ໂດຍ: ທູຈາງ

ທະຫານເຮືອຫວຽດນາມ ຕັ້ງໜ້າເຂົ້າຮ່ວມບັນດາການເຄື່ອນໄຫວໃນຂອບເຂດ LIMA 2023

26 ພຶດສະພາ 2023 17:37
ກປ.ອອນໄລ - ຄະນະຜູ້ແທນທະຫານເຮືອປະຊາຊົນຫວຽດນາມ ພວມເຂົ້າຮ່ວມບັນດາການເຄື່ອນໄຫວໃນຂອບເຂດງານວາງສະແດງການເດີນທະເລ ແລະການບິນອາວະກາດສາກົນ Langkawi (LIMA) 2023 ຢ່າງຕັ້ງໜ້າ, ເຊິ່ງດໍາເນີນແຕ່ວັນທີ 23 ຫາວັນທີ 28 ພຶດສະພາ 2023. ໄປຄຽງຄູ່ກັບພິທີສວນສະໜາມກໍາປັ່ນທະຫານເຮືອ ເຊິ່ງແມ່ນໜຶ່ງໃນບັນດາການເຄື່ອນໄຫວຫຼັກຂອງງານວາງສະແດງ, ຄະນະຜູ້ແທນທະຫານເຮືອປະຊາຊົນຫວຽດນາມ ຍັງໄດ້ເຂົ້າຮ່ວມຫຼາຍກິດຈະກໍາເຄື່ອນໄຫວຢູ່ແຄມຝັ່ງ ພ້ອມກັບທະຫານເຮືອບັນດາປະເທດ. ໂດຍ: ໄຊຊະນະ

ຮັດແໜ້ນນ້ຳໃຈສາມັກຄີລະຫວ່າງກອງທັບສອງປະເທດ ຫວຽດນາມ - ລາວ

13 ພຶດສະພາ 2023 18:29
ກປ.ອອນໄລ - ຕອນຄໍ່າວັນທີ 12 ພຶດສະພາ, ສະຫາຍພົນໂທ ຫງວຽນເຕິນເກືອງ, ກໍາມະການສູນກາງພັກ, ຄະນະປະຈໍາຄະນະພັກການ ທະຫານສູນກາງ, ຫົວໜ້າກົມໃຫຍ່ເສນາທິການ ກອງທັບປະຊາຊົນຫວຽດນາມ, ຮອງລັດຖະມົນຕີກະຊວງປ້ອງກັນປະເທດຫວຽດນາມ ແລະຄະນະຜູ້ແທນການທະຫານຂັ້ນສູງກອງທັບປະຊາຊົນຫວຽດນາມ ໄດ້ກັບມາຮອດຮ່າໂນ້ຍ ສິ້ນສຸດການຢ້ຽມຢາມ ສປປ ລາວ ຢ່າງຈົບງາມ. ໃນການຢ້ຽມຢາມຄັ້ງນີ້, ສະຫາຍພົນໂທ ຫງວຽນເຕິນເກືອງ ໄດ້ມີການເຄື່ອນໄຫວສຳຄັນຫຼາຍຢ່າງ, ຄື: ພົບປະກັບສະຫາຍ ທອງລຸນ ສີສຸລິດ, ເລຂາທິການໃຫຍ່, ປະທານປະເທດ ແຫ່ງ ສປປ ລາວ ແລະສະຫາຍພົນເອກ ຈັນສະໝອນ ຈັນຍາລາດ, ກໍາມະການກົມການເມືອງສູນກາງພັກ, ຮອງນາຍົກລັດຖະມົນຕີ, ລັດຖະມົນຕີກະຊວງປ້ອງກັນປະເທດລາວ; ພົບປະ ເຈລະຈາກັບສະຫາຍພົນໂທ ຄຳລຽງ ອຸທະໄກສອນ ກຳມະການສູນກາງພັກ ປະຊາຊົນປະຕິວັດລາວ, ຮອງລັດຖະມົນຕີກະຊວງປ້ອງກັນປະເທດ, ຫົວໜ້າກົມໃຫຍ່ເສນາທິການກອງທັບປະຊາຊົນລາວ; ເຂົ້າຮ່ວມພິທີເປີດນໍາໃຊ້ ແລະມອບຮັບໂຮງຮຽນວັດທະນະທໍາຊົນເຜົ່າກອງທັບປະຊາຊົນລາວ; ຢ້ຽມຢາມ ບໍລິສັດ Star Telecom (Unitel) ສັງກັດກຸ່ມບໍລິສັດອຸດສາຫະກໍາ-ໂທລະຄົມມະນາຄົມກອງທັບ (Viettel); ຢ້ຽມຢາມກອງພົນທະຫານຮາບທີ 1 (ກອງທັບປະຊາຊົນລາວ) ແລະມີການເຄື່ອນໄຫວທີ່ມີຄວາມໝາຍອື່ນໆ. ໜັງສືພິມກອງທັບປະຊາຊົນຂໍແນະນໍາເຖິງເພື່ອນຜູ້ອ່ານບາງຮູບພາບການຢ້ຽມຢາມຂອງສະຫາຍພົນໂທ ຫງວຽນເຕິນເກືອງ. ໂດຍ: ທະນາພອນ

ກໍາປັ່ນ 015 - ເຈິ່ນຮຶງດ້າວ ຝຶກຊ້ອມກັບກໍາປັ່ນທະຫານເຮືອອິນເດຍ ແລະບັນດາປະເທດອາຊຽນ

11 ພຶດສະພາ 2023 18:54
ກປ.ອອນໄລ - ເຂົ້າຮ່ວມການຝຶກຊ້ອມເດີນທະເລອິນເດຍ-ອາຊຽນ (AIME) ໂດຍ ອິນເດຍ ແລະສິງກະໂປ ຮ່ວມຈັດຕັ້ງ, ກໍາປັ່ນ 015 - ເຈິ່ນຮຶງດ້າວ ຂຶ້ນກັບກອງພົນນ້ອຍ 162, ທະຫານເຮືອເຂດ 4 ໄດ້ສຳເລັດການຝຶກຊ້ອມຢູ່ທະເລພ້ອມກັບກໍາປັ່ນທະຫານເຮືອ 8 ລໍາຂອງ ອິນເດຍ (2 ລໍາ), ສິງກະໂປ, ມາເລເຊຍ, ຟີລິບປິນ, ອິນໂດເນເຊຍ, ໄທ, ບຣູໄນ. ໃນທຸກລາຍການຝຶກຊ້ອມ, ພະນັກງານ ແລະນັກຮົບຢູ່ກໍາປັ່ນ 015 - ເຈິ່ນຮຶງດ້າວ ໄດ້ສະແດງໃຫ້ເຫັນລະດັບ ແລະຄວາມສາມາດວິຊາການໃນແຕ່ລະສະຖານະການຊ້ອມຮົບ. ພາຍຫຼັງເກືອບ 2 ວັນ ແລະຄືນແຫ່ງການຝຶກຊ້ອມຢ່າງຕໍ່ເນື່ອງ, ທຸກກໍາລັງເຄື່ອນຍ້າຍຢູ່ເຂດຝຶກຊ້ອມຍາວກວ່າ 300 ໄມທະເລ, ປະຕິບັດບັນດາລາຍການ, ຄື: ການຝຶກຊ້ອມຕິດຕາມກໍາປັ່ນເປົ້າໝາຍ, ການຖ່າຍຮູບແຖວ, ຂົນສົ່ງຢູ່ທະເລ, ການຝຶກຊ້ອມໂທລະເລກ ແລະແກ້ກົດລັບ, ກວດກາກຳປັ່ນທີ່ສົງໄສ. ນັກຂ່າວໜັງສືພິມກອງທັບປະຊາຊົນຫວຽດນາມ ຂໍແນະນໍາບາງຮູບພາບກ່ຽວກັບການຝຶກຊ້ອມຂອງພະນັກງານ, ນັກຮົບເຖິງເພື່ອນຜູ້ອ່ານ. ໂດຍ: ເຈິ່ນຮວ່ຽນ

ອົບຮົມຫັດແອບເກັ່ງ, ກຽມພ້ອມສູ້ຮົບສູງ

2 ພຶດສະພາ 2023 17:6
ກປ.ອອນໄລ - ໃນຊຸມວັນນີ້, ບັນດາກົມກອງຂຶ້ນກັບກໍາລັງປະກອບອາວຸດທະຫານເຂດ 9 ພວມອອກແຮງແຂ່ງຂັນກັນ, ເພື່ອໃຫ້ບັນລຸໝາກຜົນສູງສຸດດ້ວຍບັນດາໜ້າທີ່ ວຽກງານທີ່ລະອຽດ, ແທດຈິງ. ໂດຍໄດ້ຮັບການຂະໜານນາມວ່າແມ່ນ “ນັກຮົບເວນຍາມທ້ອງຟ້າ”, ສໍາລັບພະນັກງານ, ນັກຮົບກອງຮ້ອຍ 572, ກອງພັນ 145, ກອງພົນນ້ອຍປືນໃຫຍ່ປ້ອງກັນອາກາດ 226, ກົມກອງຍາມໃດກໍອົບຮົມຫັດແອບເກັ່ງ, ກຽມພ້ອມສູ້ຮົບສູງຢ່າງເປັນປະຈໍາ. ໃຜກໍ່ຕັດສິນໃຈຕິດແທດກັບສະໜາມຫັດແອບ, ບັນຍາກາດຂອງການຝຶກແອບຍາມໃດກໍຟົດຟື້ນມ່ວນຊື່ນ. ເພື່ອໃຫ້ມີຄວາມເຂົ້າໃຈຕື່ມອີກກ່ຽວກັບວຽກງານອົບຮົມຫັດແອບ, ກຽມພ້ອມສູ້ຮົບຂອງນັກຮົບ “ເວນຍາມທ້ອງຟ້າ”, ໜັງສືພິມກອງທັບປະຊາຊົນ ເອເລັກໂຕນິກຫວຽດນາມ ຂໍແນະນໍາບາງຮູບພາບຂອງການອົບຮົມຫັດແອບຂອງພະນັກງານ, ນັກຮົບເຖິງເພື່ອນຜູ້ອ່ານ. ໂດຍ:ໄຊຊະນະ

ບຸນປີໃໝ່ ເຕັມໄປດ້ວຍນໍ້າໃຈມິດຕະພາບ ຢູ່ໂຮງຮຽນມິດຕະພາບ T78

17 ເມສາ 2023 14:46
ກປ.ອອນໄລ - ຫວ່າງແລ້ວນີ້, ນັກຮຽນ, ນັກສຶກສາ ລາວ ເກືອບ 200 ຄົນ ທີ່ພວມຮໍ່າຮຽນຢູ່ໂຮງຮຽນມິດຕະພາບ T78 (ກະຊວງສຶກສາ ແລະກໍ່ສ້າງ) ໄດ້ຮ່ວມກັນຕ້ອນຮັບບຸນປີໃໝ່ ລາວ ພສ 2566. ນີ້ແມ່ນບຸນປີໃໝ່ປະເພນີໃຫຍ່ທີ່ສຸດຂອງປະຊາຊົນ ລາວ ເຊິ່ງ ປີນີ້ດໍາເນີນແຕ່ວັນທີ 14-16 ເມສາ 2023. ເນື່ອງໃນໂອກາດພິເສດນີ້, ຄະນະອໍານວຍການໂຮງຮຽນ ໄດ້ຈັດພິທີຕ້ອນຮັບບຸນປີໃໝ່ ພສ 2566 ໃຫ້ນັກຮຽນ, ນັກສຶກສາ ລາວ, ນີ້ແມ່ນການເຄື່ອນໄຫວປະຈໍາປີຂອງຄູອາຈານ ແລະນັກຮຽນໂຮງຮຽນມິດຕະພາບ T78 ເພື່ອໃຫ້ກໍາລັງໃຈ, ສ້າງຄວາມສະໜິດຕິດພັນລະຫວ່າງປະຊາຊົນທ້ອງຖິ່ນກັບນັກຮຽນ, ນັກສຶກສາ ລາວ ນັບຫຼາຍຮ້ອຍຄົນທີ່ພວມຮໍ່າຮຽນຢູ່ໂຮງຮຽນມິດຕະພາບ T78. ໂຮງຮຽນມິດຕະພາບ T78 ສັງກັດກະຊວງສຶກສາ ແລະກໍ່ສ້າງ, ໄດ້ຮັບການສ້າງຕັ້ງໃນວັນທີ 1 ມັງກອນ 1958, ເປັນໂຮງຮຽນພິເສດ, ມີມູນເຊື້ອມາແຕ່ດົນນານ, ພິເສດແມ່ນການພັດທະນານໍ້າໃຈມິດຕະພາບຫວຽດນາມ - ລາວ, ແຕ່ລະປີມີນັກຮຽນ, ນັກສຶກສາຕ່າງປະເທດປະມານ 200-300 ຄົນມາຮໍ່າຮຽນ ແລະສ່ວນຫຼາຍແມ່ນນັກຮຽນ, ນັກສຶກສາ ລາວ. ໜັງສືພິມກອງທັບປະຊາຊົນເອເລັກໂຕນິກ ຂໍແນະນໍາເຖິງເພື່ອນຜູ້ອ່ານບາງຮູບພາບຕ້ອນຮັບບຸນປີໃໝ່ ລາວ ພສ 2566 ຢູ່ໂຮງຮຽນມິດຕະພາບ T78. ໂດຍ: ໄຊຊະນະ

ຄວາມງາມຂອງແພດທະຫານ

27 ກຸມພາ 2023 17:22
ກປ.ອອນໄລ - ໃນຖັນແຖວແພດທະຫານ, ພະນັກງານ, ພາລະກອນ ແຕ່ລະຄົນດໍາລົງຕຳແໜ່ງ, ຮັບຜິດຊອບບັນດາໜ້າທີ່, ຂົງເຂດ, ການເຄື່ອນໄຫວດ້ານວິຊາສະເພາະທີ່ແຕກຕ່າງກັນ. ບໍ່ວ່າຈະຢູ່ໃນຕຳແໜ່ງໃດ, ສະພາບການປະຕິບັດງານໃດກໍ່ຕາມ ເຂົາເຈົ້າລ້ວນແຕ່ມີຄວາມສຸດຈິດສຸດໃຈ ແລະມີຄວາມຮັບຜິດຊອບຕໍ່ໜ້າທີ່ວຽກງານຂອງຕົນ, ເສີມສ້າງຮູບພາບອັນສູງສົ່ງຂອງ “ແພດທະຫານ-ທະຫານລຸງໂຮ່". ໂດຍ: ທະນາພອນ

1 2 3 4 5