ບັນດາຜູ້ແທນຖ່າຍຮູບລວມ. ພາບ: Baoquocte.vn
ທ່ານ ບຸ່ຍແທງເຊີນ ລັດຖະມົນຕີການຕ່າງປະເທດ ແລະບັນດາເອກອັກຄະລັດຖະທູດ, ຫົວໜ້າອົງການຜູ້ຕາງໜ້າການທູດ ປະເທດຕ່າງໆ. ພາບ: Baoquocte.vn
ທ່ານນາງ ຫວູທິບິກຫງອັກ ພັນລະຍາຂອງທ່ານ ບຸ່ຍແທງເຊີນ ລັດຖະມົນຕີການຕ່າງປະເທດຫວຽດນາມ ແລະບັນດາເອກອັກຄະລັດຖະທູດ, ຫົວໜ້າອົງການຜູ້ຕາງໜ້າການທູດປະເທດຕ່າງໆ. ພາບ: Baoquocte.vn
ກ່າວຄໍາເຫັນທີ່ລາຍການ, ທ່ານນາງ ປອ ຟ້າມລານຢຸງ ຮັກສາການຜູ້ອຳນວຍການສະຖາບັນການຕ່າງປະເທດ ສະແດງຄວາມຫວັງວ່າ ບັນດາເພື່ອນມິດສາກົນ ມາ ແລະເຂົ້າຮ່ວມບັນຍາກາດຕ້ອນຮັບບຸນເຕັດທີ່ເປັນເອກະລັກສະເພາະຢູ່ຫວຽດນາມ. ພາບ: Baoquocte.vn
ຫຼັງຈາກນັ້ນ, ບັນດາຜູ້ແທນໄດ້ຮັບຟັງແນະນໍາກ່ຽວກັບບຸນປີໃໝ່ປະຈໍາຊາດຫວຽດນາມ. ພາບ: Baoquocte.vn
ກ່ຽວກັບບາງປະເພນີຕ້ອນຮັບບຸນປີໃໝ່ປະຈຳຊາດຫວຽດນາມ ຄື: ການຈັດພາໝາກໄມ້ບູຊາ 5 ຊະນິດໃນບຸນເຕັດ... ພາບ: Baoquocte.vn
ວິທີຈັດສິ່ງຂອງເທິງແທ່ນບູຊາບັນພະບຸລຸດ... ພາບ: Baoquocte.vn
ວິທີຫໍ່ເຂົ້າຕົ້ມໃນບຸນປີໃໝ່. ພາບ: Baoquocte.vn
ໃນການພົບປະແລກປ່ຽນ, ບັນດາຜູ້ແທນສາກົນນິຍົມກັບການປັ້ນຮູບສັດສາວາສິ່ງ. ພາບ: Baoquocte.vn
ການແຕ້ມພາບດົງໂຮ່ ກໍ່ສ້າງຄວາມດຶງດູດໃຫ້ແກ່ຜູ້ຊົມ. ພາບ: Baoquocte.vn
ເພື່ອນມິດສາກົນ ສັງເກດບັນດາສິລະປະກອນຫໍ່ເຂົ້າຕົ້ມ. ພາບ: Baoquocte.vn
ນີ້ກໍ່ແມ່ນໂອກາດເພື່ອໃຫ້ບັນດາສະມາຊິກກຸ່ມແມ່ຍິງປະຊາຄົມອາຊຽນ ປະຈໍາຮ່າໂນ້ຍ ພົບປະສັງສັນ. ພາບ: Baoquocte.vn
ບັນດາຜູ້ແທນ ກໍໄດ້ຮັບຊົມລາຍການສະແດງສິລະປະພື້ນເມືອງທີ່ເປັນເອກະລັກສະເພາະຂອງຫວຽດນາມ ໂດຍຄູອາຈານ ແລະນັກສຶກສາ ສະຖາບັນການຕ່າງປະເທດ ສະແດງ. ພາບ: Baoquocte.vn
ລາຍການສະແດງຟ້ອນພື້ນເມືອງຂອງນັກສຶກສາ ສະຖາບັນການຕ່າງປະເທດ. ພາບ: Baoquocte.vn
ແຂກສາກົນທຸກຄົນລ້ວນແຕ່ສະແດງຄວາມນິຍົມຕໍ່ປະເພນີທີ່ເປັນເອກະລັກສະເພາະຂອງບຸນປີໃໝ່ປະຈໍາຊາດຫວຽດນາມ, ພິເສດແມ່ນເຍື່ອງອາຫານພື້ນເມືອງຫວຽດນາມ. ພາບ: Baoquocte.vn
ເພື່ອນມິດສາກົນ ຖືວ່າ ລາຍການດັ່ງກ່າວມີຄວາມຈັບໃຈ ແລະມີຄຸນປະໂຫຍດ, ຊ່ວຍໃຫ້ເຂົາເຈົ້າ ມີຄວາມເຂົ້າໃຈແຈ້ງກວ່າກ່ຽວກັບປະເທດຊາດ ແລະຊາວຫວຽດນາມ. ພາບ: Baoquocte.vn
ກປ.ອອນໄລ - ໃນບັນຍາກາດທີ່ບຸນປີໃໝ່ປະຈໍາຊາດປີຂານ 2022 ໃກ້ຈະມາເຖິງ, ຕອນຄໍ່າວັນທີ 15 ມັງກອນ, ສະຖາບັນການຕ່າງປະເທດ ສົມທົບກັບກຸ່ມແມ່ຍິງປະຊາຄົມອາຊຽນ ປະຈໍາຮ່າໂນ້ຍ ຈັດຕັ້ງລາຍການ “ພົບປະແລກປ່ຽນບຸນເຕັດ: ອາຊຽນ ແລະບັນດາເພື່ອນມິດ”.
ເຂົ້າຮ່ວມລາຍການມີທ່ານ ບຸ່ຍແທງເຊີນ ລັດຖະມົນຕີກະຊວງການຕ່າງປະເທດ ແລະພັນລະຍາ ແມ່ນທ່ານນາງ ຫວູທິບິກຫງອັກ; ທ່ານ ຫງວຽນກ໊ວກຢຸ້ງ ຮອງລັດຖະມົນຕີກະຊວງການຕ່າງປະເທດ ແລະພັນລະຍາ ແມ່ນທ່ານນາງ ເຈິ່ນທິບິກເວິນ; ບັນດາເອກອັກຄະລັດຖະທູດ, ຫົວໜ້າອົງການຜູ້ຕາງໜ້າການທູດ ບັນດາປະເທດອາຊຽນ ແລະບັນດາຄູ່ຮ່ວມມື, ເພື່ອນມິດຂອງອາຊຽນ ພ້ອມດ້ວຍພັນລະຍາ/ສາມີ ແລະບັນດາພັນລະຍາ, ເອກອັກຄະລັດຖະທູດຍິງແມ່ນສະມາຊິກກຸ່ມແມ່ຍິງປະຊາຄົມອາຊຽນ ປະຈໍາຮ່າໂນ້ຍ.
ເຫດການແນໃສ່ປະກອບສ່ວນຊຸກຍູ້ບັນດາການເຄື່ອນໄຫວສາມັກຄີ, ພົບປະແລກປ່ຽນມິດຕະພາບລະຫວ່າງບັນດາປະເທດໃນປະຊາຄົມອາຊຽນ ແລະບັນດາຄູ່ຮ່ວມມື, ພ້ອມທັງໂຄສະນາບັນດາຄຸນຄ່າວັດທະນະທໍາພື້ນເມືອງຂອງຊາດ ແລະເປີດກວ້າງການພົວພັນສະໜິດແໜ້ນລະຫວ່າງກະຊວງການຕ່າງປະເທດ, ໃນນັ້ນມີສະຖາບັນການຕ່າງປະເທດ ກັບບັນດາອົງການຜູ້ຕາງໜ້າການທູດບັນດາປະເທດ ປະຈໍາຮ່າໂນ້ຍ.
ໂດຍ: ກວຽດເຕິມ
Type the code from the image