ພາຍຫຼັງທີ່ໄດ້ຮັບຂ່າວມາເປັນເວລາກວ່າ 1 ຊົ່ວໂມງ, ວັກຊິນໄດ້ມາຮອດຫວຽດນາມ, ເວລາ 23 ໂມງ 30 ນາທີ ກາງຄືນຂອງວັນທີ 24 ກໍລະກົດ, ກອງລົດຂອງກອງພົນນ້ອຍ 972 ໄດ້ມີໜ້າຢູ່ສະໜາມບິນສາກົນເຕິນເຊີນເຍິດ. ພາບ: qdnd.vn
ວັກຊິນງວດທຳອິດໄດ້ປະກົດຕົວຫຼັງຈາກປະຕູສົ່ງສິນຄ້າຢູ່ສະໜາມບິນໄດ້ເປີດອອກ. ພາບ: qdnd.vn
ລົດລາກຂະໜາດນ້ອຍບັນທຸກວັກຊິນ Moderna ງວດທຳອິດອອກຫ້ອງສົ່ງສິນຄ້າຂອງສະໜາມບິນ. ພາບ: qdnd.vn
ກວດກາວັກຊິນແຕ່ລະແກັດຢ່າງຮອບຄອບຖີ່ຖ້ວນ. ພາບ: qdnd.vn
ພະນັກງານ, ນັກຮົບກອງພົນນ້ອຍ 972 ກວດກາ ແລະຮັບສິນຄ້າທີ່ຖືກຕ້ອງ. ພາບ: qdnd.vn
ນີ້ແມ່ນງວດວັກຊິນ Moderna ຈຳນວນ 1,5 ລ້ານໂດສໃນຈຳນວນ 3 ລ້ານໂດສ ທີ່ລັດຖະບານອາເມລິກາ ໜູນຊ່ວຍຫວຽດນາມ ເພື່ອປ້ອງກັນ, ຕ້ານພະຍາດໂຄວິດ-19. ພາບ: qdnd.vn
ວັດແທກ, ຄິດໄລ່ຂະໜາດເພື່ອຂົນສົ່ງ. ພາບ: qdnd.vn
ນັກຮົບຂົນສົ່ງ, ຈັດແຈງ ແລະມັດສິນຄ້າຄືນໃໝ່. ພາບ: qdnd.vn
ພາຍຫຼັງເວລາເກືອບໜຶ່ງຊົ່ວໂມງ, ວັກຊິນໄດ້ຈັດວາງຢ່າງເປັນລະບຽບຮຽບຮ້ອຍໃນລົດ. ພາບ: qdnd.vn
ຂະບວນລົດຂົນສົ່ງວັກຊິນເຂົ້າສາງຂອງກະຊວງສາທາລະນະສຸກ. ພາບ: qdnd.vn
ຍານພາຫະນະໃນສາງເກັບຄວາມເຢັນຮັບວັກຊິນແຕ່ລະຊຸດ. ພາບ: qdnd.vn
ຈັດວາງວັກຊິນຢ່າງລະມັດລະວັງ. ພາບ: qdnd.vn
ກວດວັກຊິນໃນສາງເກັບຄວາມເຢັນຄັ້ງສຸດທ້າຍ. ພາບ: qdnd.vn
ກປ.ອອນໄລ - ເວລາ 3 ໂມງເຊົ້າຂອງວັນທີ 25 ກໍລະກົດ, ກອງພົນນ້ອຍ 972 (ກົມຂົນສົ່ງ, ກົມໃຫຍ່ພະລາທິການ) ໄດ້ຂົນສົ່ງວັກຊິນ Moderna ຈຳນວນ 1,5 ລ້ານໂດສ ຈາກສະໜາມບິນສາກົນເຕິນເຊີນເຍິດ ແລະມອບເຂົ້າສາງຂອງກະຊວງສາທາລະນະສຸກພາກໃຕ້ຢ່າງປອດໄພ. ນີ້ແມ່ນງວດວັກຊິນ Moderna ໃນບ້ວງໜູນຊ່ວຍຈຳນວນ 3 ລ້ານໂດສ ເພື່ອປ້ອງກັນ, ຕ້ານພະຍາດໂຄວິດ-19 ໂດຍລັດຖະບານອາເມລິກາ ມອບໃຫ້ຜ່ານໂຄງການ Covax Facility.
ວັກຊິນແມ່ນສິນຄ້າພິເສດ, ປຽບເໝືອນດັ່ງ "ຄວາມຫວັງ" ເພື່ອນຳມາເຊິ່ງສຸຂະພາບໃຫ້ແກ່ປະຊາຊົນ ແລະຄວາມສະຫງົບສຸກໃນຊຸມຊົນ, ຍ້ອນເຫດນັ້ນ, ແຕ່ລະຖ້ຽວທີ່ບັນທຸກວັກຊິນລ້ວນແຕ່ມີຄວາມໝາຍອັນເລິກເຊິ່ງ.
ສະນັ້ນ, ເພື່ອຮັບປະກັນວັກຊິນໄດ້ຮັບການເກັບຮັກສາໃຫ້ດີທີ່ສຸດ, ພາຍຫຼັງໄດ້ຮັບໜ້າທີ່ໂດຍຂັ້ນເທິງມອບໃຫ້, ໃນຕອນກາງຄືນ, ກົມກອງໄດ້ນຳໃຊ້ລົດຮຸນໄດ HD260 3 ຄັນໃຫ້ໄປສະໜາມບິນສາກົນເຕິນເຊີນເຍິດ ຢ່າງວ່ອງໄວ ເພື່ອຂົນວັກຊິນໄປຍັງສະຖານທີ່ເກັບຮັກສາຢ່າງປອດໄພໃນທຸກໆດ້ານ.
ນັກຂ່າວໜັງສືພິມກອງທັບປະຊາຊົນອອນລາຍ ຂໍແນະນໍາເຖິງເພື່ອນຜູ້ອ່ານບາງຮູບພາບໃນຄືນຂົນສົ່ງວັກຊິນ-ຂະບວນການນໍາເອົາ “ຄວາມຫວັງ” ມາໃຫ້ປະຊາຊົນຂອງກອງພົນນ້ອຍ 972
ໂດຍ: ທະນາພອນ
Type the code from the image