ລັດເຊຍ ແລະຈີນ ເອົາໃຈໃສ່ເປັນພິເສດເຖິງການຍົກລະດັບການພົວພັນໃຫ້ຂຶ້ນສູ່ລະດັບສູງໃໝ່
ການຢ້ຽມຢາມລັດເຊຍ ຂອງທ່ານປະທານປະເທດຈີນ ສີຈີ້ນຜິງ ຈະແມ່ນເຫດການຈຸດສຸມໃນການພົວພັນລະຫວ່າງສອງປະເທດໃນປີນີ້. ຖະແຫຼງການຂອງກະຊວງການຕ່າງປະເທດລັດເຊຍ ອອກໃນວັນທີ 30 ມັງກອນ ໃຫ້ຮູ້ວ່າ: ທ່ານປະທານາທິບໍດີລັດເຊຍ Vladimir Putin ໄດ້ເຊື້ອເຊີນທ່ານປະທານປະເທດຈີນ ສີຈີ້ນຜິງ ມາຢ້ຽມຢາມລັດເຊຍ ໃນລະດູບານໃໝ່ປີນີ້. ສອງຝ່າຍຈະເອົາໃຈໃສ່ເຖິງການຍົກສູງການພົວພັນສອງຝ່າຍ ຂຶ້ນສູ່ລະດັບສູງໃໝ່.