ເອີ​ຣົບ ຈະ​ມີ​ປ​ະ​ຕິ​ກິ​ລິ​ຍາ​ທີ່​ເປັນ​ເອ​ກະ​ພາບ​ຕໍ່​ກຳ​ລັງ​ກົດ​ດັນ​ດ້ານ​ພາ​ສີ​ຂອງອາ​ເມ​ລິ​ກາ ທີ່ກ່ຽວ​ຂ້ອງ​ເຖິງ Greenland

ບັນດາຕຶກອາຄານຢູ່ Nuuk, Greenland, ວັນທີ 14 ກຸມພາ 2026. ພາບ: REUTERS

ເມື່ອກ່າວຄຳເຫັນຢູ່ Berlin, ທ່ານ Lars Klingbeil ລັດຖະມົນຕີກະຊວງການເງິນເຢຍລະມັນ ເນັ້ນໜັກວ່າ: “ເຢຍລະມັນ ແລະ ຝລັ່ງ ຕົກລົງເປັນເອກະພາບວ່າ… ປະຕູເຈລະຈາຍັງເປີດກວ້າງ, ແຕ່ບໍ່ຍອມຮັບຕໍ່ການນາບຂູ່”. ຖະແຫຼງການດັ່ງກ່າວ ໄດ້ຍົກອອກມາພາຍຫຼັງທ່ານ Donald Trump ປະທານາທິບໍດີ ອາເມລິກາ ກ່າວເຕືອນຈະຈັດວາງມາດຕະການເພີ່ມອັດຕາພາສີເທື່ອລະກ້າວ ສຳລັບສິນຄ້າທີ່ໄດ້ນຳເຂົ້າຈາກສຳພັນທະມິດເອີຣົບ ຈົນຮອດເວລາທີ່ອາເມລິກາ ໄດ້ຮັບອະນຸຍາດຊື້ Greenland, ເກາະກວ້າງໃຫຍ່ສຸດຢູ່ຂົ້ວໂລກເໜືອ ຂຶ້ນກັບອະທິປະໄຕຂອງແດນມາກ.

ຄາດຄະເນວ່າ ບັນດາການນຳສະຫະພາບເອີຣົບ (EU) ຈະປຶກສາຫາລືແຜນຕອບໂຕ້ໃນກອງປະຊຸມສຸດຍອດໂດຍດ່ວນ ທີ່ຈະຈັດຂຶ້ນໃນວັນທີ 23 ມັງກອນ ຢູ່ ບຣຸກແຊນ. ມີການເລືອກເຟັ້ນໜຶ່ງທີ່ພວມໄດ້ຮັບການພິຈາລະນາ ນັ້ນແມ່ນ ບ້ວງຈັດວາງອັດຕາພາສີລວມມູນຄ່າ 93 ຕື້ ເອີໂຣ (107,7 ຕື້ USD) ສຳລັບສິນຄ້າ ອາເມລິກາ, ອາດຈະມີຜົນສັກສິດແບບອັດຕະໂນມັດແຕ່ວັນທີ 6 ກຸມພາ ພາຍຫຼັງເວລາຖືກຢຸດຕິ 6 ເດືອນ.

ແຫຼ່ງຄັດຈາກ: vovworld.vn