ທ່ານນາງ Ursula von der Leyen ໄດ້ຮັບການສະເໜີສືບຕໍ່ດຳລົງຕຳແໜ່ງປະທານ EC
ວັນທີ 7 ມີນາ, ພັກປະຊາຊົນເອີລົບ (EPP), ພັກໃຫຍ່ສຸດ ໃນລັດຖະສະພາເອີລົບ ໄດ້ສະເໜີທ່ານນາງ Ursula von der Leyen, ປະທານຄະນະກຳມະການເອີລົບ (EC) ຄົນປະຈຸບັນ, ສືບຕໍ່ດຳລົງຕຳແໜ່ງນີ້ຕື່ມອີກອາຍຸການໜຶ່ງ. ຂໍ້ສະເໜີດັ່ງກ່າວໄດ້ຮັບຮອງເອົາ ພາຍຫຼັງທ່ານນາງ Ursula von der Leyen ຍາດໄດ້ 400 ໃນຈຳນວນ 409 ບັດເລືອກຕັ້ງໃນການປ່ອນບັດເລືອກຕັ້ງຂອງ EPP.
|
|
ທ່ານນາງ Ursula von der Leyen, ປະທານຄະນະກຳມະການເອີລົບ. ພາບ: AFP |
ໃນບົດກ່າວປາໄສທີ່ໄດ້ຍົກອອກມາໃນວັນດຽວກັນ, ທ່ານນາງໃຫ້ຄຳໝັ້ນສັນຍາວ່າ ຈະນຳມາເຊິ່ງສັນຕິພາບ, ຄວາມວັດທະນາຖາວອນ ແລະຄວາມໝັ້ນຄົງໃຫ້ແກ່ປະຊາຊົນ ອີລົບ.
ທ່ານນາງ Ursula von der Leyen, ອາຍຸ 65 ປີ, ຮັບດຳລົງຕຳແໜ່ງປະທານ EC ແຕ່ເດືອນ ທັນວາ 2019. ນັບແຕ່ຮັບດຳລົງຕຳແໜ່ງນີ້, ທ່ານນາງ Ursula von der Leyen ສາມາດສ້າງໄດ້ການສະໜັບສະໜູນຢ່າງກວ້າງຂວາງຂອງບັນດາການນຳ ແລະ ລັດຖະບານເອີລົບ.
ການເລືອກຕັ້ງບັນດາຕຳແໜ່ງການນຳຂອງສະຫະພາບເອີລົບ ຈະດຳເນີນແຕ່ວັນທີ 06-09 ມິຖຸນາ.
ແຫຼ່ງຄັດຈາກ: vovworld.vn