ພິທີເປີດປີທ່ອງທ່ຽວແຫ່ງຊາດ - ກວ໋າງນາມ 2022 ທີ່ຈັດຂຶ້ນຢູ່ນະຄອນໂຮ້ຍອານ (ແຂວງກວ໋າງນາມ) ດ້ວຍຈຸດໂດດເດັ່ນແມ່ນລາຍການສະແດງສິລະປະ “ກວ໋າງນາມ - ສະຖານທີ່ທ່ອງທ່ຽວສີຂຽວ”. ພາບ: qdnd.vn

ລາຍການສະແດງສິລະປະ ໄດ້ປະຕິບັດດ້ວຍເຕັກໂນໂລຢີການສຽງ, ໄຟແສງສີທັນສະໄໝ, ສ້າງເປັນຮູບພາບທີ່ເຕັມໄປດ້ວຍສີສັນສິລະປະ. ພາບ: qdnd.vn

ດ້ວຍຫົວຂໍ້: “ກວ໋າງນາມ - ສະຖານທີ່ທ່ອງທ່ຽວສີຂຽວ”, ສະແດງໃຫ້ເຫັນວັດທະນະທໍາ, ການດໍາເນີນຊີວິດຂອງປະຊາຊົນ, ທິວທັດເຂດບ້ານນາ, ສີສັນວັດທະນະທໍາ, ຮີດຄອງປະເພນີຂອງປະຊາຊົນທ້ອງຖິ່ນເດີມ, ຕິດພັນກັບການໂຄສະນາປົກປັກຮັກສາສິ່ງແວດລ້ອມ, ຫຼຸດຜ່ອນຂີ້ເຫຍື້ອ ແລະສິ່ງເສດເຫຼືອ, ພັດທະນາການທ່ອງທ່ຽວຢ່າງປອດໄພ ແລະເປັນມິດ. ພາບ: qdnd.vn

ທີ່ພິທີເປີດ, ທ່ານ ຟ້າມມິງຈີ໊ງ ນາຍົກລັດຖະມົນຕີ; ທ່ານ ຫງວຽນວັນຮຸ່ງ ລັດຖະມົນຕີກະຊວງວັດທະນະທໍາ, ກິລາ ແລະທ່ອງທ່ຽວ; ທ່ານ ຟານຫວຽດເກື່ອງ ເລຂາພັກແຂວງກວ໋າງນາມ ແລະທ່ານ ເລຈີ໊ແທັງ ປະທານຄະນະກໍາມະການປະຊາຊົນແຂວງກວ໋າງນາມ ໄດ້ລົງລາຍເຊັນໃສ່ໝາກບານສີຂຽວ, ບັນຈຸສານທີ່ວ່າ: ພັດທະນາການທ່ອງທ່ຽວສີຂຽວ, ປົກປັກ ຮັກສາສິ່ງແວດລ້ອມ, ປົກປ້ອງໜ່ວຍໂລກສີຂຽວ. ພາບ: qdnd.vn

ກ່າວຄໍາເຫັນຊີ້ນໍາທີ່ພິທີ, ທ່ານນາຍົກລັດຖະມົນຕີ ຟ້າມມິງຈີ໊ງ ຢັ້ງຢືນວ່າ, ລັດຖະບານຫວຽດນາມ ໄດ້ກໍານົດຫົວຂໍ້ຂອງປີ 2022 ແມ່ນ “ສາມັກຄີ, ມີລະບຽບວິໄນ, ເປັນເຈົ້າການຮັບມື, ປອດໄພ-ມີປະສິດທິຜົນ, ຟ້ືນຟູການພັດທະນາ”. ພາບ: qdnd.vn

ໝາກບານສີຂຽວ ໄດ້ສົ່ງສານທີ່ວ່າ: ພັດທະນາການທ່ອງທ່ຽວສີຂຽວ, ປົກປັກຮັກສາສິ່ງແວດລ້ອມ, ປົກປ້ອງໜ່ວຍໂລກສີຂຽວ. ພາບ: qdnd.vn

ຍິງບັ້ງໄຟດອກຂໍ່ານັບຮັບຕ້ອນເຫດການ ແລະເປີດສາກການເຄື່ອນໄຫວປີທ່ອງທ່ຽວແຫ່ງຊາດ 2022. ພາບ: qdnd.vn

ໃນຊຸມປີຜ່ານມາ, ການທ່ອງທ່ຽວກວ໋າງນາມ ໄດ້ມີການຫັນປ່ຽນພັດທະນາຢ່າງກ້າວກະໂດດຂັ້ນ. ພາບ: qdnd.vn

ການເຄື່ອນໄຫວທ່ອງທ່ຽວສວມບົດບາດເປັນຂະແໜງເສດຖະກິດປາຍແຫຼມບົນພື້ນຖານອະນຸລັກຮັກສາ ແລະຂຸດຄົ້ນຄຸນຄ່າປະຫວັດສາດ, ວັດທະນະທໍາຮູບປະທໍາ-ນາມມະທໍາ, ຊັບພະຍາກອນທໍາມະຊາດທີ່ອຸດົມສົມບູນ, ຫຼາກຫຼາຍຮູບແບບແຕ່ເຂດພູດອຍຕະຫຼອດຮອດເຂດທົ່ງພຽງ, ໝູ່ເກາະທະເລ. ພາບ: qdnd.vn

ກ່ອນເວລາເປີດພິທີປີທ່ອງທ່ຽວແຫ່ງຊາດ - ກວ໋າງນາມ 2022 ມີແຂກທ່ອງທ່ຽວມາຊົມທິວທັດເປັນຈໍານວນຫຼວງຫຼາຍ. ພາບ: qdnd.vn

ກວ໋າງນາມ ໃນປັດຈຸບັນ ບໍ່ພຽງແຕ່ມີຊື່ສຽງດ້ວຍຄຸ້ມຖະໜົນເກົ່າ ໂຮ້ຍອານ, ເຂດຫໍທາດໝີ້ເຊີນ, ເຂດນິເວດວິທະຍາໂລກ ກູ່ລາວຈາມ ເທົ່ານັ້ນ ຫາກຍັງເປັນທີ່ຮູ້ຈັກດ້ວຍຜະລິດຕະພັນ OCOP ທີ່ເຕັມໄປດ້ວຍນໍ້າໃຈແຫ່ງບ້ານເກີດເມືອງນອນ, ຫຼາຍເຂດທ່ອງທ່ຽວດຶງດູດໃຈ, ຫຼາຍບ້ານທ່ອງທ່ຽວຊຸມຊົນທີ່ເປັນເອກະລັກສະເພາະອີກດ້ວຍ. ພາບ: qdnd.vn

ປະຊາຊົນ ແລະແຂກທ່ອງທ່ຽວມາຫຼິ້ນຢູ່ແຄມແມ່ນໍ້າ ຮວ່າຍ ທີ່ສວຍງາມດັ່ງໃນຝັນຢ່າງມ່ວນຊື່ນ. ພາບ: qdnd.vn

ຄອບຄົວໜຶ່ງ ຍາດເວລາບັນທຶກພາບຢູ່ຂ້າງວັດເກົ່າ ກ່ອນທີ່ຈະໄປເຂົ້າຮ່ວມພິທີເປີດປີທ່ອງທ່ຽວແຫ່ງຊາດ - ກວ໋າງນາມ 2022. ພາບ: qdnd.vn

ເຂດຮ້ານອາຫານ, ກິນດື່ມໃນທ້ອງຖະໜົນ ດຶງດູດແຂກທ່ອງທ່ຽວ. ພາບ: qdnd.vn

ແຂກທ່ອງທ່ຽວຊີມອາຫານທີ່ເປັນເອກະລັກສະເພາະຂອງກວ໋າງ ນາມ ຢູ່ຂ້າງຖະໜົນ. ພາບ: qdnd.vn