ອາເມລິກາ, ຈີນ ເຊື່ອມຕໍ່ການເຈລະຈາກ່ຽວກັບການຕິດຕໍ່ສື່ສານດ້ານການທະຫານຄືນໃໝ່
ໃນຖະແຫຼງການອອກ ວັນທີ 5 ເມສາ, ກອງບັນຊາການມະຫາສະມຸດອິນເດຍ - ປາຊີຟິກ ອາເມລິກາ (INDOPACOM) ໃຫ້ຮູ້ວ່າ: ບັນດາຜູ້ຕາງໜ້າກອງທັບຂອງອາເມລິກາ ແລະຈີນ ໄດ້ດຳເນີນການເຈລະຈາຂອງໜ່ວຍງານ ກ່ຽວກັບຂໍ້ຕົກລົງປຶກສາຫາລືດ້ານການທະຫານເຮືອ ຢູ່ Hawaii (ອາເມລິກາ) ແຕ່ວັນທີ 2 -4 ເມສາ ຫວ່າງແລ້ວນີ້.
ນີ້ແມ່ນການເຈລະຈາເປັນຄັ້ງທຳອິດກ່ຽວກັບການຕິດຕໍ່ສື່ສານດ້ານການທະຫານລະຫວ່າງສອງປະເທດ ນັບແຕ່ການເຈລະຈາແບບທາງໄກໃນທ້າຍປີ 2021.
ທ່ານ Ian Francis, ພັນເອກກອງທັບບົກ, ຫົວໜ້າຄະນະເຈລະຈາຂອງອາເມລິກາ ໃຫ້ຮູ້ວ່າ: ການປຶກສາຫາລືຄັ້ງນີ້ແມ່ນ “ເຄື່ອງມືຫຼັກເພື່ອໃຫ້ INDOPACOM ປຶກສາຫາລືໂດຍກົງກ່ຽວກັບຄວາມປອດໄພໃນບັນດາການເຄື່ອນໄຫວທາງອາກາດ ແລະບົນທະເລ” ກັບກອງທັບຈີນ. ທ່ານເນັ້ນໜັກຢ່າງແຮງເຖິງຄວາມສຳຄັນຂອງການຕິດຕໍ່ສື່ສານກັບກອງທັບຈີນ ຢ່າງເປີດອົກເປີດໃຈ, ໂດຍກົງ ແລະຈະແຈ້ງກໍ່ຄືທັງໝົດກຳລັງການທະຫານອື່ນໃນພາກພື້ນ ເພື່ອຫຼີກລ້ຽງຂໍ້ມູນທີ່ຜິດເຂວ. ທີ່ການເຈລະຈາໃນສັບປະດານີ້ ບັນດາເຈົ້າໜ້າທີ່ອາເມເລິກາ ແລະ ຈີນ ໄດ້ປຶກສາຫາລືລັກສະນະເປັນມືອາຊີບ ແລະ ຄວາມປອດໄພໃນການເຄື່ອນໄຫວການເດີນທະເລ ແລະ ການບິນ.
ແຫຼ່ງຄັດຈາກ: vovworld.vn