ຂີດໝາຍສໍາຄັນນໍາການຮ່ວມມືດ້ານປ້ອງກັນຊາດສອງຝ່າຍ ຫວຽດນາມ - ລາວ ຂຶ້ນສູ່ລະດັບສູງໃໝ່

ກປ.ອອນໄລ - ການພົບປະແລກປ່ຽນມິດຕະພາບປ້ອງກັນຊາດເຂດຊາຍແດນ ຫວຽດນາມ - ລາວ ຄັ້ງທີໜຶ່ງ ທີ່ຫາກໍ່ຈັດຂຶ້ນ ແລະປະສົບຜົນສໍາເລັດຢ່າງຈົບງາມ ຢູ່ເມືອງເຮື໊ອງຮວ໊າ (ແຂວງກວ໋າງຈິ) ແລະເມືອງເຊໂປນ (ແຂວງສະຫວັນນະເຂດ).

ນີ້ບໍ່ພຽງແຕ່ເປັນຂີດໝາຍສໍາຄັນ, ນໍາການຮ່ວມມືດ້ານປ້ອງກັນຊາດສອງຝ່າຍລະຫວ່າງ ຫວຽດນາມ - ລາວ ຂຶ້ນສູ່ລະດັບສູງໃໝ່ເທົ່ານັ້ນ, ຫາກຍັງຜ່ານບັນດາການເຄື່ອນໄຫວຂອງການພົບປະແລກປ່ຽນມິດຕະພາບ ໄດ້ປະກອບສ່ວນເພີ່ມທະວີຄວາມໄວ້ເນື້ອເຊື່ອໃຈດ້ານການເມືອງ, ສ້າງຄວາມສາມັກຄີມິດຕະພາບ, ຊຸກຍູ້ການຮ່ວມມືທີ່ແທດຈິງລະຫວ່າງກໍາລັງປົກປັກຮັກສາຊາຍແດນຂອງສອງປະເທດ; ອໍານາດການປົກຄອງ ແລະປະຊາຊົນຢູ່ເຂດຊາຍແດນ; ກໍ່ສ້າງເສັ້ນຊາຍແດນ ຫວຽດນາມ - ລາວ ແຫ່ງສັນຕິພາບ, ມິດຕະພາບ, ສະຖຽນລະພາບ, ຮ່ວມມື ແລະພັດທະນາຢ່າງແທດຈິງ ອີກດ້ວຍ; ທັບມ້າງຖ້ອຍທໍານອງບິດເບືອນຄວາມຈິງຂອງບັນດາອິດທິກໍາລັງປໍລະປັກກ່ຽວກັບການພົວພັນສອງຝ່າຍ; ປະກອບສ່ວນເຂົ້າໃນການເຮັດໃຫ້ການພົວພັນມິດຕະພາບທີ່ຍິ່ງໃຫຍ່, ຄວາມສາມັກຄີພິເສດ ແລະການຮ່ວມມືຮອບດ້ານຫວຽດນາມ - ລາວ, ລາວ - ຫວຽດນາມ ເລິກເຊິ່ງຂຶ້ນຕື່ມ...

ໜັງສືພິມກອງທັບປະຊາຊົນເອເລັກໂຕນິກ ຂໍແນະນໍາເຖິງເພື່ອນຜູ້ອ່ານບາງຮູບພາບທີ່ປະທັບໃຈໃນການພົບປະແລກປ່ຽນມິດຕະພາບປ້ອງກັນຊາດເຂດຊາຍແດນ ຫວຽດນາມ - ລາວ ຄັ້ງທີໜຶ່ງ; ຜ່ານບັນດາຮູບພາບນີ້, ອີກເທື່ອໜຶ່ງ ໄດ້ຢັ້ງຢືນວ່າ ການພົວພັນທີ່ເປັນແບບຢ່າງ, ຄວາມສັດຊື່ບໍລິສຸດ, ຜ່ອງໃສລະຫວ່າງ ຫວຽດນາມ - ລາວ ຍາມໃດກໍ່ແມ່ນຄວາມເອກອ້າງທະນົງໃຈຂອງທັງສອງຊາດ. ຜ່ານບັນດາການເຄື່ອນໄຫວພົບປະແລກປ່ຽນ, ພວກເຮົາ ຍິ່ງມີຄວາມພາກພູມໃຈກ່ຽວກັບການພົວພັນສັດຊື່ບໍລິສຸດ, ໝັ້ນແກ່ນຫວຽດນາມ - ລາວ ເຊິ່ງ ປະທານໂຮ່ຈີມິນ ໄດ້ຢັ້ງຢືນວ່າ “ ສອງຊາດລາວ - ຫວຽດ ໄດ້ / ຝັງຄວາມຮັກຢູ່ໃນໃຈ, ຮົ່ງຮ່າທັງແມ່ຂອງ ບໍ່ເລິກປຸນປານໄດ້” ແລະ ປະທານ ໄກສອນ ພົມວິຫານ ກໍໄດ້ຢັ້ງຢືນວ່າ “ເຖິງວ່າ ພູອາດຈະຖືກເຊາະເຈື່ອນ, ແມ່ນໍ້າອາດຈະເຫືອດແຫ້ງ ແຕ່ຄວາມສໍາພັນ ລາວ - ຫວຽດນາມ ຈະໝັ້ນຄົງກວ່າພູເຂົາ ແລະແມ່ນໍ້າ”.

ໂດຍ: ໄຊຊະນະ